الضابط والبصراويه

البارت 20

الضابط والبصراويه........
للكاتبه نبأ محمد...........
قراءة ممتعه ؏ـﻣࢪررري......

ـــــــــــــــــــــــــــــــــــــــــــــــــــــــــــــــــــــــــــــــــــــــــ
ايمان:- روئ
روئ:- ها عمه
ايمان:- روحي شوفي ايلول شو تاخرت وهي دتشطف
روئ:- ماشي عمه...  طلعت ما شفت ايلول والصونده بالكاع ونعالها تكرمون هم بالكاع خفت وعطت..  ايلول وينج ايلول..  ماكو باوعت ب المنطقه ماشفتها كلت بالكي رايحه الغادي فتت ركض واعيط..  عمههه عمههه
ايمان:-  بخوف شبيج يمه
روئ:- ايلول عمه ايلول
ايناس:- شبيهاا ولج
روئ:- ابجي مكو عمه مكو بس نعالها بالكاع..  عمه ايمان ضربت ؏ صدرها
ايمان:- عزا العزاني وين راحت بنتي يمه
بيبي:- شبيجن شكو تعيطن
ايناس:- يعمه ايلول مكو
بيبي:- وين راحت هالعوبه ونتي شبيج تبجين بالكي برا هسه تجي
ايمان:- خابريها تالفونها بالكي عدها
روئ:- رحت ركض اخابر وطلع جهازها هنه..  عمه هياته جهازها
ايناس:- خبري ابوج يجي هوه ومهيمن بسرعه
روئ:- عمه ايمان كعدت وتبجي وماما هم خابرت بابا شويه ورد
سلام:- ها روئ
روئ:- ابجي بابا ايلول
سلام:- بخوف شبيها شكو
روئ:- بابا ماادري ايلول مكو
سلام:- وين مكو بالكي بالبيت
روئ:- بابا تعال بسرعه فدوه وجيب مهيمن وياك
سلام:- تمام جاي جاي
روئ:- سديته منه
ايمان:- ها
روئ:- هسه جايين
ايناس:- صخام براسي وين راحت هالبنيه
روئ:- كاعدات كلنه نبجي طبو جدو وعباس وايه من شافونن نبجي نصدنو
جدي:- شبيجن
عباس:- شكو شبيجن
ايه:- شكوو ليش تبجن شصاير
روئ:- وجان يطبون بابا ومهيمن ركض
مهيمن:- وينها مااجت
روئ:- ابجي ماادري مكو
ايه:- ولجن شكو منو الي مكو احجن
روئ:- ايلول مكو
ايه:- ضربت ؏ وجهي وعطت..  شنو مكو وينها فهميني اختي وين
مهيمن:- ولج روئ احجي ترا راح اجيج بكف
روئ:- ماادري جانت دتشطف وتاخرت وعمه كالت اطلعي شوفبها طلعت كالكيتها بس الصونده بالكاع ونعالها ودورت برا مالكيتها
عباس:- شنو يعني هالحجي خاف هين راحت ابمكان هسه تجي
سلام:- مهيمن ركض ؏ الكامرات شوفهن
روئ:- ركضو عباس ومهيمن ؏ غرفه الكامرات واحنه وراهم شغلها مهيمن شفنه ايلول دتشطف وجان تجي سياره مضلله نزل منها واحد مدري شكاللها وانطته الصونده انوب طلع من جيبه شي ابيض وحطه ؏ حلك ايلول واغمه عليها
ايه:- عزا العزاني منو هذوله وشيريدون من اختي يمه
روئ:- ايه كاكت تبجي وتلطم رحت لزمتها وابجي..  ايه فدوه ؏ كيفج
ايمان:- راحت بنتي صخام الصخمني
بيبي:- ولكم منو هذوله
سلام:- راحت بنتي راحت
روئ:- اباوع الكل وجوها تكلبت وماما وايه وعمه ايمان وحتى بيبي يبجون مهيمن كعد وحط ايده ؏ راسه وبابا معرف شيحجي وجدو كعد كبل بس يباوع وساكت
جدي:- كم خابر علي هوه ضابط خل يدور يسوي شي
عباس:- اني اخابره
..........................................
