بيت امي هيله 🍃

17

لفت على ترف وبهمس قالت
"افراح" شفتي اللي انا شفته ابوك شكله استخف اول مرره اشوفه يضحك بهالشكل المشكله حته ماما زيون تضحك نفس الشي انا اللي اعرف المعاريس بالملك يكونون مستحين بس ابوك و زيون حطموا هالفكره ...
اما ترف فكانه تطالع بافراح ومو فاهمه شي من كلامها
لفت افراح عليهم
"افراح" ماشاء الله ماشاء الله اشوف حلت لكم الجلسه ونسيتوا نفسكم
لفوا عليها زينب وسليمان و انصدموا ان افراح موجوده و مانتبهوا لدخولها تنحنح سليمان وفتح يده لترف بعد ما وقف واخذها من افراح
"سليمان " ها بابا شلونك عسى عجبتك الحفله
اما ترف كانت تضحك وتصفق بحضن ابوها ...
اما زينب كانت تطالعهم وتضحك لهم وتحمد ربها على دخول سليمان وترف لحياتها ...

••••••••••••••

مر الوقت وانتهى اليوم بتفاصيله الحلوه للبعض والمُره للبعض اجتمعوا احباب و تلاقت  قلوب
و انبنى بيت يجمع اب و بنته و زوجة اب ...

الفجر الساعه 4:20 ص
مجتمعين بالسطح وكل وحده متغطيه بطانيه واللي بيدها كوب شاهي واللي جالسه تاكل من الحلى تعرفون جلسات البنات بعد الحفلات والحش اللي يصير ...
"هبه" بنات احس الوقت مر بسرعه صح
"افراح" من اي ناحيه !!؟
"هبه" مدري احس بسرعه كبرنا يعني انتوا متخيلين ان وحده مننا اليوم ملكة احس بسرعه مر الوقت يعني احس ذكرياتنا للحين موجوده بهالبيت
"هديل" هو من ناحية الذكريات اي للحين موجوده بس على اننا كبرنا بسرعه لا والله ياحبيبتي تعبنا وشقينا يالله كبرنا
"جواهر" واضح ان هدول الحياة مزعلتها مررره
"ديما" مرتين مو مررره ياقلبي
"زينب" خلو عنكم بس بنات تكفون شفتوا رنا بنت ام علي جتني بعد التوقيع وقالت لي
<معليش زينب بس كيف تاخذين واحد ارمل وعنده بنت بعد تخيلي بس بدال لا ينادي اسمي ينادي زوجته ولا بعد كل ما شاف بنته يتذكرها > اخ بنات تقهر ولا بعد تتميع وهي تتكلم
"افراح" لا يكون سكتي لها و مادافعتي عن اخوي
"زينب" لا ماعليك رديت عليها وقلت
< لا ياحُبي انتي سليمان يحبني ومنال الله يرحمها ويغفر لها واذا على ترف تراهي ذهبه وبنتي بعد مو بس بنت منال ولا انتي ياحياتي كنتي ميته تبين سلومي بس من بعد منال فقدتي الامل بس شكلك بعد وفاتها خططتي عليه تحسبيني ما اذكرك ياعيوني لا اعرفك عدل بس احلمي سليمان لي انا وبس > تكفون بنات بعد كلامي لها وجهها قلب الوان وانا يالله مسكت نفسي لا أضحك
"افراح" تعجبيني مرت اخوي كفو
"ديما" او او كلام كبير انسه زينب عاد ان شاء الله انه طالع من القلب وغمزت
<زينب هنا دوروها ..>
"هبه" هههه والله منتي هينه زيون زين سويتي فيها تستاهل
"هديل" تكفين زيون قولي وش صار معاك انتي وسليمان
"زينب" ماصار شي نفس كل اثنين بالشوفه بكره اذا صار وقتك رح تعرفين
ولفت على افراح و عطتها نظرت تهديد بأنها ماتتكلم وافراح ماكانت معاها كانت بعالم موازي للعالم اللي هي فيه ...
"هديل" انا قايله اختي ماناخذ منها لاحق ولا باطل
"هبه" ماعليه الحين وقت هالثنتين
و أشرت على ديما و جراهر
"جواهر" انا ببدا لاني مو ناقصه تحقيق اسمعوا وقالت لهم اللي صار معاها هي ونايف ...
"افراح" امانه اخ بكذا لقينا عروس لنيوف عاد لايقين على بعض
دفتها جواهر و قالت بعصبيه
"جواهر" روحي زين انا ما اخذ واحد طول وقته بالكتب لا ياعيوني انا ابي واحد راعي فله وطلعات وسفرات ورزه وكشخه نايفوه ولا شي عنده
"افراح" حاصلك ياعيوني نايف اخوي كل البنات يتمنونه روحي زين
"دعاء" نشوف بُكرا وش يصير يا جوجو
"هبه" طيب جوجو وعرفنا شصار معها انتي يا ديوم
"ديما" الصراحه انا وقالت لهم اللي صار لها.
"جواهر" اخ تكفين برهوم شافك بالفستان
"ديما" نفس ماشافك نايف بالفستان
"جواهر" ديوم لا تذكريني اف
"دعاء" شكل نايف وابراهيم طاحوا ومحد سما عليهم
"هديل" اي شكله
"جواهر" بنات تدرون اني سمعت مره برهوم يكلم واحد من اخوياه يوم كنا بمزرعة خالي خالد كان يقوله انه شايف وحده من البنات ودخلت مزاجه بس ما ادري من مان يقد بس شكلها ديوم لانها الوحيده اللي ما تتغطى عنه ...
هنا هبه تذكرت يوم العيد ودخول ابراهيم عليها بالغرفة بس ماحبت توضح شي للبنات...
^_^ ها تذكرتوا الموقف !!!
"دعاء" يمكن صح زينب متى حددتوا العرس؟!
"زينب" بعد شهر ان شاء الله
"هديل" حلو نقدر نجهز على راحتنا
كملوا البنات سواليف لين ما نسحبوا ورا بعض لغرفهم من التعب...