الضابط والبصراويه.............
للكاتبه نبأ محمد.................
قراءة ممتعى................
ـــــــــــــــــــــــــــــــــــــــــــــــــــــــــــــــــــــــــــــــــــــ
ايلول:- حسيت رجليني بعد مايحملني واغمى عليه
زهراء:- بعد ماخابر حسين ؏ صاحبه كاله الانفجار صاير بلمركز نفسه الي علي بي وكل الي جوه ماكو واحد منهم عايش وهنى احنه جنينه ماما تعيط وبابا طلع يركض وحسين وره راحو اعتقد للمركز ودخلت ايلول كبل اغمه عليها
سجى:- ايلول
زهراء:- سجى جيبي مي
سجى:- يي يي
زهراء:- راحت سجى تجيب مي وماما مستمره تبجي وتعيط واني ابجي ومعرف شسوي وسجى مثل حالتي وصبا كاعده بزاويه وحدها تبجي
سجى:-هاج
زهراء:- اخذته منها وكعدت ارش ؏ وجه ايلول... ايلول فدوه اصحي
سجى:- رشي بعد
زهراء:- كعدت اضرب بيها راشديات عمود تصحى
سجى:- صحت صحت
زهراء:- كبل حضنتها وابجي
ايلول:- فتحت عيوني وزهراء كبل حضنتني وتبجي وخرتها مني وكعدت... ششببي عليي
زهراء:- لا رد
ايلول:- وللككمم اااححججوو ششببيي علليي
زهراء ابجي:-ماادري راحو بابا وحسين يدورولو كايلين الانفجار صار بنفس المركز الي راحله علي
ايلول:- يعنيي ششننوو علليي مااتتت
سجى ابجي:- لا تكولين هيج ايلول ان شاء الله مابي شي
ابتهال:- يمةةةة ابني اووف يمه ولكك كلبي راح يكفف ارجعلي ولا تكسر ضهري بيكك
زهراء:- رحت ركض الامي من ضربت ؏ وجها ولزمت اديها... لا يمه فدووه لا تسوين هيج
ايلول:- بعياط عليي مااييععووفنيي اعررف رااح يررججعع ااععررف
سجى:- ايلول اهدي عمري ان شاء الله يرجع
ايلول:- كعدت بلكاع ابجي واحجي ويا نفسي اكيد مايتركني اكيد مايروح شويه وطبو كل بيت عمامي وعماتي واهلي اجني ايه وروئ حضنني ويبجن
ايه:- يعمري ان شاء الله يرجع ان شاء الله مابي شي
روئ:- كافي بجي
اسراء:- سوده عليج ابتهالللل ابنج راحححح
ابتهال:- بعياط يايمه ابنيييي ريت يومي كبل يومك
ايلول:- كمت وكفت وعطت علليي ماااماتتت افتهممموو عللييي ييررججع مااييمموووت
ايه ابجي:- ؏ كيفج بنفسج يروحي
اسراء:- قنعي نفسج بهذا الحجي ولج انتن من يوم اجيتن ماشفنه يوم حلو بحياتنه موتن امجن وهسه جيتن علينه
ايمان:- اسسسراء بسس مالو داعي هذا الحجي هنه شعليهن ترا هذا زوجها
اسراء:- هيه فكر هيه كتلت عليي ولج ابتهال من وره هلوجه الفكر ابنج ماتت
ايلول:- تحملتج هواي ترا وسكتت لا تخليني اتماده وياج
زينب:- بالله عيني جربي تمادي وشوفي
اسراء:- عوفيها يمه عوفيها شتترجين من وحده امها كحبه
ايه:- لا تغلطين ؏ ماما
ايلول:- لا تكولين كحبه مااسمحلج عود انتي الكبيره هيج تحجين شخليتي لولد الشوارع
اسراء:- بنت الكلب دنعل ابو امج الي ماعرف تربيج
ايلول:- ماحسيت الا ضربه ؏ خدي الا زفر دم من حلكي
ايمان:- اسسراء تماديتي هواي ترا بصفتج شنو تضربينها
ايه:- انتي شون تتجرئين تضربينها هااااا
بيبي حنين:- الله واكبر عليجن الله واكبر
ايلول:- ماانسالج هذا الكف ياا عمتتتيي
