بيت امي هيله 🍃

13

"هبه" قالي .... وسكتت
"خالد" بابا هبه حتى انا عندي كلام بقوله لك عن فارس بس قولي لي اول وش قالك فارس
"هبه" قال ' اذا نكسر ظهرك من طيحته رح ينجبر فيني يا زوجتي ' ونزلت راسها
"خالد" تنهد وتكلم بابا هبه انتي تدرين ليش انا الحين هنا
"هبه" لا ليش
"خالد" لأن طيحتي من غلاتك ومعزتك عندي طحت ماقدرت احميك ماقدرت ياهبه ماقدرت
"هبه " شلون يبه ماقدرت هذا انا مافيني شي
"خالد" سامحيني يايبه سامحيني
"هبه" مسموح يالغالي مسموح بس شفيك يبه تكفى لا تسكت قووول
"خالد" اجبرني يايبه اجبرني اني ازوجك اجبرني والله ماقدرت والله احرجني قدام الشركات ماقدرت ارفض ماقدرت
"هبه" لحظة لحظة يعني انا الحين اكون زوجتة فارس
"خالد" اي يبه بس والله مو بيدي والله غصبني عني
وقفت هبه بصدمه و راحت على اقرب كنبة وقعدت عليها خالد ما كان وده يقولها بس فارس خرب كل شي
"خالد" بابا هبه سامحيني والله اذا قمت من السلامه رح اطلقك منه ومارح اخليه يقرب منك
"هبه" ...........

'الرياض'

"بيت سليمان"
جالس بغرفة ترف يبدل لها ملابسها ويغني لها شوي ويسمع صوت الجرس راحت العامله وفتحت الباب ودخلوا ام سليمان و افراح و نايف
نزل سليمان و بحظنه ترف
"سليمان " السلام عليكم زارتنا البركة
"الكل" وعليكم السلام
"ام سليمان " لا الحين زارتنا البركة وينك عننا لا تسأل وتتصل ما كأن عندك اهل وبعدين حرام عليك حابس البنت بهالبيت لا انس ولا ونيس
"سليمان" الولده شرهانه حيييل
"نايف " والله كلام امي صدق حرام عليك ليه ماتطلعها ولا تجيبها لنا
"سليمان " والله انا وبنتي مشغولين ماعندنا وقت للزوارات والطلعات
"افراح" اي واضح ماشاء الله اقول بس عطني تروف
راحوا كلهم وجلسوا بالصاله شوي ويدق جوال سليمان رفعه وشاف اسم ابوه رد عليه وقاله يجيه بكره لبيت الجده العصر وبعدها سكر ...

•••••••••••••••

"بيت ام سعود"
ديما جالسه بغرفتها تكلم جواهر فيس تايم توريها مشترياتها لحفلة صديقاتها
"ديما" شوفي جوجو شريت هذا الفستان شرايك فيه
"جواهر" مرررره حلو بس مو كأنه كبير عليك شوي
"ديما" لا اذا لبسته يطلع مرتب
"جواهر " اجل خلاص اذا لبستيه صوري لي اشوف
"ديما" لا رح انسى ثواني بس البسه وارجع لك
"جواهر"تمام يالله روحي البسيه
راحت ديما لغرفة الملابس تقيس الفستان

'الدمام

"بيت ام ابراهيم "
جالسه بالصاله تكلم ديما
"جواهر" تمام يالله روحي البسيه
بعدها بدقيقه دخل ابراهيم من الشغل
"ابراهيم" السلام عليكم
"جواهر" وعليكم السلام
"ابراهيم " الا وين امي ما اشوفها جالسه هنا غريبه
"جواهر " راحت تزور ام صقر جارتنا بنتها ولدت وراحت تتحمد لها بالسلامه
"ابراهيم " ماشاء الله طيب تكفين سويلي شي اكله ميت جوووع ما أكلت شي من الصبح
"جواهر" ابشر برهومي ماطلبت شي حطت جوالها قريب من ابراهيم ومشت للمطبخ ونست تماماً انها كانت تكلم ديما ...
فجأة وهو جالس سمع صوت احد يتكلم وينادي جواهر لف يمين يسار مافي احد بعدها انتبه على جوال جواهر مسكة وشاف شي عمره ماتوقع انه يشوفه قدام عينه كانت لابسه فستان احمر

^^ هاذي صورة الفستان

وفاتها شعرها ومثبته الجوال على الطاولة بحيث يصور شكلها كله وكانت مبتعده عن الجوال
كان متنح بشكلها ومو مستوعب اللي يشوفه قدام عينه فجأة سمع صوت صرخة من الجوال و يتسكر بوجهه سمع صوت خطوات جواهر جايه ونزل جوالها ورجعه مكانه
"جواهر" تفضل هني وعافيه
"ابراهيم" الله يعافيك تسلم الايادي
"جواهر" الله يسلمك بعدها مسكة جوالها وشافته مسكر فتحته وشافت ان في اشعارات من ديما وملها سب فيها تذكرت انها كانت تكلمه فتحت التسجيل الصوتي وسجلت
| معليش ديوم والله اعذريني برهوم دخل البيت ونسيت اني كنت اكلمك مررره اسفه المهم صوري شكلك بالفستان اشوف |
عند ابراهيم جالس ويهوجس بشكل ديم
< اخ والله وكبرتي يا ديما صدق انها ما تتغطى عني
بس ماكنت اشوفها توني الاحظ جمالها وشكله اخ قلبي بيم الله ليش صار فيني كذا احس قلبي يدق بقوه مو طبيعيه بسم الله ...

عند ديما

ياربي ذي البنت ليش ماترد ليكون بس المكالمه مفصوله وانا صار لي ساعه استعرض بطا الفستان قربت من الجوال وانصدمت من اللي شافته صرخة وحطت يدها على فمها وسكرة المكالمه على طول
"ديما"بسم الله شلون ابراهيم ماسك جوال جواهر وشافني بعد بهاللبس والشكل ياويل حالي يمه قلبي احسه بيوقف ...

•••••••••••••••
يوم جديد
واحداث جديده مع ابطالنا

'الدمام
جالسه وتتأمل شكل ابوها وتفكر بكلامه امس
| الحين انا متزوجة ومن فارس بس شلون قدر يجبر ابوي انا لازم اعرف معني كنت راضيه اني اتزوجه بس دامه طيح ابوي والله لأ خليه يندم على سواته ومو ابو عبدالرحمن اللي يصر فيه كذا من واحد فاشل ويهدد | قطع تأملها صوت دق الباب فزت من مكانها و تغطت وراحت للباب فتحته وانصدمت من الشخص اللي واقف قدامها ...

دفته لبرا وطلعت معاه رصت على اسنانها وتكلمت
"هبه" خير ليش جاي معنى اللي يشوف وجهك مايشوف الخير
"فارس" بسم الله عليك شفيك جايتني بشرك
"هبه" اقول بس اخلص علي ليش جاي
"فارس" جاي اتطمن على عمي
"هبه" لا انت شكلك مو صاحي تقتل القتيل وتمشي بجنازته
"فارس" هدي ياحُبي انتي هدي ليش معصبه وليه هالكلام
"هبه" اقول انت شكلك جاي تتستهبل صح وجت بتدخل وماحست الا وهي بحضن فارس ...

•••••••••••••••

نوقف هنا يا حبايبي واذا لقيت أي دعم منكم نزلت البارت الرابع عشر عطوني رايكم بالرواية ✨

"اسفه اذا في اغلاط
"ولاتحرموني من دعمكم محبتكم دلع ♥️
••••••••••