وئام العشق

البارت الثاني

ابو ادهم : يلا باباتي گومي دنيا مغرب ما يصير تبقين نايمه ودروسج شوكت تكمليهم

زينب : اي بابا كمت

_ نزل بابا واني گعدت اتثاوب
نزلت ورا گالبه وجهي شفت ابراهيم گاعد ولا حجيت ويا لان زعلانه عليه

ادهم : شبيها زوزه منو وياها سمعت اكو احد مزعلها لان متأخر عليها

ابراهيم يباوع عليه ويضحك "

- تورطت صار عندي شغل ونسيتها بالمدرسة وصديقي اتصل عليه رحت جبتها

ادهم : لا ليش هيج ابراهيم انت غلطان وعليها انت لازم تخسر ٥٠ الف لزنوبه مال صلح ههههه

زينب : شنو ٥٠ الف ما تكفيني

ادهم : لعد شكد تردين ؟

زينب : گول لأخوك ما أقبل بالصلح اذا مو ١٥٠

ادهم : زنوب مو هواي ولج هههههه

گلبت عيوني بغرور  "

زينب : لا مو هواي قليلات

ابراهيم : يابه مستعد ادفعلج ٢٠٠ بس لا تبقين گالبه وجهج عليه

زينب : تمام متفقين

ادهم : ولكم ليش هيج ليش

دخلت احمد يباوع عليه وسأل "

- خيركم شكو شكلي مبين اجيت متأخر

زينب : هو انت دومك تجي متأخر شنو جديد بالموضوع

ادهم : تخيلوا هاي قزومه يراضوها ب٢٠٠ الف
واني خمسة الاف محد مراضيني شنو سببها

ابراهيم : ههههههههههه

زينب : انتم دوختوني خلي اگوم اجيب كتبي وابلش اقرأ احسن ما اگعد يمكم

_ صعدت اخذت كتبي ونزلت جوا
گعدت ادرس گعد مقابيلي احمد يدرسني
والي ما يگدر عليه نروح على ابراهيم او ادهم
لحد ما تعبت من الدراسه وعيوني يحركني
رفعت راسي من كتاب اباوع لـ ادهم

زينب : تعبت شبيكم ما تحسون راسي نسطر على الاقل خلوني اخذ استراحه شويه

ادهم : گولي تعبت بعد ليش تتعاركين

زينب : مو انتم اذا ما اتعارك وياكم ما تمشون مثل ما اريد اني

ابراهيم : اي ست زينب مو احنا نشتغل جوا ايدج

زينب : ها تريد تخسر بعد فلوس بكيفك اني عادي عندي

ابراهيم : لا عمي هاي كدامكم سكتت بعد اذا افتح حلگي بكلمه تعالو عاتبوني

زينب : احسن بعد تسوي فضل

ام ادهم : يلا يمه الوقت تأخر گوموا كل واحد يروح لغرفته ينام يلا

زينب : ادهم مو تنساني مثل اليوم تعوفني  باب المدرسة انتظرك وتطلع ناسيني مثل بعض الناس نسوني

ادهم : اضربج يا بنتي اسمعج يا جنتي ههههههه

ابراهيم : والله افتهمت اذا انساج بعد بس روحي نامي وخلصينا

_ صعدنا كل واحد راح لغرفته
حضرت كتبي وملابسي و نمت
گعدت الصبح على صوت المنبه
ومثل كل يوم صوت اخواني وهم يتعاركون على اغراضهم هوسه وضجيج  شكد حلوه احلى شي عندي بالحياه
گمت من مكاني غسلت ورجعت غيرت ملابسي
رتبت شعري واخذت الجنطه نزلت جوا

زينب : صباح الخير يا حلوين

احمد : صباح النور اليوم مبين المزاج فول هههههه

زينب : وهاي اجمل بوسة لبابا وماما

ابو ادهم : هههههه هلا باباتي تسواهم كلهم

زينب : حبيبي بابا

_ كملنا ريوك وطلعنا من البيت وصلنا يم الدورية
صديق ابراهيم
نزل يسلم على صديقه

ابراهيم : صباح الخير خويه شلونك شخبارك

سراج : صباح النور هلا خويه الحمدلله انت شلونك

ابراهيم : الحمدلله عال العال

زينب : ابراهيمو مو تنساني مثل البارحه

ابراهيم : يا طلابت البارحه ما تخلص
ما انساج والائمة المعصومين كلهم ما انساج
بس نزلي من سيارة لا فلوس سدت حلگج ولا اعتذار كل هذا ما فاد
لو مزاعل حبيبتي هم كان رضت من الاعتذار
نزلي يلا للمدرسة بسرعه وخلصيني

_ ضحكت عليه اخذت جنطتي و نزلت من سيارة
دخلت للمدرسه

سراج : يا طلابت الاخوات ما تخلص منها

ابراهيم : كلهن مو مثل هل جنيه العندي

سراج : ههههه الله يعينك خويه

حجيت بداخلي وابتسامه مرسومه على وجهي "

- اوف لو اگلك هل جنيه شلعبت بيه لعب من البارحه لليوم اخذت عقلي وتفكيري 

°°°°°°°°°°°°°°°

اميراتي لتنسون التصويت وتعليقات جميله وحلوه مثلكم لعيون ابطالنا الحلوين ياقلبي 💗🦋

يوزر الانستا :  heba_alsaadi04