اسراء:- كحبه شتوقع منج
ابتهال:- ولجن بسسسس انتن ماهامجن ولجن ابني رااحح وانتن اتناكررن واننتتيي اييلللووول هذذاااا رججلللج رااحح وواااننتتيي حاايييرره تتععااارررككيين
ايلول:- عععلللييي رااحح يرررججعع وبببععدديين موو انني الي جاااييي اااععاارررك
اسراء:- ششووفي ياابتتهااالل شوون الليي جننتتيي تتحججين عليها تعييطط ععللييج
ايلول:- اني مااججاايي اااعععييط واانتتي لااتتددخخللين واذا تروحين منننهه ببععدد تتسسوويين ففضضل
اسراء:- ولكم وحده كحبه تتططرددننيي ممنن بييت اخويهه
ايلول:- مااحسيت الا كف ثاني ؏ وجهي ومن منو من زينب وهدن عليها روئ وايه وبلكوه فاككوهن من بعض اني ماضل بيه حيل اعارك كعدت بلكاع احس بعد مابيه طاقه
ايمان:- كااافففييييي روئ ايه اخذن اختجن واطلعن
روئ:- بس عمه
ايمان:- شحجيت
زهراء:- فدوه اخذن ايلول واطلعن فوك باوعن حالها شلونه ارحمن امممي الخاطررر اللله امميي ررااحح تتممووت
ايه:- ههشش يروحي تمام طالعين
ايلول:- اجن البنات اخذني وطلعنه ؏ غرفتي
ايه:- ولج يكفي بجي راح تموتين بعون الله علي مابي شي
روئ:- واذا عمود الضربات والله ناخذ حقج بس اصبري
ايلول:- اووووف يمةةة ويننج تعاليي شووفي شصار ابنتج الي ماجنتي تقبلين اححد ايئذيهااا يااارربييي دخييلللك علليي وييننكك هااي مااصصاارر ييووممم وااححد غبتت وهيج صاارر ويااي تعالل فدوه تعال
ايه ابجي:- الله يخليج يكفي
ايلول ابجي:- ولج مابيه حيل اخسر شخص احبه والله اموت والله ادمرارررر
روئ ابجي:- هاج شربي مي فدوه
ايلول:- ماارريدد بسس يرجع علي بخير وسلامه ياارب دخيللكك لاا تحرمني منه مالحكت اشبع منه لسه ماكتله احبك ياربيي
ايه:- اباوعلها شون تبجي وتعيط وتشهك تمنيت اموت الف موته ولا اشوفها هيج مكسوره بقت تبجي الحد مدري شون غفت اباوع خدودها طبع اصابعهن من ضربنها كون كسرر
روئ ابجي:- ماطول نامت كومي ننزل شويه
ايه ابجي:- تمام... غطيتها ونزلنه
ايمان:- ها وين ايلول
ايه:- بقت تبجي الحد ماغفت
ايمان:- الله يساعد هلبنيه هاي شماعدها حض الله يكون بعونها والله اذا لا سامح الله علي مارجع تموت
روئ:- ان شاء الله يرجع
ايمان:- ان شاء الله
ايه:- اباوع زهراء حاضنه امها وثنينهن يبجن ويحجن وسجى لازمه صبا ويبجن ثنينهن ونسوان الجيران هم اجن البيت صار كلو نسوان ناس تبجي وناس ساكته كعدنه احنه هم شويه وسمعنه صوت السيارات طلعنه كلنه نركض نزل عمو سلمان
ابتهال ابجي:- وينو ابني وينو
سلمان:- والله مابي شي عايشش ابنج مامات الف الحمدلله ياربي الف الحمدلله
ابتهال:- ووينو لعد وينوو
سلمان:- هينو هوه ولولد بغير سياره جايين
ابتهال:- الف حمد وشكر الك ربي وخومه متاذي الله عليك
سلمان:- مابي شي والله بس ايده مجروحه
ابتهال:- اسم الله علي
زهراء ابجي:- الف الحمدلله ياربي
سلمان:- طبن جوه كومه زلم اجت
ابتهال:- وين افوت وابني ماجي
سلمان:- هسه يجي بس فوتن عيب
