#بديلة الدم

البارت الثاني

البارت الثاني
رواية .. بديلة الدم
بقلمي .. نور سمو العراق

💔💔💔💔💔💔💔💔💔💔💔💔💔

متى تكرهني؟
أكرهك في كل مره أراك تنجذب لشخص أخر وكأنك لم تكتفي بي مثلما أكتفيت بك" ‏
محمود درويش ❤️
.................................

قمر

اكو مقتبس احبه  واني دائما مخليته ببالي يكول.. في الكثير من مواقف الخذلان، نحن لا نتحسس موضع الألم بل نتحسس حجم الدهشة التي يخلفها سقوط قناع آخر عن وجهٍ نحبه.

فعلا احس بدهشه فضيعه والم اغترس بداخلي مدا استوعب حجم الآلم الي دا احس بيه ودا افكر هو شنو الي سويته حتى هيج اتجازه مع الاسف

لزم ايدي وهو يكول .. هاي شبيج قمر شكو صاير شي ترا ممعقوله لان اتصلت وعفتج هيج تتصرفين هاي رعونه منج

بللت شفايفي بحيره وجاوبته بتكذيب .. ترا مبيه شي بس تاخرت وانت تعرف باجر عندي دوام وبابا كذلك يكون بقلق عليه ورزه هماتين اهلها يظلون بقلق

باوعلي بصمت وهو يكول .. يله تمام لعد اني اوصلكم

جاوبته بنفي .. اني جايه بسيارتي وروز كذلك يعني ماكو داعي ارجع لوحدك

رد عليه وهو يكول .. لا انتي مو طبيعيه ليكون عبالج من رحت اتصلت كنت دا احجي ويه بنيه ترا بالقران ما حاجي ويه بنيه هذا صديق واذا حابه فتشي موبايلي

عقدت حواجبي .. وانت شكو هيج تحجي وتثير الشكوك على نفسك مو مهم عندي

جاوب بانزعاج .. مو انتي تشككين الواحد بنفسه يعني كنتي تضحكين وتسولفين فجأة تغيرتي اول ما رحت اتصلت بموبايلي انتي تغيرتي تغير جذري

حطيت ايدي على صدره وجاوبته .. عادي مو مهم كتلك ماكو شي لا يظل ببالك بس عندي اعذاري ولازم ارجع

كال بقلة صبر .. تمام روحي

مشيت من كدامه اني و روزه نزلنه من المطعم هي لزمتني كالت .. احسج مو طبيعيه صاير شي

هزيت راسي بنفي.. لا ماكو شي بس تأخرت

جرت نفس وزفرته كالت .. اني هماتين تاخرت وبابا كل شويه واتصل بيه وماما كذلك حتى اخويه عمر هماتين اتصل بيه وهسه بابا كال حنتظرج بالتقاطع مالت الفلكة

لزمتها من ايده بشكر .. يعمري تعبتج ويايه واسفه اذا سببت الج مشاكل ويه اهلج

باستني كالت .. لا يروحي ماكو اي تعب بالعكس انتي تعرفين شكد اني احبج واتمنى الج الخير بس ما اعرف اليوم ليش لمحت الحزن بعيونج وانتي متقبلين تكولين السبب

ابتسمت .. ماكو شي والله لا يظل بالج

اتصل موبايلها فتحت خط وهي تكول.. ها بابا ونبي هسه طلعت يله طمن ماما عليه واتصل بيها اني جايتك هسه حوصل