الضابط والبصراويه........
للكاتبه نبأ محمد..........
قراءة ممتعه قلبيي......
ـــــــــــــــــــــــــــــــــــــــــــــــــــــــــــــــــــــــــــــــــــــــ
ايلول:- بعد ما دخل علي وويه البنيه جانت حلوه لزمت ايد علي من شافتنه الكل كامت وكفت وكل الانضار توجهت العلي واني اباوعلهم بصدمه وانتضره يحجي شي
سلمان:- منو هاي علي
ابتهال:- احجي يمه منو هاي
ايلول:- الكل يسئل منو هاي واني حاطه ايدي ؏ كلبي وانتضره يحجي شي.. منو هاي علي... باوعلي وباوع للكل وحجه صدمه ؏ـﻣࢪي
علي:- مرتي
ايلول:- بلعت ريكي وكعدت ؏ الديون واني مصدومه
حسين:- شنو مرتك انت من كل عقلك تحجي
ابتهال:- شجاي تحجي انت
سلمان:- فهمنه شنو هالحجي
علي:- جاي اكللكم مرتي هاي مرتي
ايلول:- احس النفس بالكوه اجره كمت ورحت يمه وكفت باوعت بعيونه وحجيت... انت دتشاقه صح هاي مو مرتك انت دتجذب
علي:- هذا الموضوع مابي شقه ايلول هاي مرتي مثل ماانتي مرتي واسمها سمر
ايلول:- عطت بي.. شنووو مررتك وانيي شنوو انتت جااي تلعب علييه انت من كل عقلك تحجي
علي:- لا تعيطين
سلمان:- انت متخبل انت شبيك
حسين:- انت شون تزوجت وايمت
علي:- صار فتره من تزوجتها
حسين:- وليش ما حجيت ما صخمت انت ما يهمك غير نفسك
ايلول:- حسين وعمي كامو يتعاركون ويه علي وعمتي كاعده وحاطه ايدها ؏ راسها والبنيه الاسمها سمر خاتله بضهر علي رجعت الوره ومشيت حتى اطلع للغرفه احس داامشي واني مو بوعيي اجتي لزمتني
زهراء:- ابجي.. ايلول شبيج
ايلول:- دفعتها مني وطلعت للغرفه وهوه اجا ورايه فات وسد الباب
علي:- ايلول
ايلول:- باوعتله طلكني
علي:- لو تموتين
ايلول:- طلكنييي واللله ساعه ماابقه عندككك دتتفتههم للك للييشش سسوويت هييج كللييي لييش.... اجا يمي ولزمني ودفعته مني وكمت اضربي بي واعيط وابجي... لييش سووييت ههيييج لللييش كسسرتتني كتللك لااا تكسرررني انني مو حممل وجععع لكك لسه البارحه زواجي مننكك تممم واليووم تجيي وجااييب ممررتتكك وياااك لسه الببارحه وعدتتني ماتخذلنيي والييومم كسسرتتني.. بقيت اضرب بي وهوه بس يباوعلي ولا تحرك وخرت منه وكمت اكسر بالغرفه واعيط... اكرررهك دتتفتههم اكككرررهكك عليي الله يخلصنني مننك لك شممسسووييتتلللك وهههيييجج تسسوويي بييه... صوت حسين وعمي والبنات يعيطون ويدكون الباب بس هوه قافله واني ما خليت شي صاحي بالغرفه ماكسرته كعدت بالكاع وابجي واشهكك.. وج ماما تعالي شوفي شصار بيه وينججج مامااا فددوه تعاللي... اجا يمي راد يلزمني وما خليته
علي:- كافيي ايلول كاافييي لا تسوين هييج موتي روحج