ايه:- فتنه كلنه جوه بس كاعدين ؏ نرا شويه وصاحو اجا علي وطبو عباس وحسين ومهيمن وعلي جانت ايده ملفوفه
ابتهال:- يمةةة وليدي
ايه:- راحن زهراء وعمه ابتهال حضننه ويبجن
علي:- مابيه شي والله مابيه
زهراء:- الف الحمدلله ياربي الف الحمدلله
ابتهال:- اووف يايمه جان متت
علي:- اسم الله عليج يمه
ابتهال:- خومه متئذي ها
علي:- والله مابيه شي
ايه:- شويه وسمعنه صوت ايلول
ايلول:- فزيت مكو احد بلغرفه كمت توضيت وصليت وندعيت علي يرجع بقيت ؏ هلحاله مره ابجي مره اصلي مره اقره قران مدري شلون رجعت غفيت ؏ السجاده وفزيت صوت عياط كمت اريد انزل وخايفه يي خايفه خايفه لا اشوف منضر ماتمنه اشوفه كمت مشيت فتحت الباب وطلعت وكفت ؏ الدرج من شفت علي واكف وحاضن امه وزهراء وعطت بصوت عالي عللليي ونزلت اركض مدري شون خلصت الدرج وامه وزهراء ابتعدن عنه رحت حضنته كبل وابجي واحجي... وينك وين تريد تعوفني هااا
علي:- هشش مابيه شي والله
ايلول:- حضنته بقوه وهوه هم رفعني من خصري وتعلكت بركبته كدام الكل وبقى حاضني راسي صار بركبته ودموعي ينزلن واحجي... موتتني خوف بعد لا تروح لا تعوفني انت مو كلت ماعوفج هاا
علي:- وما عفتج رجعتلج هشش كافي بجي
ايه:- اباوع الكل تبجي ؏ بجي ايلول بس اسراء وبناتها يعوجن بحلكهن
علي:- وج كافي بجي كطعتي نفسج
ايلول:- خفت عليك خفت اخسرك بعد مترروح دتفتهم بعد متروح
علي:- ماروح ماشي بس كافي بجي
ايلول:- نزلني ورفع وجهي مسح دموعي وج كافي
ايلول:- باوعت الايده.. ششبيها ايدك
علي:- مابيها شي جرح بسيط
عباس:- ولكم كافي مو حتى اني راح ابجي
ايه:- الكل كامت تضحك
حسين:- علي اطلع ارتاح عمود العالم هسه تجي تشوفك
علي:- ماشي
ايلول:- علي عافنه وطلع ؏ الغرفه واني اباوعله مو مصدكه رجع حمدت ربي الف مره ؏ رجعته
ابتهال:- ايلول يمه
ايلول:- ها
ابتهال:- اطلعي ويا علي خاف يحتاج شي
ايلول:- حاضر... طلعت فوك فتحت الباب باوعلي جان نازع التيشرت باقي بس بلبجامه وديشوف جرحه ؏ المرايه طبيت وسديت الباب ورحت بدون حجي حضنته وهوه هم حضني باسني براسي بجيت
علي:- ججج هاي شبيج اليوم بس تبجين وج مايلوكلج
ايلول:- خفت كولش خفت بعد ماترجع
علي:- هياتني يمج مابيه شي لو عبالي راح تخافين عليه هيج جان من زمان رحت
ايلول:- ضربته ؏ صدره لا تحجي هيج
علي:- ههههه عود صدوك تخافين عليه
ايلول:- طبعاً لعد اجذب عليك مثلآ
علي:- وليش كل هلخوف
ايلول:- طبعاً احنه متحاضنين ونحجي حسيت كلبي راح يطلع من مكانه بقيت ساكته ماجاوبت ضغط ؏ زندي
علي:- ماتردين
ايلول:- ها ممادري
علي:- شنو ماتدرين جاوبي شدعوه كل هلخوف الي
ايلول:- كتلك ماادري.. بعدني عنه واني بقيت مدنكه راسي
علي:- باعيلي اشو
ايلول:- باوعتله باوعلي وعكد حاجبه
علي:- هاي شبيهن خدودج.!؟
ايلول:- ها ولا شي
علي:- شنو ولا شي شنو هاي طبع الاصابع
ايلول:- ماردت اكوله خاف يتعارك وياهم او شي وهم هوه هستوه اجا هسه يكولون تنقل حجي.. هاي شبيك دااكولك مابيهن شي خل اروح اطلعلك ملابس عمود تلبس.. مشيت ورجع سحبني من زندي
