الضابط والبصراويه

البارت 27

الضابط والبصراويه...........
للكاتبه نبأ محمد...............
قراءة ممتعه حبيبي......

ـــــــــــــــــــــــــــــــــــــــــــــــــــــــــــــــــــــــــــــــــــــــ

همام:- لا تخافين ايلول الحمدلله الاصابه برجله وخيطوها ومابي شي
ايلول:- همام عليك الله احجي الصدوك بي شي
همام:- والله العظيم مابي شي اطمني
ايلول:- الحمدلله شكراً همام
همام:- العفو يله اني اروح
ايلول:- الله وياك....  سديته منه وكمت صليت شكر الوجه الله ونزلت جوه
ايمان:- يمه علي الحمدلله مابي شي والاصابه برجله
ايلول:- يي عمه همام خابرني وايمت يطلع
زهراء:- مهيمن كال مااعتقد يبقونو هواي يجوز الباجر الصبح لان الاوضاع ابد مو تمام
ايلول:-الله كريم.....  ايلول جدو رجع للبيت اما البقيه محد رضه يجي بقو بالمستشفى بقو يخابرون ويسالون الثاني يوم وكالو راح يطلعونه الي عرفته جدي كايل يجون هنه همه وبيت عمي مسلم يعني يجون نسكن سوه الحد منشوف الاوضاع شون راح تصفه وبالكوه جدو وبيبي مقنعينهم ومن الصبح احنه وعماتي دك تنضيف نضفنه الغرف والبيت طبعاً بيتنه كلش كبير بي هواي غرف لان همه قبل جانو الكل ساكنين سوه بس بعدين تعازلو بقه بس بابا عد جدي انضف وبالي يم علي خابرت اسد هم سالته علي كال زين الحمدلله خلصنه تنضيف واجو بيت عمامي بس الولد مااجو لسه بالمستشفى احنه كمنه نحضر الغده شويه وسمعنه صوت السيارات طلعنه كلنا وشفته نزل من السياره ؏ العكازه ولازمه حسين من الصفحه الثانيه راحت عمه ابتهال اتبوس بي وتبجي هي وزهراء وعماتي بالمختصر الكل اباوعله لو بيدي اروح احضنه طببو جوه وصل يمي باوعلي باوعتله....  الحمدلله ؏ سلامتك.. ابتسملي
علي:- الله يسلمج
ايلول:- هوه طب جوه واني ما تحملت منضره وهوه ؏ العكازه طلعت كبل فوك وكعدت وكمت ابجي طبت ايه باوعتلي واجتي ركض يمي
ايه:- هاي شبيج ليش تبجين احد حاجاج
ايلول:- ابجي لا
ايه:- لعد شكو احجي لا تخوفيني
ايلول:- مابيه شي لا تخافين
ايه:- وج شنو مااخاف وانتي كالبتها مناحه احجيلي
ايلول:- ما تحملت منضره هيج
ايه:- تقصدين علي
ايلول:- باوعتلها وبجيت
ايه:- بعدج تحبي
ايلول:- بقيت ساكته
ايه:- كل الي سوه بيج وبعد تحبي
ايلول:- مو بيدي ايه مو بيدي
ايه:- تمام اهدي كافي بجي لا احد يشوفج وشيكول عليج
ايلول:- تمام
ايه:- لا تخافين علي هوه كميوم ويتحسن
ايلول:- ان شاء الله
ايه:- ايو باعيلي حبيبي
ايلول:- شنو
ايه:- ايلول هسه راح نرجع نسكن كلنا سوه وانتي راح يوميه تشوفين علي ف الي اريده منج لا تتقربيله ايلول ترا والله ما تخلصين من الحجي
ايلول:- لا تخافين شكد اكدر ابتعد عنه