ايلول:- باوعتله.. لعد شتريد اسوي اصفكلك مثلن تريد اهلهللل لكك انت شنوو من بششرر انت ما تهمك غير نفسك ووخخخرر منني بششنوو قصررت علييك حتى تتززوووج عليههه هاااا بشنوووو لييشش كسرتنيي هيج ماااععننددك كلبب انتتت
علي:- ايلول اذا انتي فعلاً تحبيني راح تعرفين انو اني احبج وما كسرتج والشي الي سويته نجبرت علي
ايلول:- شننو اللي جبررك هااا شنوو يججببررك تززووجج علليه احججييي
علي:- مااكدر احجي بس هذا الكتلج هوه
ايلول:- كمت وكفت وحجيت.. لو تبقه اخر رجال بالعالم ماابقه عندك دفتهم لكك الله يلعننك سااعه السووده الحبييتكك بيهها شكدد جنتت احبكك هسه كرهتكك كرهه العمههه.. هوه ما حجه اي شي رحت جريت جنطه وكمت اخلي ملابسي بيها هوه وارث جكاره ويباوعلي اني ابجي واشهكك حطيت ملابسي ومشيت رجعت باوعتله وحجيت... اذا الي معزه عندك ولو شويه طلكني ولا تبقيني ؏ ذمتك.. ومشيت وهوه بس ساكت ويباوعلي طلعت بره لكيت الكل واكف اجتي زهراء تركض حضنتني
زهراء:- ابجي ايلول وين رايحه
ايلول:- رايحه الاهلي
سلمان:- بويه وين رايحه تعالي نكعد ونحجي والكل حادث حديث
ايلول:- عمو احلفك بعزاز كلبك لا تكلي لا تروحين مااكدر ابقه هين واذا تعتبرني مثل بناتك تخلي علي يطلكني
سلمان:- يا بويه مو هيج تنحل
ايلول:- عمو فدوه اروحلك يكفي تحملت هواي خلصت طاقتي
سلمان:- الله يهديكم
ايلول:- حسين تاخذني لو اخبر مهيمن
حسين:- ها يابه
سلمان:- امشي يابه وديها واني هم اجي وياكم
ايلول:- زهراء لازمتني سجى ما تكدر تطلع فوك باقيه جوه مشينه وباوعتله نضره اخير لكيته حاط ايدينه ؏ راسه ويباوعلي حجيت.. انت خربت بيتنه بايدك.. ومشيت نزلنه جوه واجن عمتي وسجى
ابتهال:- وين يمه
ايلول:- الاهلي
سجى:- ايلول لا تروحين عفيه
ايلول:- مااكدر ابقه هنه اموت والله عوفوني اروح.. عمتي كامت تبجي
ابتهال:- واحنه شنو هنه ولج ايلول
ايلول:- حضنتها فدوه عمه خليني اروح
ابتهال:- روحي يمه الله وياج
ايلول:- حضنت البنات وكلهن يبجن باوعت السمر كاعده بزاويه وحدها وهي هم تبجي ما حاجيتها مشيت طلعت برا اخذوني حسين وعمي وكل الطريق ابجي واحس نفسي بحلم واكول هسه اكعد منه وصلنه بيت اهلي ونزلنه وحسين دك الباب طلع مهيمن باوعلي وتفاجئ بيه واجا ركض يمي
مهيمن:- شبيج شكو شصاير
سلمان:- طب يابه طب اهلك هين
مهيمن:- يي جوه بس ايلول شبيها
سلمان:- جوه نحجي بويه خل نفوت
ايلول:- لزمني مهيمن ويسئل بيه ؏ شبيج واني مابيه حيل اجاوب طبينه جوه ونفس الشي الكل تفاجئ بحالتي عمي كاللهم اكعدو خل نحجي كعدو الكل واني طلعت الغرفه روئ وهيه لحكتني
روئ:- ايلول شكو والله كلبي راح يكف
ايلول:- ابجي تزوجج تزووج
روئ:- منو منو
ايلول:- علييي تزووج وجاب مرته للبيت.. ضربت ؏ صدرها
روئ:- عزا العزني اكيد دتشاقين
ايلول:- اوووف يا يمةةةة
