Abhira/Harshali OS Series (Continued)

7.7 B3 (Broken 💔 But Beautiful)

Ab : Akshu please. Sab kuch to bol liya yaar. Sab kuch. Tumhe khone se darta hu. Aur har baar jaane anjaane tumhe khud se door karta hu. Har baar ki tarah is baar bhi , is baar bhi chali aao na apne Abhi ke paas. Please use is tarah akela mat karo. Tanha mar jaayega tumhara Abhi Akshu. Sabne give up kiya hai. Tum mat karo please. Hum dono ek hi tarah ke situation me bade huye hai. Dono bhari family ke hote huye bhi akele the. Koi samajhne wala nahi tha hume. Hum dono ek dusre ke healer hai na. Tum mujhe heal karti ho aur main tumhe. Please mujhe chhodne ki baat nahi karo. Hum yaha se kahi door chalenge. Maine tumhe Shimla le jaane ka pura intezaam kar diya hai. Hum waha chalenge aur ek dusre ko heal karenge. Please ye chance de do mujhe.

Ak : Abhimanyu koi fayda nahi hai kismat se jidd karne ka. Jab bhi humne kismat se ladne ki koshish ki hai usne humse humare apno ko chheena hai. Is baar sabko khud se door kar diya hai maine. Kyu ki ab aur kisi ko khone ka dard seh nahi paaungi. Please mujhe jaane do ab. Aur aap sab se ek request hai. Agar aap sabne kabhi bhi mujhse sachha pyaar kiya hai. Ek second ke liye bhi to is baar aap sab peeche nahi aayenge mere. Aap sab bhi jaante hai ki aap sabne galat kiya hai. To apni galati ko sudhaar lijiye . Is baar mere peeche aakar aur mujhe phir se isi mahaul me apni selfishness ke chalte rakh kar mere dushman banne ki koshish mat kariye. Chinta mat kijiye khud ko koi nuksan nahi pahuchaungi kyu ki itna sab kuch hone ke baad ek baat to confirm ho gayi hai. Maut nahi milegi mujhe. Jeena hi hai. Has ke jiyun ya ro ke par jeena to hai.

Ab ( fell on his knees and hugged Akshu from her waist tightly) : Akshu please main nahi Akshu, main nahi please. Mujhe nahi , mujhe nahi . Main bahut bura hu. Bahut galtiyan karta hu. Anger issues bhi hai. Gusse me kuch nahi dekhta , ye bhi nahi ki saamne kaun khada hai. Jubaan pe lagaam nahi rehta hai. Par jaisa bhi hu. Tumhara hu. Tumse hu , tum tak hi hu. Tumhare aage phir kabhi koi na kabhi tha aur na kabhi hoga. Is tarah se nahi end ho sakta humara saath. Tumhe Shimla nahi jaana na. Tum decide Karo. Jaha bhi jaana hai. Main bas tumhare saath rahunga. Kuch expect nahi karunga. I promise. Koi ummeed nahi lagaunga tumse. Bas tumhare saath rahunga. Tumhe jitna time lena hai le lo. Pyaar nahi karna hai na sahi. Bas saath rehne do dost bana ke hi at least. Apne safar me mujhe peeche mat chhodo humsafar bana lo please. Bahut galat hua hai tumhare saath , sabne kiya maine bhi kiya par please ye nahi.

Ma (seeing the scene in front of him) : Hume yaha se chalne chahiye. Bachhe baat karke ek faisle par aa jaayenge. Hum to waise bhi itni galtiyan kar chuke hai ki Akshu se maafi maagne ka haq bhi nahi hai ab humare paas. Abhimanyu use sambhaal lega aur wo Abhimanyu ko. Baat karne dete hai inhe.

The whole gorilla clan left from their.

Man : Kya sach me Akshu Abhi ko bhi chhod ke chali jaayegi. Is baar mera beta jee nahi paayega. Ek bete ko kho chuki hu dusre ko nahi kho paaungi. Hey kanha ji, mere Abhi ki khushiyon ko bacha lijiye. Ek baar phir uski kismat me judai ka gum mat likhiye.