ايه:- زين تسوين يله كومي غسلي وتعالي ننزل
ايلول:- تمام انتي روحي اني لاحكتج
ايه:- ماشي
ايلول:- نزلت ايه وكمت غسلت ونزلت جوه جانو الكل كاعدين بالصاله وعلي هم متمدد باوعلي وعكد حاجبه اني طلعت بوجهي للمطبخ لكيت البنات جاي يفرغون الغده ساعدتهم ونقلنه الغده للصاله والكل كعد بس علي بقه ؏ القنفه لان ميكدر يكعد بالكاع ف زهراء حطتله وحده كعدت يم روئ وايه كل ماارفع عيني الكي يباوعلي حتى وترني اكلت شويه وبطلت
روئ:- شنو شبعتي
ايلول:- يي
روئ:- شكلتي
ايلول:- شبعت...  كمت حتى اروح للمطبخ وصاح
علي:- ايلول جيبيلي جاي
ايلول:- باوعت للكل كلهم ملتهين ياكلون حتى محد رفع راسه باوعته وهزيت راسي باي وحجيت...  يي هسه...  طلعت للمطبخ غسلت وصبيتله جاي واخذته اله انطيته وحجه بصوت ناصي لا احد يسمع
علي:- شبيهن عيونج حمر من نزلتي
ايلول:- باوعتله...  مابيهن شي
علي:- لتجذبين ليش باجيه
ايلول:- ماباجيه متوهم...  ومشيت لا احد يشوفني رحت للمطبخ خلصو وقسم يغسل المواعين وقسم يصب جاي خلصنه ورحنه كعدنه وزهراء جابت العلاج مالت علي انطته اله
همام:- ضوجه
مهيمن:- يي والله
عباس:- كومو نطلع للحديقه
همام:- يي والله
روئ:- نجي وياكم
مهيمن:- كومن
ايلول؛:- كمنه طلعنه كلنا بقو بس الكبار وعلي جوه اخذنه فرش وكعدنه بالحديقه
همام:- كومن جيبن جداري وخواشيك خل نطبلجن وانتن اركصن
عباس:- يي والله كومن
ايلول:- اشايفنه رقاصات
ايه:- يي والله
زهراء:- احنه نطب وانتو ركصو
عباس:- موافقين كومن
ايلول:- كمنه ركض جبنه جداري وخواشيك وكعدنه
سهى:- ولجن عبيس شون يركص ركص
ايه:- يي والله تكول رقاصه
ساره:- غير اخووي عيني
ايلول:- هههه يي والله شايفته خوش يركص
زهراء:- والله كلهم تكول رقاصين
روئ:- ههههه
طارق:- ديله يابه طبن
عباس:- والله انتن فاهيات مايطلع منجن شي
همام:- يي والله
ايلول:- دجيب هسه تشوف الفاهيات شيسون يله بنات
روئ:- جيبي
ايلول:- كمنه نطب وهمه يركصون
همام:- تعي ؏ الفي تعي ؏ الفي
عباس:- انا بدي شوفك لحضه بالله سمعي شوي
مهيمن:- كوولليش
طارق:- يا طيره طيري ويه حمامه وديني الدمر والئامه
همام:- دسكت اسكت هسه لو حافضها
طارق:- عود انت شلونك
زهراء:- هههه اصلآ كلشي ما حافضين
ايلول:- عوفو السوري وارجع للعراقي
عباس:- يي والله السوري صعب شباب
مهيمن:- اول مره اوافقك بشغله
حسين:- وجع انت وهوه
همام:- نجبو خل اغني 
عباس:- اطربنه
الحكم كال هذا العرس منين عمامه شيوخ واهل امه سلاطين
مهيمن:- كوولليش
عباس:- زفينه الجان مسربت مايلفي الا بنص الليل
الكل:- ههههههه
مهيمن:- وبشاربك صارت مره وعوف درب السرسرا
عباس:- كولليش
طارق:- طروقي جنه فستقه وحلى ولد بالمنطقه ككولييش
عباس:- منن....