علي:- كاعد بالمكتب عندي كم قضيه اريد اخلصهم وارجع للبيت كلش تعبان دك جهازي باوعت عباس...  الو عباس
عباس:- وينك علي
علي:- خير شكو شبيك
عباس:- علي تعال بسرعه البيت جدي
علي:- كمت وكفت الحيلي..  شبيك عباس شصاير ايلول بيها شيي احجييي
عباس:- ايلول انخطفت
علي:- بصدمه..  شدتحجي انت شنو نخطفت منو كالكككك
عباس:- هسه شفنه الكامرات تعال بسرعه لا تتاخر
علي:- كعدت وحطيت ايدي ؏ راسي لا يا ولد الكلب والله اذا طلعتو انتو وره خطفها الا انعل اباهاتكم يا ولد الكحاب ياربي دخيلك لا تموتني بايلول دخيلك مايصيرلها شي دخيلك يالله مالي غيرك لا تاذيني بايلول هاي روحي من الدنيا كمت طلعت ركض ركبت السياره وسقت بسرعه وخابرت اسد
اسد:- الو
علي:- ولكك اسددد
اسد:- شكووو شبيكك تعيطط شصايرر
علي:- ايلول نخطفت
اسد:- شنوووو
علي:- يي دااكولك نخطفت اليوم الصبح
اسد:- لا تكول كمال الكلب
علي:- اني متاكد مكو غيره
اسد:-  لا يا ابن الكواد وشنسوي هسه
علي:- اسد ايلوول لاززم تررجععع دتتففتهمم
اسد:- اكيدد تررجع مااجاك اتصال منه
علي:- الحد هسه لا
اسد:- لا تخاف ايلول ترجع وما ناقص منها شعرايه
علي:- والله اذا سوالها شي موته ؏ ايدي
اسد:- ما عليها ان شاء الله ومااتوقع ياذيها لان يعرف شراح يصير بي
علي:- ان شاء الله
اسد:- وينك هسه
علي:- رايح البيت جدي اشوف الكامرات
اسد:- تمام جاي وراك اني
علي:- ماشي..  سديته وطلعت البيت جدي 
..............................
ايلول:- فتحت عيوني وراسي كلش يوجعني شفت نفسي بغرفه فارغه مكعديني ؏ كرسي ورابطين اديني ورجليني وين اني شديصير تذكرت الصار وفتحت عيوني بصدمه عزاا يعني هسه اني مخطوفه يمه ومنو هذوله وشيريدون مني معقوله ياخذون اعضائي ويبيعونهن يايمه ياربي لسه بعدني صغيره مو مال اموت عطت...  وينككككممم ياعالممممم يا ناسسس اني هنةةةةةة..  طب واحد وحجه
الخاطف:- هييي انتي شبيجج تعيطينن
ايلول:- منو انت شتريدون مي ليش جبتوني هنه
الخاطف:- مالج شغل كعدي ونجبي
ايلول:- طب واحد ثاني شبيها
الخاطف2:- شبيها
الخاطف 1:- سيدي كمال تكول ليش جبتوني هنه
ايلول:- هيوو انت كمال
كمال:- هيوو بعينج كحبه
ايلول:- والله محد غيرك كحب
كمال:- مبين راح نتعذب وياج انتي
ايلول:- شتريد مني ليش جبتني
كمال:- شغلنه مو وياج ويه رجلج
ايلول:- رجلي يا رجل تقصد علي
كمال:- ليش اكو غيره
ايلول:- هذا مو رجلي هذا طليقي
كمال:- جؤجؤجؤ حرامات شون طلقج شو تخبلين
ايلول:- سد حلكك
كمال:- باعي يحلوه السانج لا يطول لا اكصه
ايلول:- طلعوني من هنة عفيه اني مالي شغل روحو اخطفو علي انجازو ويه بس عوفوني بحالي
كمال:- جؤ يحلوه انتي تلزمينه هوواي
ايلول:- فدوه عوفوني
كمال:- شنو يحلوه
ايلول:- ووجع الله شلزكت يحلوه جعل ايامك ما حلوت عوفوني لا الم الناس ؏ راسكم
الخاطف:- سيدي لسانها طويل هالبنيه
كمال:- يي والله ومبين راح ادوخنه كولش
ايلول:- طلعوني منه كواويد شتردون مني..  اجا هذا الي اسمه كمل يمي وضربني كف...  اخخخخ
كمال:- لا تغلطين مبين علي الكلب معلمج ؏ الفشار
ايلول:- انكسرت ايدك ان شاء الله يا حقيرر
كمال:- باعي لج الحد هسه متساهل وياج ترا والله اكتلج وادفنج بمكانج
ايلول:- الله ياخذكم ولد الكلب طلعوني من هنه..  رجع ضرلني كف ثاني...  اخخخ يا كلب
كمال:- ولج انتي ما تفتهمين يا حيوانه دااكولج لسانج لا يطول
ايلول:- ولككك وخرر عوفنيي عوفنيي
كمال:- كحبه
ايلول:- طلعو وسدو الباب انكسرت ايدك كون اخخ يابه شون ايد علي يموت احس خدودي شتعلن نار كلو من وره علي كون تتكسر رجليك يا علي ستوعبت شكلت لا لا ياربي كون ماتتكسر رجلي اووف ياربي ساعدني وخلصني منهم 
..................................
