البارت السادس
رواية ... بديلة الدم
بقلمي .. نور سمو العراق
💔💔💔💔💔💔💔💔💔💔💔💔💔💔
"سألتك أن ترتديني خريفاً، لأذْبل فيك و ننمو معاً....
- محمود درويش
...........................
قمر
مشاعر مختلطه صارت عندي وفرحه عارمة دخلت لصدري يمشي وهو مبتسم يمشي بخطوات انيقه و واثقه
تقرب من بابا بهدوء شديد ومد ايده للسلام .. السلام عليكم استاذ ...
جاوبه بابا ببتسامة وثقه ...وعليكم السلام .. استاذ عبد الرزاق
ثائر وهو لحد الان لازم ايد بابا كال .. تشرفت بمعرفتك ابو قمر
اشرله بابا على الكرسي .. تفضل تفضل اهلا وسهلا بيك زارتنه البركة
كعد وعدل سترته جاوبه .. زاد فضلك
بعدها باوعلي واني واكفه رمش بعيونه ورفع حاجبه كال .. شلونج ست قمر
ابتسمت بمرح .. الحمدلله تمام انت شلونك ؟
جاوبني بثقل .. الحمدلله بخير وبعد ما شفت هالوجوه الطيبه اكيد صرت بخير
بابا دك الجرس واجتي السكرتيره بسرعه باوعلها ثائر بس سرعان ما شتت نظره والتهه يعدل بساعته ابتسمت على حركاته وتصرفه يفدوه شريف ما يباوع للنسوان
بابا بامر.. جيبولنه ضيافه لاستاذ ثائر
ابتسمت وكان قميصها مفتوح ازراره بالبدايه مبين صدرها كالت بلطف . تدلل دكتور
طلعت وقفلت الباب وبابا باوع لثائر كال .. من حجتلي عنك بنتي قمر كلش حبيت التقي بيك واشوفك بصراحه كلش تمدح باخلاقك قموره
هو عبالك كان سارح بخياله بس سرعان ما انتبه لبابا ابتسم بهدوء وباوعلي كال .. والله اني الي اكلك عاشت ايدك على تربيه قمر جدا احترمها واقدرها بعمر صغير بس مسؤوله عن نفسها وعن تصرفاتها ونعم منها
ضحكت بفرحة .. شكرا والله كلامك شهادة اعتز بيه
ابتسملي ورجع باوع لبابا كال .. شلونه الشغل
بابا رد عليه .. الحمدلله تمام بس تعرف انت بعض الشركات تحب تختلس اموال غيرها واكثر الشركات منافسه لشركتنا ويحبون ياخذون صفقاتنا وهذا الي دنعاني منه
بلل شفايفه بحيره وبعدها جاوبه .. اي صح اكثر الشركات الاهليه هي تكون منافسه لشركتكم
أنت تقرأ
#بديلة الدم
ChickLitكنت أُريد أن أُخبرك بأن الجميع خذلني وأصبحت أخاف من الجميع إلا أنت، ولكنك خذلتني قبل أن أُخبرك"..محمود درويش ♥️
