#بديلة الدم

البارت الثالث

البارت الثالث
رواية... بديلة الدم
بقلمي.. نور سمو العراق

💔💔💔💔💔💔💔💔💔💔💔💔💔💔

هذا الخراب الذي بداخلي لم يولد معي، أقسم لكُم أيها الناس، إنه لم يولد معي، لقد كنت ناصعاً كغيمة، كزهرة.
محمود درويش
................................

سهم مميت مسموم اخترق جدران گلبي براكين تثور بداخلي سيوف تطعني بدون رحمة

تقربت منه بصراخ وهستريا... نايم وياها حاضنها وتبوس بيها عاااجبتك اي طبعا الرخيص يدور رخيص يا حمااار اطلع من بيتنا انت وهاي الجايفه اطلع

جاوبني بصوت مرتبك ومبحوح ..ماكو شي لا يروح بالج بعييد قمر اهدي

گطعت كلامه براشدي قاسي على خده وما اكتفيت بهذا الشي هجمت عليه بكل عنف وهستيريا .. اطللللع كذااااب حقير اطلع ما اريد اشوف وجهك

بجت بليسان بصوت وهي ترجف كالت ..قمر والله والله مو قصدي بس افهمي خليني احجيلج

لزمت التحفيه بغضب وشمرتها على المرايه تناثر شظايا الكزاز بكل مكان مثل ما اني تكسرت وتناثرت

حطيت اديه على راسي واصرخ ... لا تبررون لا تبررون ما اريد اسمع اي كلمه منكم كافي كذب كااافي انتم خنتوني طعنتوني بنص ظهري

ولكم ليش انتم اقرب الناس الي مجنت متوقعتها منكم ابببد ليش شنو الي سويته وانوب بيتنا بنص بيتنا بصف غرفتي وبكل صلافه وبكل حقاره جان استحيتو على نفسكم

تقربت منها والدمعه بعيني تلالي همست بصوت حزين واعاتبها .. ليش بيلسان ليش ؟ بس اريد اعرف ليش دنت نفسج على فضالتي يعني ماكو غيره شنو الي سويته الج حتى هيج تجازيني

ليش كسرتي بيه ليش خليتني اخذ نظره حقيره عن جنس حوا ليش الغدر والخيانه اتلقاه من اختي وصديقتي ولج اني وياج تقاسمنه اللكمة سوه تقاسمنه الاكلة سوه تاليها هيج بكل حقاره تنبتين سجينتج بظهري وتلعبين من وراي

هزيت راسي والدموع تنساب بغزارة على خدي .. بس العتب مو عليج العتب على اشباه الرجال الي حاطج بحظنه ويعوث فساد على جسمج

باوعتله باسف ...هاي جزاتها هاي تاليها تخوني ويه اقرب الناس الي طعنتني طعنه لو اعيش عمرين ما راح انساها

اشرت على نفسي بتعب .. تكسرني واني الي يعز عليه تعبك تكسرني واني الي كنت اداري اوجاعك

شنووووو الي قصرت بيه انطيني فد سبب واحد يخليك تخوووني سبب واحد يقنعي اي شي احجيييي ليييش ساكت احجيييييي