روئ:- رحتلها ركض حضنتها وابجي ؏ بجيها
ايلول:- اخخخ ولجج حطمنني لجج لييش سوهه هييج لو مووتنني ولاا مسسووي ههييج
روئ:- اباوعلها بقت تبجي وتشكي المها عبالك كاعده يمها واني ابجي ؏ بجيها واسمع صوتهم جوه يتعاركون وصوت مهيمن يريد يروح العلي وجدي ما يقبل شويه واجن عمه ايمان وماما
ايلول:- اجتني عمه ايمان حضنتني وتبجي... اووف ياعمه ناار شاعله بكلببي لييش سوه هيج
ايمان:- سوده عليه يا يمه شنو من حض عندج انتي
ايناس:- اخخ يا ايلول ما عندج حض بكلشي
ايلول:- اووف الله يا خذك ويريحني منك ليش كسرتني هيج
ايمان:- ؏ كيفج بنفسج يا يمه
ايلول:- بقيت ابجي والطم الا متت شويه وطب مهيمن واجا يمي حضني
مهيمن:- كافي ايلول ميستاهل الي تسوينه ؏ موده يروح اخوج
ايلول:- ابجي ليش هيج سوه شنو سويتله اني
مهيمن:- ميستاهلج يعمري كافي بجي
ايلول:- اجا بابا هم وكعد يمي ابتعد مهيمن وكعد لي غادي اجا مسح ؏ راسي حضنته وبجيت... ليش جبتنه هنه جنه عايشين ويه بيت خالي مرتاحات من اجينه هنه ماشفنه راحه
سلام:- كافي يابويه كطعتي نفسج
ايلول:- بعد مااريده الله يخليكم طلكوني منه
سلام:- ارتاحي هسه والي تردي يصير
ايلول:- بقيت ابجي الحد ما نمت مدري شلون كعدت شفت روئ حاضنتني وعمه ايمان يمي هم نايمه وخرت من روئ وكمت طبيت للحمام سبحت وتوضيت وطلعت باوعت الساعه ب 4 ونص لبست جادر الصلاة وكعدت اصلي خلصت واندعيت الله يفرجها وبجيت الا تعبت حسيت ايد ؏ راسي باوعت عمه ايمان كعدت يمي ومسحت دموعي
ايمان:- كافي يا يمه
ايلول:- مو بيدي عمه مو بيدي علي حطمني
ايمان:- احس بيج يا امي بس شبيدي متكليلي والله علي مو هيج شجا وسوه هيج
ايلول:- ماادري عمه
ايمان:- ها امي
ايلول:- اخذوني القبر ماما
ايمان:- شسوين هناك يمه
ايلول:- مشتاقتلها اريد اروح اشكيلها اكيد تسمعني
ايمان:- ماشي يمه الصبح نخلي مهيمن يودينه
ايلول:- باستني براسي ومسحت دموعي
ايمان:- يله حبيبه كومي نامي شويه والصبح نروح
ايلول:- مو طايني نوم انتي نامي
ايمان:- حتى اذا ما تنامين كومي تمددي يمي
ايلول:- كمت نزعت الجادر ورحت يم عمه ايمان حضنتني ؏ صدرها حسيت بحنيه الام بقيت حاضنتها لل 7 الصبح وكمنه كالت المهيمن عمود ياخذنه وكال تحضرو كمت لبست شالي وصايه كعدت روئ وباوعتلي وكامت
روئ:- وين رايحين
ايلول:- القبر ماما
روئ:- انتي ومنو
ايلول:- اني وعمه ايمان ومهيمن
روئ:- شون صرتي يروحي
ايلول:- زينه ؏ـﻣࢪي لا يضل بالج يله اني رايحه
روئ:- الله وياج عمري
ايلول:- نزلنه جوه لكيتهم ينتضروني صاحتني بيبي رحت يمها
بيبي:- لا تموتين نفسج من وره عليوي ما يستاهلج وهوه الخسران
ايلول:- دمعت عيوني ان شاء الله بيبي
مهيمن:- يله ايو
