حاولت تمسك نفسها وتواجهه بس لا المكان يسمح ولا الموقف اللي هي فيه يسمح مسكت نفسها وراحت واجلست على اقرب كرسي لها نزلت راسها ومسكته بيدينها تحس انها كبرت عشرين سنه من بعد كلامه ....
مرت عشر دقايق وهي على نفس الوضع وهو واقف يشوفها ويحس بأنجاز وهو يشوفها تعاني وماتدري عن ابوها شي حسسها بربع الالم اللي كان يحس فيه إتجاه امه ...
بعد نص ساعه استمر الوضع على هالحال حست انا صار لها سنين تنتظر بس احد يطمنها وماتبي تدق على عمتها مها وتخوفها شوي ويطلع لها الدكتور فزت من مكانها وراحت له وملامح وجهه ماكانت تطمن ابدا
"هبه" بشر دكتور شنو صار على ابوي
"الدكتور " حالياً اللي وضح معانا انه جاته جلطه بس الحمد الله عدت بس في فحوصات اجريناها وننتظر النتايج نتطمن عليه اكثر
"هبه" بسم الله عليه طيب اقدر اشوفه الحين
"الدكتور" الحمد الله على سلامة الوالد بس حالياً ممنوع الزيارة لين ما ننقله لغرفة خاصة ومشى عنها ...
تنهدت بصوت عالي وحمدت الله اللي طمنها على ابوها شوي الا تشوف شخص ماد لها كوب موية
"فارس" الحمد الله على سلامته
"هبه" الله يسلمك وعطته ظهرها بدون لا تاخذ الكوب منه مشى وراها وحط كوب المويه قريب من كرسيها
"فارس" بلي ريقك شوي لايروح صوتك اذا شفتي ابوك
"هبه" ابي افهم انت غبي ولا تستهبل مو قلت لك مابي روح عني اف
"فارس" اذا تبين الفكه مني اشربي المويه
انفعلت هبه من استفزازه لها واخذت الكوب وكبته على و جهه
"هبه" اقلب وجهك عني وسحبت شنطتها ومشت اما فارس كان منصدم نن انفعالها وشلون كبت المويه عليه وكلم نفسه
| انا يابنت خالد تكبين علي مويه ولا بعد بالمستشفى والله لا تشوفين مين فارس | بعدها طلع من المستشفى بكبرها ...
اما عند هبه راحت لدورة المياه فسخت نقابها وطرحتها وغسلت وجهها بمويه بارده تبرد على نفسها شوي رفعت راسها وجلست تتأمل نفسها وتفكر بكلام فارس ...
"الرياض "
"بيت سليمان"
جالس وقدامه ترف تلعب بألعابها جلس يتأملها ويشوف شلون ملامحها كلها منه ما أخذت شي من امها غير الشعر تنهد وانسدح قدامها وهو يكلمها
| راحت امك ومالي غيرك يسعدني| ترف شافت ابوها يكلمها وقعدت تصفق تحسبه يلعبها ضحك سليمان على ردت فعلها وغمض عيونه يريح شوي
"بيت ابو سليمان "
بالصاله مجتمعين على الشاهي ويتابعون الاخبار
"ام سليمان " يمه افراح دقي على سليمان خليه يجينا مع بنته حاكر نفسه معاها بالبيت
"افراح" يمه ولدك غثيث ترا كل يوم ادق عليه اترجاه يجيب تروفه بس معيي
"ام سليمان " اجل اتصلي على نايف يجي
"افراح " ابشري يمه
دقت افراح على نايف وقالها انه جاي بالطريق سكرت منه ..
" افراح " يمه نايف يقول انه جاي بالطريق
" ام سليمان " اجل قومي البسي عباتك وجيبي عبايتي معك
" افراح " ان شاء الله يمه
بعدها راحوا مع نايف لبيت سليمان ...
"بيت امي هيله "
الجده وهديل وزينب جالسين مع بعض ويسولفون شوي وتقوم الجده ...
"الجده" اعذروني يمه انا بروح ارتاح لي شوي يمه زينب تعالي بعطيك شي لبوك قبل تروحون
فزت زينب ولحقت جدتها دخلت وراها الغرفه وسكرت الباب ...
YOU ARE READING
بيت امي هيله 🍃
Romanceروايتنا عن بيت دائما يكون دافي، الله لا يفقدنا اساس هالدفء " بيت الجده " ✨🍃