علي:- منو ضاربج احجي
ايلول:- محد ضاربني هاي شبيك
علي:- احجي لا تكفريني
ايلول:- مكو شي صدك
علي:- خوش لا تحجين اني اعرف
ايلول:- جر قميص وحطه ؏ كتافه ومشه حتى يطلع.. علي وين رايح
علي:- مالج شغل
ايلول:- علي... مارد عليه ونزل جوه لحكته
علي:- يوم وينج
ابتهال:- ها يمه خير شبيك
علي:- شبيها ايلول
ايلول:- باوعتلي عمتي واني دنكت معرف شسوي
ابتهال:- شبيها يمه
علي:- يمه اني جاي اسئلج شبيها وجها شبي طبع اصابع منو ضاربها
ايلول:- علي دااكولك مكو شي امشي البس مو زين ؏ جرحك
علي:- عوفي جرحي واحجو
ايه:- اني احجيلك
علي:- احجي
ايلول:- باوعت الايه وخزرتها عمود ماتحجي
ايه:- لا تخزرين ايلول خلي يعرف
علي:- ايه احجي خلصيني
ايه:- هاي عمه اسراء وزينب ضربوها
ايلول:- علي رفع حاجبه وباوع العمتي اسراء وزينب
علي:- وليش
ايه:- اسئلها
اسراء:- هيه السانها طويل وتستاهل
علي:- وانتي بياحق تمدين ايدج عليها وشكالتلج حتى تضربينها
اسراء:- لعد اني تكلي لعد اني تشبهني بولد الشوارع وتطردني من بيت اخوي
علي:- وشسويتيلها حتى حجت هيج
ابتهال:- علي لا تنسه هاي عمتك
اسراء:- اني ماسويتلها شي
ايه:- لا مو هيج هيه حجت ؏ ماما وتكول على ايلول بنت كحبه شتطلع غير كحبه ؏ امها
ايلول:- اباوع ؏ علي عيونه صارن حمر وخزر عمه اسراء
علي:- انتي شون تكولين المرتي كحبه هاااااا
ايلول:- عاط علي بحيث الكل سكت
اسراء:- تستاهل هي الغلطانه لعد اني بكد امها تغلط عليه
علي:- لو ماانتي المتعديه عليها ماتغلط وبعدين كل هذا مايحقلج تضربينها من تغلط تعالي عليه وكوليلي واني اتصرف اذا هيه الغلطانه راسها اكسره بس اذا انتي الغلطه
ابتهال:- عليي لا تنسه هاي عمتك ويكفي لهنه امشي اطلع الغرفتك
اسراء:- ياحيف بس اني انهان ابيت اخويه الجبيرر امشن يمه امشن خلي نروح من هنه بكرامتنه احسن من ننسحل
ابتهال:- اسراء اكعدي محد يطلع من هنى وانتي ايلول اخذي علي واطلعو الغرفتكم
ايلول:- لزمت علي من ايده.. فدوه امشي
علي:- شوفي عمتي هلمره راح امشيها بمزاجي بس المره الثاني اذا تكرر الي صار وقتها انسه انتي عمتي مفهوم ووزينب خلي تجي تعتذر منها
زينب:- شنو هيه واعتذر منها
علي:- تعتذرين وانتي الممنونه لا راسج اكسر والي خلقج
ايلول:- علي فدوه هاي هيه اني مسامحتهم بس امشي
علي:- شحجيت
ايمان:- زينب اعتذري وخلصينه
زينب:- اسفه
علي:- ماسمعت علي صوتج
زينب:- ااسفه
علي:- هيج حلو
اسراء:- وانتي ست ايلول لا شويه خليلج كرامه ولا كلمه وثانيه توصلينها وهسه ماصدكتي يجي علي عمود توزينه علينه
ايلول:- اني مو كلتله شي
علي:- عمممه لحد هنه يكفي
ابتهال:- ايلول اخذي علي واطلعو الغرفتكم
ايلول:- جريت علي وطلعنه طبيت للغرفه.. اني مو كتلك لا تنزل انت ليش ماتسمع مني شوف هسه طلعت اني نقالت حجي
علي:- لعد شتريديني اسكت وهنه ضربنج ويكللج كحبه