ايلول:- كمت طلعنه اخذنه مهيمن للنجف مدري كم ساعه ووصلنه دليتهم ؏ قبر ماما ورحنه وصلنه يمها بس وصلنه نزلت دموعي كعدت حضنت قبر ماما وكمت احجي... ماما شتاقيتلج ماما من رحتي لليوم اني مشفت راحه بحياتي من كسره الكسره اقوه منها تذكرين ماما خلاني احبه واتعلق بي وكسرني جاب مرته للبيت ويكول هاي مرتي ماما متعرفين الشعور الحسيت بي تمنيت ميته الف موته ولا الي صار كمت اشهك ماما فدوه اخذيني يمج وريحيني والله تعبت ماما من تركتينه واحنه متعذبين ماما والله تعبت فدوه تعالي... اجتي عمه ايمان جرتني وهيه هم تبجي
ايمان:- كافي يا امي كافي
مهيمن:- يله ايلول يله ؏ـﻣࢪي كومي نزور ونرجع للبيت يكفي موتي روحج
ايلول:- خلوني هنه وروحو انتو
مهيمن:- ايلول وين اخليج اهنه كومي يبعد اخوج
ايلول:- كوموني ومهيمن حاضني وعمه ايمان لازمه ايدي من هنه ونمشي دخلنه زرنه وصلينه وطلعنه حسيت نفسي احسن وصلنه البيت طبينه شفت ايه وعباس ايه اجتي تركض حضنتني وتبجي
ايه:- يعمري كل هذا صاير وياج واني ماادري والله هستوني دريت وخليت عباس يجيبني
ايلول:- شفتي شسوه شفتي
ايه:- خلي يولي هوه الخسران
ايلول:- تزوج واجا بكل عين صلفه يكول هاي مرتي
ايه:- هشش يروحي هشش
ايلول:- مسحت دموعي ووخرت من ايه نزعت الصايه وكعدت
روئ:- ايو حبيبي
ايلول:- ها
روئ:- جدو يصيحج جوه
ايلول:- ماشي
روئ:- وصدوك زهراء خبرت خطيه وتبجي تكول حالهم مايراد البارحه امها مرتفع الضغط وتمو سلمان مو احسن منها
ايلول:- سمعتها وما حجيت شي طبيت جانو كاعدين مهيمنوعباس وبابا وبيبي وعمه ايمان وعمه ايناس طبيت وطبن البنات وياي .. ها جدو
جدي:- تعالي بويه
ايلول:- رحت كعدت يمه مسح ؏ راسي
جدي:- شون صرتي
ايلول:- الحمدلله جدو
جدي:- بويه ايلول
ايلول:- ها جدو
جدي:- شنو قرارج بخصوص علي ولا تتسرعين
ايلول:- جدو طلكني منه الله يخليك مااكدر اعيش ويه بعد
جدي:- لا تستعجلين بويه
ايلول:- جدو اول مره اطلب منك طلب طلكني منه الله يخليك والله مااتحمل اعيش ويه والله مو قليله كسرته الي افهموني بعد مااكدر اعيش ويه واذا عمود تا ارجع اعيش وياكم اروح اعيش ابيت خالي
سلام:- ايلول هذا بيتج وهذا الحجي لا تعيدي اذا البيت ما يسعج احطج فوك راسي
جدي:- سمعتي حجي ابوج هذا الحجي بعد لا تعيدينه
ايلول:- ماشي بس اني بعد مااريد علي
جدي:- يجرالج الي تريدي بويه هسه اخابر عمج وخلي يجيبه ويطلكج
ايلول:- واذا ما رضه
مهيمن:- غصبن عنه يرضه وعلي اروح اكتله خلاص
سلام:- مهيمن جدك يحلها انت ماالك شغل
مهيمن:- حاضر يابه
ايلول:- جدو اني ناخيتك
جدي:- هاي هيه هسه اخبر عمج وخلي يجي
ايمان:- ايلول لا تتسرعين فكري
ايلول:- عمه الله يخليج مااريد افكر هاي هيه
ايمان:- الله يهديج يمه