علي:- وصلت بيت جدي ونزلت ركض شفت الدنيا مكلوبه بالبيت الكل موجوده
مهيمن:- وينك تاخرت
علي:- هياتني اجيت وين الكامرات
مهيمن:- امشي ؏ هذيج الغرفه
علي:- رحت بسرعه شغلت الكامرات واباوع شون من خطفوها قبضت ؏ ايدي والله ما تخلصون مني يا كواويد
سلام:- منو هذوله تعرفهم
علي:- هزيت راسي باي
مهيمن:- منو همه احجي خل نروح الهم نرجع اختي
علي:- وين اعرف مكانهم حتى نروح
عباس:- منو هذوله علي
علي:- هذوله جانو ملاحكيني واني وهمه بيناتنه مشاكل
مهيمن:- يعني من وراك اختي انخطفت
علي:- اجا مهيمن لزمني دفعته..  وخر مني ترا هي مو بس اختك دتفتهم
مهيمن:- اذا صار شي باختي اموتك علي اموتككك
علي:- اذاا صاررلها شبي ماانتضركك تمووتني انيي اكتلل روووحيي
سلام:- كافيي احنه بيه حال وانتو بيااا حاللل
حسين:- شراح نسوي هسه
علي:- ننتضر اكيد راح يخابرون..  اجتي ايه لزمت ايدي
ايه:-  ابجيفدوه علي رجع اختي لا يصير بيها شي فدوه ابوس ايدك
علي:- حطيت ايدي ؏ راسها...  اختج ترجع وكلشي مابيها اطمني وشاربي مو عليه اذا ماارجعها
زهراء:- ابجي تعالي ايه ان شاء الله يرجعوها
ايه:- والله اذا صارلها شي اموت
روئ:- ما بيها شي ان شاء الله
ايمان:- اوفف يا ايلول المشاكل ملاحكتج منين ما تروحين
بيبي:- هالبنيه من يوم ما شفتها وهي مشلوعه كلب
علي:- شويه واجا اسد كعدنه بالاستقبال
اسد:- ها يابه ما خبرو شي
علي:- لسه كاعد انتضر
سلمان:- ونضل ننتضر ما نسوي شي
مسلم:- برايي خلي الولد يطلعون يدورون بلكي ولعل نلكاها احسن من كاعدين
جدي:- يي يله كومو اطلعو شوفو
علي:- راحو كل الولد بقينه اني وعمامي واسد كاعدين شويه واجاني اتصال
اسد:- ها
علي:- يمكن هوه فتحته بسرعه
................................. 