ايلول:- هسه انت مو تكلي كحبه شو ماتكول النفسك
علي:- اني زوجج وشنو اكلج بكيفي
ايلول:- اووف
علي:- تعالي اشوف
ايلول:- شنو.. تقرب مني وحط ايده ؏ خدي
علي:- خومه خدودج يوجعونج
ايلول:- لا.. دنك المستواي وباسني بخدي غمضت عيوني كلبي كام يدك سريع رجع باسني بخدي الثاني تقرب يم شفتي حسيت نفسي بعد مااكدر اوكف جان يلزمني من خصري كبل وحطيت كل حملي علي بقت شفايفه يم شفايفي وحجه
علي:- ليش دتسوين هيج
ايلول:- بلعت ريك ومغمضه بلكوه احجي.. ششسويت
علي:- ليش تخليني اتقرب منج غصبن عني ليش هسه انتي قريبه هيج مني وانتي الي جنتي مستعده تموتين الف مره ولا اني اكون قريب منج
ايلول:- ممادري
علي:- شنو ماتدرين ايلول ليش هيج دتسوين نطيني جواب
ايلول:- يحجي ويتنفس سريع.. معرف
علي:- شكد احاول ابعد عنج ارجع اتقرب اكثر
ايلول:- ووليش تبعد
علي:- مادري
ايلول:- بلع ريكه وحجه
علي:- ايلول
ايلول:- ها
علي:- بعد مااكدر راح ابوسج اذا ماتريدين ابتعدي عني
ايلول:- بقيت ساكته شون اكله اني قابله يبوسني
علي:- راح ابوسج
ايلول:- مارديت بقيت مغمضه وحسيت شفته ؏ شفتي وباسني اخذ شفتي الجوه ابين شفافه وكام يمص بيها بخفه عكس هذيج المره من باسني بلمزرعه جان قاسي وياي ماادري شلون اجتني الجرئه وبادلته انوب هوه شد ؏ خصري اكثر وقربني منه مابتعد مني الا لمن حس بيه ختنكت ابتعد وكصته ؏ كصتي وثنينه نتنفس سريع وايده تمشي ؏ طول ضهري ولمساته بدت تتجرء اكثر وحجه
علي:- ليش مابتعتي من كتلج راح ابوسج
ايلول:- لا رد
علي:- مو احاجيج
ايلول:- ممادري مادري
علي:- انتي قابله علي سويته
ايلول:- دكوله يي وندك الباب جان ابتعد عن علي كبل هوه باوعلي وصاح
علي:- منو
زهراء:- اني
علي:- طبي
ايلول:- دخلت زهراء وباوعتلنه اني مبين شكلي مو طبيعي بس سوت نفسها مو مهتمه واعرفها بعدين تجي تحقق
علي:- ها زهو
زهراء:- حسين يكول خلي يجي للديوان عمود جماعتك اجوي
علي:- ماشي هسه جاي
زهراء:- تقربت حضنته وهوه هم حضني... الحمدلله الي رجعتلنه بخير وسلامه
علي:- عمري
زهراء:- احم يله اني نازله
علي:- ماشي عمري
ايلول:- طلعت زهراء واني ؏ وكفتي وراسي بلكاع احس نفسي خجلانه منه
علي:- شفتها خجلانه ماردت احجي اكثر.. احم ايلول
ايلول:- ها
علي:- طلعيلي ملابس لمن مااسبح
ايلول:- ماشي.. راح هوه للحمام وحجيت.. ععلي
علي:- باوعتلها.. ها
ايلول:- تكدر لو اساعدك
علي:- ابتسمتلها.. لا اكدر ولا تضلين هيج خجلانه مو متعود عليج هيج
ايلول:- كمل حجيه وطب للحام واني ضربت ؏ كصتي هاي شبيه صرت مثل الثوله رحت حضرت دشداشته وشماغه طلع لبسهم وتعطر ونزلنه سوه وزهراء وايه وروئ يتغامزن ويحجن رحت يمهن... هيوو شبيجن
زهراء:- انتي شبيج
ايلول:- تحجي وتغمز ضربتها
زهراء:- هههه
ايلول:- وجعا شبيج تضحكين
زهراء:- من قبل نص ساعه من ماما كالتلكم اطلعو الغرفتكم ووره نص ساعه طلعت لكيتكم مثل ماانتو المفروض بهذا الوقت كله علي سبحان ومكمل وحتى نازل كاعد ويا الخطار موو