ايلول:- جدو خابر عمو سلمان وكاله يجيب علي ويجي وكال هسه بس مسافه الطريق شويه واندكت الباب اني كمت
جدي:- وين
ايلول:- مااريد اشوف وجها
جدي:- لا تعالي اكعدي
ايلول:- جدو
جدي:- ايلول كعدي
ايلول:- كعدت والبنات وعماتي طلعن بقه بس عباس ومهيمن وبابا وبيبي طببو سلمو اني مارفعت راسي
سلمان:- شلونج بويه
ايلول:- باوعت العمو سلمان الحمدلله عمو.. حسيت نضرات علي عليه بس ولا باوعتله
سلمان:- يي يابه
جدي:- ابني ايلول اخذت قرارها بخصوص علي
سلمان:- وشنو يابه
جدي:- تريد تطلك
علي:- طلاك مااطلك الف مره كايل
مهيمن:- غصبن عنك اطلك
علي:- انت نجب ومالك شغل
مهيمن:- اطلك ورجلك فوك راسك
عباس:- مهيمن يكفي عاد جدو يحلها
ايلول:- كاعده ؏ اعصابي واخاف لا ما يطلك
جدي:- علي البنيه ماتريدك بعد هاي هيه
علي:- يابه طلاك مااطلك لو تذبحوني واني لا اول واحد ولا اخر واحد تزوج ثنين
ايلول:- واني مااريد افهمها مااريدك روح المرتك هذيج تنتضرك
علي:- طلاك مااطلك
مهيمن:- اطلك
علي:- ماشي اطلك بس بشرط
جدي:- شنو الشرط
علي:- مهيمن يطلك زهراء
ايلول:- باوعتله عرف شلون يتصرف باوعت المهيمن ومهيمن باوعلي وحجه
مهيمن:- ميخالف اني قابل
ايلول:- باوعت بصدمه المهيمن هوه يموت بزهراء وزهراء بعد
جدي:- لازم انتو بكيفكم
علي:- هذا العندي اني
سلمان:- ترا اني ابوها واني ما متت تا تتصرف بكيفك انت
جدي:- علي اطلك ايلول وماللك شغل بمهيمن
علي:- ايلول مااطلكها اذا ما مهيمن يطلك زهراء وهذا العندي
مهيمن:- كتلك واني قابل كافي تعيد الحجي
ايلول:- مستحيل مهيمن انت تحب زهراء
مهيمن:- كلشي يهون الخاطرج
ايلول:- مستحيل مااخليك اطلكها لو ابقه مرته العلي.. باوعتلهم وحجيت جدو بعد اذنك اريد احجي ويه علي وحدنه
مهيمن:- شتحجين ويه
جدي:- اطلعو بويه
ايلول:- تفضل طلعت الغرفه بيبي اقرب غرفه وهوه اجا وراي
علي:- شنو تحجين طلاك مااطلك
ايلول:- باوعتله اسمعني
علي:- اسمعج
ايلول:- اني مااكدر اعيش وياك موتني ولا تخليني عايشه وياك انت ومرتك مااتحمل مهيمن يحب زهراء و زهراء بعد لا تكسر بيهم
علي:- اذا توافقين تطلكين مني ف لازم طلاك مهيمن بالاول
ايلول:- لا تسوي هيج مااريد اعتقني كرهتك بكد ما جنت احبك بعد مااريدك الله يخليك طلكني وتركني اعيش حياتي من دونك وانت هم شوف حياتك ويه مرتك الجديده علي انت حطمتني بعد مااكدر اعيش وياك والله احرك روحي
علي:- بس اني احبج ايلول اني مااتحمل حياتي من غير وجودج بيها
ايلول:- انت خربت حياتنه كلي ليش تزوجت خليتني احبك وبعدين تصدممني هيج كلي استاهل اني هاي جزات حبي وتشقي الك
علي:- ايلول
ايلول:- الله يخليك اذا الي محبه بكلبك ف طلكني وتركني ابوس ايدك.. اجا وكف مقابيلي وحجه