مهيمن:-وجعااا البنات منا
البنات:- هههههه
ايلول:- تحنه نطب وهمه يركصون متنه ضحكك عليهم شون يهزون هز احسن من عدنه
مسلم:- ولكمم
ايلول:- كلهم كعدو واحنه لكحنه الجداري وراي ساره رمت الخاشوكه ووكعت براس همام وعاط
همام:- ثوول مال الثول
ساره:- وجع بالغلط
مسلم:- ادري عرس ابوكم وكاعدين تهوسون وتركصون
عباس:- لا يابه بس
مسلم:- سد حلكك
عباس:- تمون حجي
مسلم:- العالم ماتدري شوكت يكع ؏ روسهم الهاون وانتو مو هامكم شي
مهيمن:- شنسوي يا عمي
همام:- غير ضوجه نكضي وكت بركص
طارق:- يي والله يابه
مسلم:- قز القرت انت ويا سدو حلوكم
همام:- حاضر عمي
مسلم:- باعو ولكم اني طاب جوه اذا سمعت صوتكم اجي انعل اهلكم
مهيمن:- تامر عمي
عباس:- الي يفتح حلكه اشكه اله
مسلم:- عبيس نجب
عباس:- هاي شبيك يابه بس علي
همام:- ولك دنجب راح ادفرك
مسلم:- وانت كومن فوتن الجداري لا اصيح الايمان عليجن
ايلول:- كلشي الا عمه ايمان هسه نفوتهن والله
روئ:- عمو عليك الله لا تكول العمه ايمان والله تدفنه
مسلم:- عود خايفات انتن
زهراء:- يي والله عمو خايفات عمه ايمان كلشي الا جداري المطبخ
ايه:- يي والله
مسلم:- ماراح اكللها بس اذا سمعت صوتجن اكوللها
ايلول:- حاضر عمو...  طب عمو جوه
همام:- والله عمو مسلم خرب ام الجو
ايه:- يي والله
عباس:- جنه خوش متونسين
مهيمن:- وابوك خربها
طارق'- يمعود ابوي ولا عمي سلمان
مهيمن:- يي والله
ايلول:- جيبن خل افوت الجدري واستر ؏ نفسي
زهراء:- يي والله عفيه اني مابيه حيل اكوم
روئ:- هوه انتي ايمت بيج حيل
ايلول:- عود انتي احسن دجيبي جيبي...  اخذتهن منهن وطبيت للمطبخ غسلتهن وحطيتهن بمكانهن
جدي:- ايلول بويه جيبيلي مي
ايلول:- حاضرر جدو....  اخذت مي ووديته جانو كاعدين بالاستقبل عمامي وعلي وعماتي وبيبي بصاله
جدي:- عشتي
ايلول:- بالعافيه
سلمان :- قبل شويه حسكم مالي المنطقه ماستحيتو
ايلول:- ها عمو هذوله الولد
سلمان:- وانتن مو وياهم
ايلول:- لا عمو
سلمان:- اهاا
ايلول:- غلست واخذت الكلاص من جدو دطلع
علي:- ايلول تعالي ساعديني اطلع للغرفه ارتاح
ايلول:- باوعتله هسه اصيح واحد من الولد يساعدك
علي:- لمن ماتروحين وتصيحيهم طويله
ايلول:- باوعتله وباوعت الكل محد مهتم حتى بابا ديحجي ويا عمو سلمان
جدي:- ساعدي بويه
ايلول:- باوعت الجدو...  حاضر جدو...  رحت يمه لزم ايدي وايد لزم بيها العكازه وكام
جدي:- ما تصيطرين هيج بويه لزمي من خصره لا يوكع وتتاذه رجله
ايلول:- باوعت العلي وباوعت الجدي...  ححاضر جدو...  حاوطت ايدي حوالي خصره وهوه حط ايده ؏ كتفي ومشه احس كلبي طبل وعطره يضرب بخشمي طلعنه من الاستقبال وشافنه بيبي وعماتي
بيبي:- يايمه شحلاتكم عين البارده عليكم
ابتهال:- يي والله
بيبي:- يابه دخل يجيبون شيخ ويعقدلكم والله حرامات تتفاركون انتو
ايلول:- باوعت العلي يبتسم همس
علي:- ترا والله حجي بيبي صح شرايج
ايلول:- دقيته باضفري
علي:- اخخ وج
ابتهال:- شبيك يمه
علي:- ولا شي يمه
بيبي:- ها شكلتي ايلوله
ايلول:- عمه ايمان سكتي بيبي
ايمان:- يمه دعوفيهم هسه مو وكتها ماتشوفين شحالنه
