بيت امي هيله 🍃

21

يوم جديد لأبطال روايتي✨ ...

"بيت امي هيله " الساعه 12:30 م
الدور الاول تحديداً الصاله جالسه و تتقهوا مع حريم عيالها وبناتها ...
"الجده" وراه البنات للحين مانزلوا
"ام مشاري " والله ياخالتي انتي شفتيهم امس شلون رجعوا
"ام ابراهيم " اي والله امس طلعوا كل طاقتهم ربي يحفظهم
"الجده" امين الا نسيت اقولكم ترا اليوم رح تجي جارتي ام يوسف مع بناتها
"ام سليمان" الاه يحيها بس هي كم عندها بنت
"الجده" عندها 2 بنتين تهاني و تغريد وولدين
"ام مشاري" اي اذكر ان عندها ولدين واحد ضابط والثاني دكتور صح !؟
"الجده" اي صح يوسف ضابط والدكتور نسيت اسمه بس كأنه سيف او سعد
"ام سليمان " ماشاء الله اجل انا بروح اشوف الغدا
"ام ابراهيم " حتى انا بروح اشوف البنات كل ذا نوم لا صلاة ولا عباده
"الجده" بشويش يا مها على البنات بشويش
"ام سعود" يمه الله يهداك وش بشويش خليها تأدبهم كم صلاة فاتتهم
"الجده" الله الهادي وهذا شي بينهم وبين ربهم يالله اشوف قومي ساعدي نوال بالغدا
"ام سعود" ابشري ..

"عند البنات فوق "
صاحيه وبالها مو معها تفكر بمستقبلها المجهول معاه كيف رح تعيش معاه ومع بنته صح تحب ترف وتعزها بس تحس في حاجز بينهم كل ماشافت سليمان و بحظنه ترف تذكر حُبه لمنال حتى يوم الملكة كان حوارهم عن طفولتهم صح انه كان يخفف من توترها بحكم انه انسان مجرب بس تحس ان الوضع غلط تنهدت تنهيده طويله وتعوذت من الشيطان و طلعت من غرفتها على طلعتها شافت عمتها مها جايه لهم ..
"ام سعود " مساء الخير زين اني لقيت وحده فيكم صاحيه
"زينب" مساء النور والله صاحيه صار لي ساعه بس مكسله مالي خلق انزل
"ام سعود " يالله اجل تعالي صحي معي البنات اذا تبين الكسل يروح عنك
"زينب" ابشري
بعدها صحوا كل البنات بعد معاناة وحرب صحوا كلهم

" المجلس الخارجي "
الشياب جالسين و يتقهوون ويسولفون عن الشركات والاسهم وغيرها ...
"ابو عبدالرحمن " تصدق يا مسفر جاتني صفقه من واحد من اكبر الشركات بالسوق هالفتره
"ابو سليمان " ماشاء الله لا يكون شركة ولد رعد
"ابو عبدالرحمن " اي والله هو ولد رعد
"ابو مشاري" بس اللي انا سامعه ان شغلهم كله مزور واغلب الشركات اللي كانت معاه اخر الصفقات كلها خسرت واسمها طاح
"ابو عبدالرحمن " والله يا عبدالعزيز مالي علم بكلامك بس ببحث بالموضوع اكثر
"ابو مشاري " اي انتبه
"ابو سليمان " عبدالعزيز انت لك بهالمجال ولا بس مطلع ما اخبر انك تحب هالامور
"ابو مشاري " لا ياخوك بس تعرف كل مارحت لديوانيه الربع يسولفون علي واخر شي سولفوا عنه شركت ولد رعد
"ابو سليمان " اي قول كذا انا شكيت قلت أخيي من متى له بهالسوالف
ضحك ابو مشاري على كلام اخو مسفر واستمر نقاشهم على هالموضوع ...

اما الجهة الثانيه من المجلس عند الشباب
"سليمان" انا رح ارجع اضبط اموري للعرس
"سعود" ربي يوفقك
"عمار " وعقبالنا يارب اخ متى اتزوج متى
"ابراهيم " شفيك بسم الله اللي يشوفك يقول طحت ومحد سمى عليك
عمار بدراما يحط يده على قلبه ويقول
"عمار" اخ يا برهوم لو تدري عني اخ قلبي ما يقدر مايتحمل
"مشاري" هي يالحبيب هد هد وين رحت
"عمار" محطم الملذات خلني ياخي عايش جو
رفع راسه عن الكتاب اللي بيده وتكلم
"نايف" مشاري ماعليك منه سفيه
بعدها رجع اندمج مع الكتاب
"عمار" ياخي ابي افهم انت طول عمرك كذا ماسك كتاب ياخي خلاص زهقتني وربي كل مالتفت عليك شفتك ماسك كتاب و ياليت لو نفس الكتاب لا كل شوي كتاب جديد
"نايف" اقول اذكر ربك لا تعطيني عين
"عمار" لا انا اساساً ابي اعطيك عين ياخي اذا جلست معنا اترك كتابك بغرفتك
"نايف" اجل خلني اطلع من المجلس اريح لي ولك
فز عنار من مكانه وراح حب راس نايف واعتذر
"عمار" هوب هوب اسفين يالحبيب بس نمزح معك لا تاخذ الموضوع جد
"نايف" خلاص اجل ابشر رح اسكر الكتاب لعيونك
"مشاري " قويه قويه نايف يسكر كتابه ولا علشان عمار صراحه ما عرفتك
"ابراهيم" لاحظت اخر فتره نايف متغير ولا
"سعود" الا والله خلك كذا نيوف
ضحك نايف عليهم وكملوا سوالفهم ....