علي:- يجرالج الي تريدي يبت كلبي
ايلول:- باوع بعيوني وتقرب مني باسني بشفتي ردت ابعده ماكدرت الا هوه بتعد مني وحجه
علي:- راح اعوفج يا بت كلبي يا حلوتي عيشي حياتج من دون علي
ايلول:- بجيت.. مسح دموعي
علي:- ليش تبجين انتي هذا الي تردي مو
ايلول:- يي هذا الي اريده بس جاي ابجي ؏ كلامك الجذب والاوهام الي خليتني اعيش بيها وكلامك وغزلك الي كله خداع
علي:- كل كلامي الج ما جان جذب ولا خداع وصدكي يجي يوم واثبتلج وارجع اخذج لان انتي باسمي باسم علي مسجله مفهوم يله امشي اطلكج كدامهم
ايلول:- مشه وجان امسح دموعي وامشي اني هم لحكته طبينه جوه الكل تباوعلنه
جدي:- ها بويه
علي:- هاي هيه جدي جيبو شيخ عمود اطلكها
ايلول:- جدي هز راسه
عباس:- ومهيمن
علي:- مالي شغل بي
جدي:- كوم مهيمن جيب الشيخ يطلكهم
مهيمن:- ماشي جدي
ايلول:- طلع مهيمن اباوع العلي يباوعلي وعيونه حمر دم ويشرب جكاير تخلص وحده ويشغل الثانيه واني حابسه دموعي بالكوه شويه واجا مهيمن اني لبست صايتي وكعدت وشيخ كعد مدري شنو يقره وبعدين كال واحد يوكف مقابيل الثاني كمنه وكفنه وهوه ما نزل عيونه مني
الشيخ:- ارمي يمين الطلاك ابني
ايلول:- باوعت بعيونه وهوه هم بلع ريكه وحجه
علي:- انتي طالك ايلول طلك يبت كلبي
ايلول:- غمضت عيوني ونزلن دموعي وهوه عافنه وطلع بره ماسمعت غير شخيط السياره وطلعت اني هم للصاله ابجي اجن ايه وروئ حضنني
ايه:- ابجي الله يساعد كلبج
بيبي:- اخخ يايمه لسه ما طبيتي العشرين وتزوجتي وطلكتي
ايلول:- ضليت كاعده وابجي والكل تبجي ؏ بجيي وايه وروئ حاضناتني ويشهكن ؏ شهاكي
ايه:- كافي يروحي راح تموتين
ايلول:- نار بكلبي ايه نارر
ايمان:- الله يبرد كلبج يا امي
ايلول:- اخخ يا عمه اخخ
ايناس:- سلامت كلبج من الاخ يا امي
ايلول:- بتعدت منهن وكمت طلعت ولحكني روئ وايه رحت توضيت وكعدت اصلي بقيت اصلي الا تعبت خابرت زهراء عمود تحجي وياي بس مالي خلك احجي ويه احد طلبت منهن يطلعن برا اريد انام وما عارضن طلعن تمددت بالجربايه بقيت ابجي الا نمت......
ــــــــــــــــــــــــــــــــــــــــــــــــــــــــــــــــــــــــــــــــــــــــ
2311 كلمه
ان شاء الله عجبكم وشرايكم بالبارت وبرايكم قرار ايلول بالطلاك صح اكتبو بالتعليقات ولا تنسون التصويت ؏ـﻣࢪرري 🙂❤ واذا صار بيدي مجال ها مو اكيد انزللكم بارت بلليل واذا ما صار باجر ان شاء الله انزل 🌚🥸
أنت تقرأ
الضابط والبصراويه
Randomهسه صرت ابونه وين جنت من جنه بحاجتك ها تركتنه بوقت اشد الحاجه الك تمام ماعليك بينه وماما ماتت من قهرها 17سنه وأنت ماتعرف ميتين عايشين مستحيل اعترف بيك اب لج بابا بس اسمعيني بسسس مااسمع شي عوفنه
