#بديلة الدم

البارت الرابع

البارت الرابع
رواية .. بديلة الدم
بقلمي .. نور سمو العراق

💔💔💔💔💔💔💔💔💔💔💔💔💔

وكنت أطعمه قمح فؤادي براحتي..عجبًا كيف بات يرضيه فتات الطريق ،،

محمود درويش

.............................

قمر

نزلت الموبايل من أيدي بصدمة وحزن خليته على الميز وعضيت شفايفي من كد ما مصدومة حتى ما انطيت اي ردة فعل

حسيت الباب انفتح وشخص حجه ويايه بس ما سمعت ولا انتبهت رجعت كالت .. ست قمر شنو وين بالج مو دا احجي وياج

رفعت راسي الها بشرود .. هااا خير

ام انور .. وزعت لهدايا للاطفال وكولش يتشكرون منج وفرحانين

ابتسمت بحزن .. الله يحفظهم

اخذت جنطتي وموبايلي وطلعت كلتلها .. اني طالعه اذا تحتاجين شي اتصلي على روزه

باوعتلي بحزن وهي تكول .. يا يمه شبيج من ماتت امج وانتي تبهذلتي وضعتي والله جنت فرحانه عبالي حتزوجين وافرح بين تالي انوب هيج يصير بيج وتفسخين العقد

مسحت دمعتي وجريت نفس وزفرته .. عادي خاله الحمدلله على كل حال

طلعت بسرعه ركبت سيارتي ظليت اتجول بشوارع بغداد العبره خانكتني مو حبا بيه والله لا بالعكس هو طلع من خاطري بس يعني شلون اكو هيج ناس صلفه وحاقده وما تراعي مشاعر غيرها

حاولت اطلع من مود الحزن الي اني بيه وارجع الدوامي واتخطى الصدمة بس ما كدرت احسهم مديخلوني ارتاح دا احس نفسي هشه وغركاعه وهم غركوني اكثر

دا احس نفسي تجرعت جرعة من الهلاك ودا احس اني انسانه تدحاول تنجي من هذا الدمار بس مدا اكدر

انوب بكل حقاره ديعزموني على الخطوبه ههه

اتصل موبايلي شفته رقم روزه فتحت خط كالت .. ها حب وين انتي

رديت عليها.. رايحة للمتنبي ضايجة شويه ودا اريد اشتري كتب

كالت .. تمام لعد جايتج اني قريبه من المتنبي

قفلت الخط ورحت نزلت من السياره وظليت امشي بالمتنبي اباوع للكتب فتحت كتاب اكستاسي قريت منه شويه وتركته

مدا الگة شي يجذبني احس فاقده الشغف اتصل مره ثانية موبايلي شفتها روزه فتحت خط و وصفت الها المكان وهي اجتي ظلت تسولف ويايه وتنصحني