البارت الاول
رواية .. بديلة الدم
بقلمي .. نور سمو العراق
💔💔💔💔💔💔💔💔💔💔💔💔
تُنسى
كأنكَ
لم
تَكُن
تُنسى
كمصرعِ
طائرٍ
ككنيسةٍ
مهجورةٍ
تُنسى
كَحُبٍ
عابرٍ
وكوردةٍ
في الثلجِ
تُنسى
- محمود درويش
تم النشر ٢٠٢٣/٥/٣❤️
.....................................
الساعه التسعه الصبح بتوقيت بغداد
بأحد المناطق البغدادية الراقية
كنت كاعده على الكرسي الجلد والمكتب الصاجي كدامي مرتبته بشكل انيق من طبعي احب الاناقه والتميز والترتيب
صورتي كانت كدامي حاضنه امي وضاحكة رفعتها وباوعتلها بتمعن شكد حلوه هاي الصوره وعندي بيها ذكرى حلوه وكل الي دا اسوي هو صدقة جاريه لماما
جريت نفس عميق وزفرته وكفت مشيت على ارضية المكتب وصوت الكعب يرن بأذني
وكفت كدام المراية الطويله وعدلت بنطروني من عند الخصر ابتسمت على ملامحي كولش احب شكلي واتباهه بنفسي رغم شكلي بسيط مو مبالغ بالجمال
كنت لابسه قميص ابيض فضفاض ومدخلته داخل البنطرون وسترابلس ابيض كذلك لان كانت ازرار القميص مفتوحة ولابسه بنطرون جينس كابوي وحذاء كعب جلد النمر
دائما البس كعب لان طولي ابد ما يساعد وكل شخص التقي بيه يفوقني بالطول بمتر كامل للاسف حتى خطيبي زيد اطول مني بهوايه ودائما اتلقى الانتقادات بسبب طولي وطول خطيبي خاصه من اهله وهذا الشي يضوجني خاصه اهل خطيبي يتنمرون بحقد ابد ميتشاقون
رجعت اباوع الشكلي جنت بشعر اسود قصير لحد الكتف وملفوف من اطرافه اسود فاحم وبيه لمعه احب شعري رغم قصره وسواده وابد ما ابدل لونه كولش راضيه الحمدلله
ملامحي متناسقه ويه سواد شعري ولون بشرتي احب للون الاحمر للحمره احسها تنطيني اطلاله غريبه ومميزه
انفتح الباب درت وجهي بسرعه شفتها صديقتي روز مدت راسها من الباب وهي تكول .. شنو الحلووو اليوم كاشخ كل قوته احجي شكوو ليكون زيد حيجي ياخذج
ابتسمت عليها ورديت .. لا يا زيد بس اليوم عندي موعد ويه بواحد بجهاز مكافحة الارهاب
أنت تقرأ
#بديلة الدم
ChickLitكنت أُريد أن أُخبرك بأن الجميع خذلني وأصبحت أخاف من الجميع إلا أنت، ولكنك خذلتني قبل أن أُخبرك"..محمود درويش ♥️