Here in the room :

Abhimanyu was crying very bitterly hugging Akshara. He was not ready to even leave her for a second thinking that once she will vanish in thin air and will never come to him.

Ak : Abhimanyu kamjor kar rahe ho tum mujhe.

Ab : Dikha to na kamjori apni. Maine to dikha di hai. Tum bhi dikha to. Tumhe achhi tarah se pata hai tum meri taaqat bhi ho aur kamjori bhi. Agar is tarah juda ho gayi to kuch bachega hi nahi.

Ak : Chhoda to tumne tha na. Kuch to socha hoga na kaise jeena hai? Waise hi jee lo. Agar mujhe kuch ho jaata to? Agar main wapas jaagti hi nahi to?

Ab : To ek saath do do maut hoti. Abhi aur Akshu ki. Agar jee na paaun tumhare saath to mar to sakta hu na.

Ak : Pagalpan ki baatein mat karo. Tum humesha se jeena chahte to Abhimanyu. Maa ke liye . Tumhe is duniya ko chhodne ki izazat nahi hai. To marne ki baatein mat karo.

Ab : Mere muh se ye labz bhi nahi sun sakti aur khud ke liye maut maang rahi ho. Ye kaha ka insaaf hai. Agar jeena hai to dono ko jeena hai aur wo bhi saath. Abhi aur Akshu ek dusre ke liye hai aur ek dusre se hai.

Ak : Ye sab kehne ki baatein hai Abhimanyu. Sab theek ho jaayega. Tumne dekha hai na. Humara rishta disaster se kam nahi hai.

Ab : Is baar kuch galat nahi hoga. Sab theek hoga. Please ek aakhiri baar. Mat jaao Akshu. Is baar agar koi galti karunga na. Kheench ke do thappad laga dena. Collar pakad Lena aur question karna ki kya bakwas kar raha hu. Mere gusse se bhi jyada gussa dikhana. Akal thikane aa jaayegi meri. But please is baar meri kisi bhi badtameezi ko bardasht mat karna. Aur chhod ke mat jaana. Jaise is baar nikal gayi thi. Us ghar pe tumhara bhi utna hi haq hai jitna mera. Main kahi nahi jaata to tum kyu jaaogi.

Ak : Abhimanyu hum saath nahi reh sakte please.

Ab : Theek hai phir ek kaam karo. Zehar de do mujhe. Khatam ho jaaunga phir chali jaana. Tumhe pata hai kaisa hu main. Gussa karta hu par phir khud hi aake apni galti sudharta bhi hu na. Itna bhi mauka nahi de sakti apne pyaar ko.

Ak : Sirf pyaar se kuch nahi hota Abhimanyu. Bahut saare issues hai humare beech. Trust hai hi nahi. Last time bhi tumne promise kiya tha trust karoge. Tum gusse me meri sunte hi nahi. Ab aur nahi toot sakti.

Ab : Saath tootenge aur saath hi judenge. Jo karenge saath karenge. Kyu ki chhod ke jaana koi solution hai hi nahi. Agar jaana hai to simple sa option diya hai pehle mujhe khatam kar do phir chali jaao.

Ak : Ye zidd bahut hi unreasonable hai.

Ab : Pyaar me reason hota hi kaha hai. Bas ek hi reason hai jeena hai tumhare saath warna nahi. Ek aur baar tumhe kho nahi sakta.

Ak : Theek hai. Main yaha rahungi. Tum mujhe Birla house jaane ke liye force nahi karoge.

Ab : Done kabhi nahi karunga. Tum yaha raho. Main manage kar lunga dono jagah. Dono taraf apni responsibilities dekh lunga.

And just like that Abhimanyu promised a lifetime filled with love without any burden. And they lived happily after that. Because where there is less expectations there is more happiness.

Finished.............

THE END 🔚