ايلول:- بقيت كاعده رجعو انوب اجو
كمال:- ها يحلوه ان شاء الله متونسه عدنه
ايلول:- طلعني من هنه
كمال:- لسه مطولين ؏ـﻣࢪي
ايلول:- كون خلص عمرك وخلصت منك
كمال:- هههه باعي يحلوه هسه راح اخابر زوجج
ايلول:- دااكولك طليقي واصلآ ميريدني وما راح يجي ف عوفوني اروح ما راح تستفادون شي مني
كمال:- جؤ حتى اذا ما يجي نستفاد معقوله نعوف هالوجه الحلو هذا
ايلول:- ويغمز..  خفت منه
كمال:- راح اخابر
ايلول:- خابر جاوب
علي:- كمال الكلب
كمال:- ههههه شكلك منتضر اتصالي
علي :- والله لو الزمك الا انعل عشيرتك كوادد
ايلول:- علييي
علي:- ايلولل هياتني ؏ـﻣࢪي لا تخافين اجيج والله
ايلول:- والله يعلي بس اشوفك الا اموتك كله من وراك مااخلص من مشاكلك اني
علي:- بس ارجعي عود موتيني
ايلول:- الا اخرب وجهك تعال اخذني منهم عفيه هذا علي ايد تكول بلوكه الكوادد اخخخخ...  ضربني كفف
علي:- ولككك عووفهااا ابننن الكلببب لااا تمددد ااييددك عللييهاا والله اذااا صارر بيهااا شيي ادفنكككك فتهمممتتت
كمال:- مرتك حلوه ترا ههههه
علي:- ولككك كوواد ابنن الكحبةةة والله اذاا صاررلهاا شييي ادفنككك خلاااصصص
ايلول:- سده بوجه علي
كمال:- مو ؏ اساس ميحبج لعد شو حرك اعصابه ؏ مودج
ايلول:- هوه ديسوي هيج لان اكيد اكو احد يمه لا تصدكه...  حط ايده ؏ وجهي  وخرت وجهي منه
كمال:- من صدوك حلوه انتي
ايلول:- تفلت بوجها وخر يا كواد... مسح وجها وجان يضربني كف...  اخخ
كمال:- الا اعيد تربيتج من جديد
ايلول:- الله ياخذك هذا رابع كف من اجيت لسه لمن ماارجع للبيت الكي وجهي خريط كون كسره بيدك يا حقيرر
كمال:- كعدتج مطوله مبين وراح اربيج يا كلبه
ايلول:- ربي نفسك بالاول وبعدين تعال ربيني...  جرني من شالي
كمال:- ترا الحد هسه اني متساهل وياج
ايلول:- جر الشال من راسي وذبه..  ولك وخرر يا حقيرر
كمال:- حلو شعرج مثلج ههههه
ايلول:- جيب الشال يا كلب
كمال:- ههه خل نستمتع شويه
ايلول:- طلع برا وسد الباب وكعدت ابجي اخخ ياربي ليش هيج حضي اني ايمت ارتاح من مشكله المشكله والله تعبت وينجج مامااااا ولك عليي والله بس ارجع الا اندمكك يا كلبب كون هسه انت بمكاني مو اني بحقيرر يعلي والله اذا صار الوجهي شي من وره كفوف كمال الحقير الا عدال هذوله الكفوف اضربك اخخ مامااا
........................................
علي:- دفرت الطبله وعطت...  ولككك حيوان والله موتك ؏ ايديي اذا صارر بيهها شييي
اسد:- عليي هاي شبييكك موو هيجج ؏ كييفكك
علي:- ماسمعتت صوتتها الحقيرر يضربهااا
جدي:- علي لازم ترجع ايلول باسرع وقت
سلام:- علي اذا صار شي البنتي ترا اندمك فتهمتت
مسلم:- يابه اهدوو مو هيج تنحل ناس تحد وناس ترد اكعدو فكرو وين ممكن تلكونها
علي:- كمت كوم اسد نطلع
اسد:- يله
علي:- طلعنه كلمن بسيارته وخابر اسد
اسد:- وين راح نروح
علي:- للمركز
اسد:- شنسوي هناك
علي:- خل يطلعون الجنود يدورون واني هم احاول الكي هذا الكلب
اسد:- تمام لعد يله اشوفك غادي
علي:- سديته منه وطلعت سريع وافشر واحجي ؏ كمال الحيوان واضرب الستيرن اذا سوالها شي ادفنه هوه وعايش اخلي الكلاب تاكل لحمه وصلت ونزلت واسد هم لحكني بقينه ندور ما خليت مكان ممكن يتواجد بي كمال ما دزيت فريق علي وماكو دفرت المكتب وكسرت شكو شي فوكه وعطت....  ولككك وينككك...  اجا اسد لزمني
اسد:- مو هيج علي مو هيج
علي:- يا اسد تعبت كل مشكله وره الثاني ومن ورايه ايلول هيه الي تاكلها اذا صار بيها شي اكتل روحي والله
اسد:- اهده يخوي نرجعا وغلاتك عندي بس شويه صبر والله نرجعها وترا ايلول مو بس البنت الي تحبها ترا هاي اختي
علي:- اخخ اسدد اخخخ
اسد:- سلامت كلبك يخوي من الاخخ
علي:- ماسيطرت نزلت دمعه مني
اسد:- تحجي صدوك علي دتبجي
علي:- ولك اسد موتوني بس لا تختبروني بيها والله اعشقها واخاف عليها من الهوئ
اسد:- شكد اكو وجع بكلبك
علي:- لو تشوفون الوجع الي بكلبي والله محد يتحمله وحامله اني والله نهد حيلي اسد والعباس
اسد:- هشش كافي يخوي كوم نطلع كوم
علي:- لزمني اسد وجرني..  عوفني اكدر امشي مو مكسر
اسد:- تمام امشي
علي:- طلعنه بسيارته ورحنه نفتر بسياره وندور ادري منلكاها بس مكدر اكعد وانتضر
.............................