ايلول:- غمتني بيبي
بيبي:- تبقين ثوله
علي:- بهمس...  وفطيره
ايلول:- علي تسكت لا وحق الله اعوفك واروح
علي:- لا عمي سكتت والله بس ابقي شحلاتج وانتي لازمتني هيج
ايلول:- استغفرالله
ايمان:- اطلعو يمه لا تبقون واكفين
ايلول:- مشينه وساعته طلعنه ؏ الدرج المن ما وصلنه متت لان هوه شثكله...  اووي موتتني شكلك ما تضعف
علي:- اني مو سمين  ولج
ايلول:- شثكلك
علي:- هوه جسمي هيج لان عضلات
ايلول:- يي خوش عضلات..  مشينه وصلنه الغرفه كعته ؏ الجربايه دوخر منه ولزمني من ايدي...  ها سالمين عوف ايدي خل انزل
علي:- كعدي مشتاقلج
ايلول:- مو وقتك وخر مني
علي:- مااعوفج اذا ماتكعدين
ايلول:- اهوو شتريد مني وخر لا احد يشوفنه شيكول
علي:- كلشي ما يكول كعدي دااكولج
ايلول:- استغفرالله..  كعدت...  نعم اختصر اريد انزل
علي:- مشتاقلج
ايلول:- خوش
علي:- وجع ها شبيج
ايلول:- يعني شتريد اكولك مثلآ
علي:- ما خفتي عليه من سمعتي متصاوب
ايلول:- لا ليش اخاف ادري بيك بسبع رواح
علي:- صدكتج لعد منو جان عيونه حمر
ايلول:- اني بس لا عبالك جنت ابجي عليك لا متوهم
علي:- لعد ؏ منو
ايلول:- شعليك
علي:- احبج
ايلول:- جا خوش
علي:- ابوس الجا التطلع من حلكج
ايلول:- تمام
علي:- سـࢪحــاטּ واسـولـف بـيـج واحـچــي بــجـمـالـج مـوچـטּـت صـافـي الـبـال مـنـيـטּ الله جـابـج؟!
ايلول:- باوعتله وسكتت
علي:- فدوه لعيونج تروح الروح واديره وعربها
ايلول:- نزلت عيوني احس ارتبكت كمت كبل...  ششسمه اني طالعه...  رحت وصلت الباب
علي:- ايلول
ايلول:- باوعتله وكلبي ينبض سريع
علي:- احبج وعلي
ايلول:- فتحت الباب ورحت الغرفتي ركض كلبي ينبض سريع طبيت سديت الباب ورجيت ضهري علي عزااا هذا شبي كلب ؏ الشعر ابتسمت بس والله صوته حلو ديستغل كل فرصه نكون وحدنه يقرالي شعر امه يتغزل امه حب ضربت ايدي ؏ راسي...  كافي ايلول اصحي ها شبيج خل اروح اغسل بلكي اصحصح صايره مثل الهبله رحت غسلت وجهي ورتبت شالي ونزلت جوه كعدت يم البنات
ايه:- وين جنتي فوتي الجدوره ومااجيتي
ايلول:- ها شسمه جنت بالغرفه
ايه:- جا وشسمه
ايلول:- اهوو ايه
ايه:- سكتت
روئ:- كومن نسوي العشه
زهراء:- يي والله هم ضوجه نلتهي بي
سهى:- يي والله
ساره:- لو ما بابا قبل شويه مخرب الركص جانت خوش ونسه
ايلول:- يي والله ههههه
روئ:- دكومن كومن
زهراء:- بربجن بس باعن حال سجى وجهالها والله من وراها حتى الجهال بعد مااريدهم
ايلول:- خطيه حمزه مبين كلش وكح عكس صبا جانت عاقله
زهراء:- مبهدلينها
ساره:- حتى متكعد ويانه
ايه:- الله يساعدها
سهى:- باع ايه صايره مثل الطبه هههه
ايلول:- يي بس تخبللل والله الحبل لايكلها
روئ:- يي والله
ايه:- اووي يروحي هههه
ساره:- لان خواتها تكولن هيج
ايلول:- لا والله بس من صدوك لايكلها
زهراء:- يي والله صدوك حلوه وانتي حامل
ايه:- اووي اخجل
سهى:-او وجعوي ولج احنه مو عباس
ساره:-صار عدها خربطه هههههه
البنات:- ههههه
ايه:- لا عيني شجاب لجاب زوجي يخبلل
ايلول:- ها سالمين شقصدج احنه نلاعب النفس
ايه:- لا بس زوجي احلى
