راح نستأنف الرواية بخير ونرجع نكملها اني وياكم سوية
بس قبل لا نكمل حابة ادردش وياكم شوية
صار ٧ سنوات لما بلشت اكتب قصص اللي اجا قبلي واللي اجا بعدي .. ابتعد واعتزل واني بعدني مكملة بقصص الواتباد .. تعتقدون ليش ؟ تعتقدون حتى احصل مشاهدات لو لايكات ؟ عمري ما كان هذا همي ولا راح يكون ، نعم افرح لما القصة تنجح بس مو غايتي .. اللي غايته مشاهدات وتعليقات صدكوني فترة ويمل وينتهي اذا ما كان عنده حب وشغف للي يقدمه سواء اكو تفاعل او لا .. سر الأستمرار هو المحبة للشي اللي يقدمه .. اني أحب اكتب احب عالم الكتابة اشتاق اكتب واكعد بعد البارت ع الانستكرام او فيس نحلل ونتناقش احب هالجو .. اني اذا ما حبيت العمل اللي اسوي ما راح ابدع بيه ولا راح اكدر اقدملكم شي .
لما بديت عالم الكتابة كتبت من الملل جان عندي طفل واحد ببيت وحدي ما عندي شي اسوي من الصبح لليل بس اصفن فالتجأت للقصص حتى اقضي وقتي اوقال الملل. خلال هذه السبعة سنوات صار عندي ٣ اطفال ومسؤليتهم تكسر الظهر .. مدارسهم دوامي ، حياتي اختلفت جذريا عن السابق واغلبكم مطلعين ومشاركتكم جزء من حياتي وتقلبات فصولها. فلما تطلب مني اكتب نفس لما جنت اكتب بالبداية مستحيل .. بس مكمله على حسب مقدرتي ايام اكدر اكتب .. اكتب ايام تصعب اكتب .. اتوقف .
اخذت نظرة ع التعليقات كلها سب وشتم ودعاوي صفنت هو الموضوع يسوى حتى اسب واشتم ودعاء ناس تسب والدي ، ناس تدعي عليه اطلك وحالي يصير اصعب حال وناس تحير شتطعن وشتغلط ... طيب ليش ؟
من حقك تنتقدني وتتضايق لإن توقفت القصة وطبعا مو بيدي كنت مضطرة .. بس متوصل لهالمرحلة ؟ تسوى توكف كدام رب العالمين يوم القيامة وانت شايل اثمي علمود قصة !؟ ( رب كلمة لا تلقي لها بالاً تلقي بك في سبعين خريفا في نار جهنم ) الكلمة الطيبة صدقة ، متسوى صدكوني .
على كلاً ... راح نكمل القصة إن شاءالله .. اللي يحب يكمل ويايه على عيني وعلى راسي نقرأ ونتناقش ونتشارك احداث الرواية سوية، اللي ميتحمل ينتظرها تكمل ويقرأها كاملة .
الأن اريد اكولكم شي كلته ع الانستكرام قبل شوي وحدة من بطلات القصة حابة تسوي حساب تتواصل بيه وياكم بدون متكشف هي منو حفاظا على خصوصية القصة وحتى متنبشون ورا بطلة القصة وتهجمون بيتها مثل البقية 🥲.. راح اخليها كدامكم عدل .. بس الحساب حيكون مستعار بأسم القصة .
الحساب حيكون فقط انستكرام من تكمله .. انشره الكم حتى تتوصلون وياهم وتعرفون ردود فعلهم على احداث قصتهم وتعليقاتكم .
اما الأن فد اكلكم شد اوزاركم وخلونا نروح لبيت ام رسول نجيب جدر اللحم عفن يم الوادم 🏃🏻♀️🏃🏻♀️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