ايه + روئ:- مووو
ايلول:- يي جنه دنحجي
زهراء:- اها وكل هذا الوقت بس حجي
ايلول:- شتقصدين
زهراء:- مااقصد شي هاا وصدوك من طلعت جان وضعكم مو تمام وبلاخص انتي عبالك مبنجينج
ايه:- وهذا البنج غير نوع
روئ:- هذا البنج من علي
ايلول:- ضربتهن هيوو انتي وياها صايرات قليلات ادب
البنات:- ههههههه
ايلول:- ووجع
ايمان:- ولجن امشن كافي حجي وجيبن جاي للنسوان
ايلول:- حاضر عمه
ايمان:- واكو زلم هم هستوهم اجو صبلهم وصيحن عبيس يجي ياخذه
ايلول:- ماشي.. رحنه نصب جاي وهذنه مابطلن كل شويه يزتن حجايه ويضحكن الا عطت بيهن يله سكتن وعمه اسراء وزينب كل شويه يزتلهن حجايه واني متجنبتهن عمود علي ولا اني مااسكتلهن المهم بقينه تقريب ال 15 يوم احنه عالم طابه وعالم رايحه متنه مابين المدرسه لان قربت الامتحانات ومابين البيت مانعرف وين نودي وجهنه علاقتي اني وعلي صايره احسن من قبل بهواي حسيته ديتقرب مني اكثر من بعد يوم الحادثه الي صارت وهل ايام يله خفت العالم علينه شويه اليوم جنت بغرفتي ادرس متحانات نصف السنه ساعه 7 ونص بليل واجا علي
علي:- الله يساعدج
ايلول:- ابتسمتله.. ويساعدك شون صارت ايدك
علي:- زينه زينه لا تخافين
ايلول:- يي الحمدلله
علي:- باعي
ايلول:- ها
علي:- راح يجي اسد ومرته علينه
ايلول:- يا اسد
علي:- صديقي ماكدر يجي وكت الحادث لان ماجن بلبصره ف كال بليل اجي ويجيب مرته ويا
ايلول:- يي هلا بيهم
علي:- شنو ماتجهزين نفسج
ايلول:- عليش
علي:- لعد تنزلين للمره بلبجامه
ايلول:- باوعت النفسي عزاا ونبي مامنتبها هسه اكوم ابدل
علي:- تمام.. باعي كومي طلعيلي تراك
ايلول:- ماشي.. رحت طلعتله تراك وساعته عمود يبدل ونكطعت الدكمه مالت التيشرت
علي:- يوو هسه هاي شكطعها
ايلول:- اكعد هسه اخيطها الك
علي:- ديله بسرعه خومه انزعه
ايلول:- لا مكو داعي ابقى لابسها واخيطها... رحت جبت ابره وخيط وتقربت وجهي من التيشرت مالته وكعدت اخيطه جنت رافعه شعري بقراص ماحسيت الا شعري نفتح
علي:- هيج احلى
ايلول:- بس يبزعني
علي:- ميخالف من تكونين بلغرفه لا تشيلينه خلي مفتوح
ايلول:- ابتسمت.. ماشي... خيطتها وهسه كملنه
علي:- عاشت ايدج
ايلول:- ادلل
علي:- يله اني نازل انتي هم حضري نفسج ونزلي
ايلول:- ماشي... نزل علي وكمت اخذت دشداشه لون رماني مخصره وشال اسود بدلت وحطيت مكياج ولبست شالي ونزلت جانو كلهم كاعدين باوعلي علي من فوك الجوه
سجى:- الله شهل حلاوه
ايلول:- عيونج الحلوه حبيبي
سجى:- عمري
ايلول:- ابتسمتلها ورحت كعدت يم علي
علي:- بهمس.. شدعوه الدشداشه هيج مخصره
ايلول:- هيه هيج
علي:- بهمس.. وليش لابسه هذا الون
ايلول:- ليش مو حلو؟
علي:- بلي حلو
ايلول:- لعد شبيك ضجت
علي:- هوه لان حلو ضجت
ايلول:- باوعتله وسكتت
ايلول:- شويه وندك الباب كام علي فتحه وفوت اسد للستقبال وصاحلي عمود اتلكه المره
هدى:- مرحبا