زهراء:- ماتولين انتي وزوجج
ساره:- يي والله
روئ:- ولج انتي مو اخوج
ساره:- شسويله هههه
ايلول:-لا بنات باعن سوجها احلى
البنات:- هههههه
سهى:- سوجها ههههه
ايه:- وجع انتي وياها
ايلول:- ههههه بس ولجن كومن خل نسوي العشه
زهراء:-يله
ايلول:- رحنه نسوي العشه احنه نكلي والولد يجون ياكلون من المواعين اجا همام اخذ فنكر من الصحن ضربته ؏ ايده بالخاشوكه
همام:- اخخخ الهايشه
ايلول:- وخرر احنه نكلي وانتو تاكلونهن
ساره:- يي والله تستاهل كون اقوه ضاربته ايلول
همام:- انتي نجبي جنج بطاطه محروكه
ساره:- انيي جني بطاطه محروكه والله انت الي جنك بطاطه محروكه شو حتى اني بيضه مو سمره
همام:- فتحت حلكها عاد شيسده
ساره:- قبانك عود
ايلول:- اجا طارق سحبه
طارق:- يمعود عوفهن وامشي
همام:- يي والله مثل المزبله
ساره:- اسكت لا اكول البابا عليك
همام:- اووي خفت
ايلول:- يتنعوص مثل البنات ويداهر ساره اني والبنات نضحك عليهم مشه ورجع باوعلي
همام:- وانتي ايلول الصخله بسيطه الج
ايلول:- ولي ولي...  طلع وهوه يسويلي بسيطه متنه ضحك علي خلصنه العشه واخذنه للصاله وشتمعت الكل بس علي ياكل وحده تعشينه وغسلنه المواعين وصبينه جاي وكعدنه بصاله كلنا بس عمامي وجدي كعدو بالاستقبال وعلي بقه ويانه ماراح وياهم
طارق:- بيبي
بيبي:- خيرك
طارق:- عندج ابوي خل يزوجني قابل الايمت ابقه معنس
بيبي:- ويا صخله ترضه بيك
عباس:- عجبك هيج هههههه
همام:- خطيه بيبي ليش ههههه
بيبي:- نجب انت وهوه عود انتو احسن جنكم هايشات مربوطات
الكل:- ههههههه
ايلول:- بالعافيه عليكم
عباس:- سدي حلكج ولج
طارق:- بيبي ترا والله ما جاي اشاقه
بيبي:- يي واني هم ماجاي اشاقه
طارق:- اهووو هاي عود جيت عليج
مهيمن:- هههههه ولك طارق والله لو جاي علينا اني والشباب مشايه الابوك ولا هالمذله
روئ:- حتى احنه نجي مشايه وياهم
طارق:- حتى مايقبل فد مره
ايلول:- ليش يابه
حسين:- لان انتن تخربن الاول والتالي
زهراء:- هيج صارت خويه
حسين:- ليش الجذب ههههه
ساره:- ماطول هيج اني اكول البابا لا تزوجه
طارق:- انتي بس لو تنجبين
بيبي:- والله لو انت تنجب يكون احسن
علي:- والله طارق شكلها اليوم بيبي شاده وراك
طارق:- واللله هذا الضاهر
بيبي:- ولك عليوي ليش ما تسكت
علي:- ههههه سكتنه
همام:- بيبي شبيج اليوم وضعج مو تمام كليلي خاف جدي مقصر وياج بشي
ايلول:- بيبي ضربت همام بالعوجيه
همام:- اخخخخ
الكل:- ههههه
عباس:- هيج احسلك
همام  :- اخخخ ولكم نكطعت خلفتي
ايلول:- ههههه خل بيك تستاهل
همام:- نجبي انتي
ايمان:- يا يمه ؏ كيفج بالوليد
بيبي:- يستاهل صاير بلا تربيه
ايه:- بيبي ربي من جديد
همام:- عباس عندك مرتك لا اسحلها من عطوبها
عباس:- مريتي انتي لا تدخلين حتى لا يذبلج حجايه هذا مثل المطي
همام:- والله محد غيرك مطي
ايلول:- هههههه صخام بروسكم
عباس:- ولج انتي السانج طولان بومه
ايلول:- لا تشبهني بيك
علي:- طيرت جبهتك وعلي
الكل:- هههههه
عباس:- ولج عريمه اني اعلمج اذا ما انعنع ضلوعج
ايلول:- تا يكوملي وكمت اني بسرعه اركض ويركض وراي...  عبيسس وخرر منيي
