أسرار قدس

الحلقة ٩

اسرار قدس

((( بقلم زينب ماجد )))

الحلقة_٩

لنهه دنيا وچلچل عليها الضباب ،
وماتعرف إبعيدها من اجريبها
(صاحب الضويري)

حطيت راسي على صدره مأمنه .. غفيت بلا تفكير
حسيت بيه يجر الغطى يغطي بيا .. حيل ارتاح كلبي لهالشعور
درت نفسي ولجيت روحي بيه وغطيت بنومي .

لشوية قاد حسيت بروحي متوصخة وتضايقت بنومتي
شلت راسي من الوسادة لكيتو كاعد وعاكس ايدو على راسه وصافن ما نايم : شبيك ؟

تنهد ودحك بوجهي : اتمنى الصار ما ياذيج

- عليش يأذيني ؟

- ما راح اخلي احد ياذيج ما طولج وياي

- السويناه قلط ؟

- ما راح يظل غلط راح نتزوج ونعيش انا وياج بعيد عن الكل

- ولو كضبنا ابو وهب

- لا تخلي بفكرج شيلي

كمت من مكاني اندارلي : شبيج وين رايحة

- فد اروح للحمام

- اوديج

- لا اندل

- لا تفوتين للبيت طبي للبرا

- خوش
مشيت للحمام لكيت دم نازل على رجليه .. خفت
خاف صار بيه شي ؟

قسلت وطلعت خاطر احاجي
عد ما وصلت عده .. استحيت
انا هيج بساع امنته واطيته نفسي وانا لا اعرف جذاب صداك بس اني روحي امنتله بساع من حجه .. يمكن حكي ويمكن لا

اريد احاجي حسيتها صعبة بلساني
دحك عليه : ها

-اكلك خاف صار بيه شي

-انا ادري ما جان لازم اسوي وياج الصار وما يصير بس من شفتج هيج جدامي بطرك الثوب وشعرج مسدل نسيت اليصير وما اليصير وعكلي تيهته

- يعني هسه شلون اني شصار بيه

- متأذية ؟

دحكت بيه العيون تريد تدمع هزيت راسي : اي

- وين الوجع

- ماكو وجع بس اكو دم

فرك وجهه وتنهد : دم عذرية

- يعني شنهو

- انسي اذا ما يوجعج نامي وامني كتلج راح نتزوج وما راح نعيش بهذا الغلط هواي .

ضليت ساكتة
مدلي ايدو : كربي لشوف

اجيت يمه حط ايده وكال : لا تفكرين بكلشي واني موجود امني وغمضي عيونج ونامي ما راح اخلي اي شي ضايكج لو يضوجج وراح احل كلشي وعد

تنهد وهزيت راسي حجه : تثقين بيه

ضليت ادحك عليه : اي فد اني ما اعرفك بس احسك خوش ولد مو عسر