ايلول:- اباوعلها ماشاء الله حيل حلوه... هلو مرحبا تفضلي رحت سلمت عليه وبوستها
هدى:- ايلول صح
ايلول:- يي حبي
هدى:- ما شاءلله الله تخبلين صدك لو يكول علي عيون بزونه
ايلول:- ههههه عمري والله انتي تخبلين تفضلي تفضلي... طبت سلمت ؏ عمتي والبنات
ابتهال:- شلونج يمه
هدى:- الحمدلله خاله انتي شلونج
ابتهال:- الحمدلله
ايلول:- كمت حطيت مي واجا علي اخذا وفوتت الهدى هم
هدى:- تعيشين حياتي
ايلول:- انتي العايشه حبيبي.. رجعت اخذت الكاسات للمطبخ وحطيت جاي وكعدت يمهم
زهراء:- الكعده وياكم حلوه وما بودي اعوفكم بس والله دروح ادرس
هدى:- اخذي راحتج حياتي لا تتقيدون بوجودي
زهراء:- ابتسمتلها.. من رخصتكم
هدى:- غاليه
ايلول:- راحت زهراء اجتي صبا كعدت بحضني
هدى:- ما شاءلله شهل بنوته التخبل
صبا:- انتي تخبلين
الكل:- ههههه
هدى:- يروحي تنكرط
ايلول:- هاي بنت حسين وسجى
هدى:- عمري ربي يحفضها وتربه بعزكم
سجى:- ويحفض اعزازج حبي
ايلول:- جبت جاي
هدى:- حياتي لا تتكلفين
ايلول:- ماسويت شي عمري
ابتهال:- شلون بيت حماج واسد
هدى:- الحمدلله خاله كلهم بخير
ابتهال:- الحمدلله
ايلول:- شلت الجاي ورحت احضر بلضياف وصبيت ببسي وعلي اخذ الاسد هم اجا ياخذ الفواكه
علي:- كملتي
ايلول:- يي.. لعد وين حسين
علي:- راح جماعته خابرو مدري شعدهم ليش
ايلول:- جان اجا ساعدك
علي:- راح
ايلول:- راح علي واني هم دخلت للغرفه
هدى:- ياا هاي شكلفتي نفسي تعالي اكعدي لا تحسسيني خطار
ايلول:- هههه حبيبي قابل شسويت مسويت شي وانتي من اهل البيت
هدى:- هاي ماسويتي وهيج لعد لوتسوين
ايلول:- ههههه
صبا:- ماما
سجى:- ها ماما
صبا:- اليد انام
سجى:- بعد وقت ماما
صبا:- ماما نعثت
ايلول:- كومي سجى نوميها
سجى:- ماشي اترخص منج هدى
هدى:- غاليه عمري اخذي راحتج
ايلول:- راحت سجى
ابتهال:- لعد اني هم اعوفجن تحجن انتن تفتهمن ؏ بعضجن
هدى:- ههههه
ابتهال:- تصبحن ؏ خير يمه
هدى:- وانتي بالف خير خاله
وانتي بخير عمه
ايلول:- بقينه اني وهدى
هدى:- يي شلونج
ايلول:- الحمدلله بخير
هدى:- والله علي جان يكول عنج تخبلين بس ماتوقعتج هيج
ايلول:- ههههه حياتي انتي ما شاءلله عليج جنج كمر
هدى:- والله ولا شي كدامج بلا حسد يعني
ايلول:- ههههه شكلها علاقتكم ويه علي كلش زينه
هدى:- يي هوه واسد علاقتهم كلش قويه وبينهم ثقه كلش يعني بحيث من يجي علينه اسد عادي يخليني اطلع واكعد وياهم
ايلول:- حلوو
هدى:- يي والله
ايلول:- بس بس بعرسنه ماشفتج
هدى:- يي والله وقتها جنت مريضه وامااجه بس اسد
ايلول:- اها مااني اكول
هدى:- يي والله جان من علي يجي هوه واسد واحد يكول للثاني مرتي تخبل
ايلول:- ههههه عود صدوك
هدى:- يي والله جان يجي ويكعد يحجيلي يكول قزمه طولها شبر وبيضه وعيون بزونه ومره شوفني صورتج
ايلول:- شوفج صورتي
هدى:- يي والله بس طلعتي احلى من الصور
ايلول:- تفاجئت يعني علي عنده صور الي... عمري
......................................................