ايلول:- طب كمال
كمال:- هاج هذا اكل اكلي لا تموتين وابتلي بيج
ايلول:- حط الاكل يمي..  شون اكل واني مربطه
كمال:- هم صدوك تعال وينك احمد
احمد:- نعم سيدي
كمال:- تعال فك ادينها خل تاكل
احمد:- حاضر
ايلول:- فكو ايدي وجان اجر الشال ورجع اخذا مني
كمال:- جؤجؤجؤ بلا شال احلى
ايلول:- عوفه خل البسه
كمال:- ماطولج يمي تبقين بدون شال
ايلول:- لك انت ماعندك خوات يا حقير ما عندك ام
كمال:- عندي بس مو بهالجمال هذا يحلوه
ايلول:- تفوو عليك من بين الزلم..  لزمني من شعري وضربني كف من قوته زفر دم من حلكي رجع ضربني انوب
كمال:- تعيدينها انوووب
ايلول:- يي اعيدها اعيدهاا تفوو عليك يا حقير..  ضربني ؏ حلكي
كمال:- لج امتي شنو شهالصلافه الشايلتها
ايلول:- عوفني يا كلب ابن الزنه
ايلول:- رجع ضربني
كمال:- ولج لا تغلطين يكحبه جنج بنت لليل ؏ هاي طولت السان العندج
ايلول:- بقه يضربني الا ما تعب حسيت روحي بدت تطلع عافني وطلع برا كعدت وابجي واحجي مهيمن وينكك بابا عليي عفيه تعالو طلعوني منه راح امووت عفيهه يا علي الحقيرر كله من وراكك اخخ يمه كون بيك يا علي انت الي تستاهله من وراك ضكت شكو المم اخخه يمةةة عطت...  ولككك كماللل الكللب الله ياخذكك يااحقيررر ابن الكلببب جاييي تتمررجل عليييه يااحقيررر يا حيووان ولك حتى اضلمم الحيواناتت من اشبهكك بيهم يا كلببب..  دفر الباب وعاط
كمال:- ترا اجي اكمل عليج كحبه سدي حلكج
ايلول:- سكتت مابيه حيل اكل كتله منه والله ضربه انوب يشيلوني ؏ النجف شلت الاكل وكمت اكلت والله ميته جوعع الخطه بركبتهم اذا حرام اكلت الحد ما شبعت وشربت مي وبقيت ؏ كعدتي بقيت كميوم اني احجي وافشر علي وهوه يضربني ماادري شكد بقيت ف بيوم كاعده مربطيني ؏ الكرسي وطب كمال يضحك بفرح وحجه
كمال:- ها يحلوه
ايلول:- سد حلكك
كمال:- هههه احزي منو جبتلج
ايلول:- شنو منو
كمال:- طببو شباب
ايلول:- طبو وانصدم بالي شفته.............
ـــــــــــــــــــــــــــــــــــــــــــــــــــــــــــــــــــــــــــــــــــــــــ
هلوو يحلوات شرايكم بالبارت اليوم 🥲🥀