عباس:- الا اكصر السانج
ايلول:- يبيبي حاجيي
عباس:- ابو بيبي مايخلصج مني
ايلول:- فترينه الصاله كلها وهمه يضحكون علينه...  مهيمن حاجيي
مهيمن:- والله يخوي انتي شتريتيها بديج وتعرفين عبيس مثل الثور وهاج عليج بعد
ايلول:- يي والله
عباس:- ولجج
ايلول:- لا والله مو والله
الكل:- ههههه
همام:- اخذ بثاري هم والله كلبي مدمل عليها
عباس:- دخل الزمها 
ايلول:- وكفت وره القنفه وهوه مقابيلي
عباس:- اطلعي لا اكسر راسج
ايلول:- عبيس مو انت اخوي واني اختك
عباس:- لا اختي ولا اخوج اكتلج اكتلج
ايلول:- كمز علي وركضت كعدت بصف علي وره ضهره وحجيت...  عليك الله كله خل يعوفني
عباس:- كومي طلعي
علي:- وخر صارت بحمايتي
عباس:- اكتلها اكتلها
علي:- والعباس اكسر ايدك اذا مديتها عليها
ايلول:- باوعلي عباس
عباس:- بسيطه ولج اني اعلمج
علي:- ولي
ايلول:- راح عباس كعد بمكانه وشكله زعل مني همس يمي
علي:- كصري السانج حلوتي عيب
ايلول:- دااشاقه ويا ليش زعل
علي:- مو هيج شقه حلوتي
ايلول:- خل اروح اعتذر منه...  كمت والبنات يباوعن ويضحكن رحت وكعدت يمه جان يندار والكل تضحك علينا كمت انوب كعدت مقابيله جان هم يندار...  عبيسس..  مارد عليه...  مو احاجيك
عباس:- وخري من يمي ماريد اشوف وجهج
همام:- عود زعل بعد كلبي ههههه
طارق:- بعد مايرضه ماطول زعل ههه
ايلول:- انتو ماعليكم اني اعرفه مايزعل مني
ساره:- ديله خل نشوف شون راح يرضه
ايلول:- عبوسس انت مو تكول اني ضلعتك واختك اكو اخ يزعل من اخته باوعلي عبوس عبيس
عباس:- زعلان وماارضه وخري
ايلول:- كعدت مقابيله وباوعت علي خليت عيوني يصير بيهن دموع اني شاطره بهاي السوالف ههههه والبنات يباوعلي ايه تعرف سوالفي ماستغربت....  عباس باوعلي حباب...  باوعلي ونفكت عقدت حاجبه
عباس:- شبيج راح تبجين
ايلول:- انت مو تكول اني اختك واني دااشقه وياك والله ماعبالي تزعل هيج
عباس:- يي دنجبي نجبي مسحي عيونج راح تطفر دمعه منهم
ايلول:- ماعليه الا ترضه
عباس:- رضيت مازعلان
ايلول:- احلف
عباس:- وداعت ايوشتي
ايلول:- اووي ماانحرم من هيج اخ
مهيمن:- هيوو اني اخوج
عباس:- واني هم اخوها نجب
سهى:- هذا شون رضه هيج بسرعه
ساره:- حتى اني مستغربه
طارق:- كل مره من يزعل منه مايرضه مرات يبقه يوم كامل
زهراء:- ماطول ايلول بالنص لا تنصدمون
ايلول:- شبيكم هيج متفاجئين
عباس:- هيوو احنه منتزاعل
ايلول:- يي والله
همام:- كلت بالكي يزعل اهمداك
ايلول:- وجع انت اسكت احنه منتزاعل...  باوعت العلي غمزلي وبتسم عزااا هذا ولا يستحي ولا يخاف احد يشوفه...  المهم بقينه سهرانين الا تعبنه وطردونه عمامي وكمنه كلمن الغرفته تقاسمنه الغرف ونمنه...........
ـــــــــــــــــــــــــــــــــــــــــــــــــــــــــــــــــــــــــــــــــــــــــ
هلوووو بنات شلونكم شخباركم مشتاقتلكم كلشش هوااي ولجن اعرف تاخرت بس الواتباد جان مديفتح مدري شبي مدري الخلل بي لو بجهازي وصار شكد دااحاول اسوي واليوم الحمدلله صار وهياتني كبل نزلتلكم بارت كلولي عدكم هم ديصير هيج لو بس يمي؟؟؟