علي:- يي شلونك ابو الشباب
اسد:- الحمدلله على الله وانت اخبارك
علي:- الحمدلله
اسد:- وشون صارت ايدك
علي:- زينه زينه مابيها شي
اسد:- يي خوش.. وانت شلونك عمي ابو حسون
سلمان:- الحمدلله بويه
اسد:- اخبار شغلك راح تجي اداوم وياي مو
علي:- والله يمكن هم هيج
اسد:- الله كريم
سلمان:- اعوفكم اني تاخذون راحتكم
اسد:- بهمس طلع ابوك يفتهم علينه
علي:- بهمس نجب لك
اسد:- هههههه
سلمان:- يله يابه من رخصتك
اسد:- غالي عمي غالي
علي:- راح ابويه وكعدنه اني واسد
اسد:- يي ضلع اخبارك انت والمره
علي:- مدري
اسد:- لسه مثل ماانتو ماكو تطور
علي:- بلي
اسد:- تحبها يول
علي:- باوعتله وصفنت ماادري اني احبها لو لا
اسد:- ها وين صفنت تحبها مو
علي:- ماادري
اسد:- شنو ماتدري ابن المطي
علي:- كلخرا لك ترا اكوم انعل والديك
اسد:- دنجب وخلي نحجي مثل الاوادم
علي:- يي
اسد:- ماجاوبت تحبها
علي:- صدك معرف
اسد:- زين خل اسالك كم سؤال وهي تبين
علي:- تفضل
اسد:- تحب تكون قريبه منك
علي:- يي
اسد:- من تشوفها تحجي ويا ولد عمك او اخوها ماتضوج
علي:- بلي كلش اضوج ومرات حتى نتعارك من وره هلسالفه
اسد:- خووش كمل
علي:- اسد معرف اول ماتزوجنه جانت علاقتنه مو كلش بس بعدين تغيرنه ثنيناتنه تعودت عليها بحياتي رغم طولت لسانها وعنادها الي ذابحني مااكدر بدونها احسها صارت جزء من يومي صح نتعارك هواي بس حتى عركاتنه صرت احبها احب هتمامها الي خوفها عليه حتى اهلها مو كلش اخليها تروح عليهم لو بودي مااخليها تطلع باب الحوش
اسد:- كمل
علي:- تذكر من مره خابرتك جنه عد خوالي وكتلك انو تقربت منها وبستها
اسد:- يي
علي:- من هذاك اليوم اني بعد ماتقربت ال ولا بنيه
اسد:- والملهى
علي:- حتى اذا اروحله بس اباوع مااتقرب واصلآ صار فتره مارايح ودااحاول ابتعد
اسد:- حلو يعني البنيه جاي تغيرك للافضل
علي:- ماادري للافضل لو للاسوء
اسد:- تمام نرجع النفس السؤال تحبها
علي:- معرف
اسد:- ابن المطي شون يخليني اكوم انعل والدي صار ساعه يحجي عليها وهتمامها وخوفها واكوله يحبها يكول ماادري لعد هاي شيسمونها احب اخوه
علي:- ولك كواد سد حلكك لا ادفرك
اسد:- مو انت تشك ال.... شك
علي:- نجب
اسد:- يااخي انت مو بس تحبها انت مجنون بيها
علي:- يعني هيج الحب
اسد:- لا حبيبي الحب لونه اخضر ولك ابن المطي ليش تخليني انعل... نعل
علي:- مو اذا كمتلك اخره بحلك ابوك
اسد:- عوف هلحجي
علي:- اني احبها
اسد:- صلواتتت همزين دريت
علي:- اسد نجب هسه اني احبها فتهمنه بس اذا هيه طلعت ماتحبني
اسد:- والله عاد هاي انت لازم تعرفها بس حسب كلامك والله مبين هيه هم تحبك
علي:- هيج تكول
اسد:- يي هيج اكول.. كوم صيح المرتي خل نكوم نروح
علي:- بعد وكت خلينه كاعدين
اسد:- دكم كم بعد وكت الساعه 11 ونص يادوب اوصل للبيت
علي:- طبك طوب لا تضل
اسد:- هسه غير يكوم
ــــــــــــــــــــــــــــــــــــــــــــــــــــــــــــــــــــــــــــــــــــــ
3439 كلمه ان شاء الله تعجبكم
YOU ARE READING
الضابط والبصراويه
Randomهسه صرت ابونه وين جنت من جنه بحاجتك ها تركتنه بوقت اشد الحاجه الك تمام ماعليك بينه وماما ماتت من قهرها 17سنه وأنت ماتعرف ميتين عايشين مستحيل اعترف بيك اب لج بابا بس اسمعيني بسسس مااسمع شي عوفنه
