_ مش مبرر .. كان لحظة طيش ولما أدركنا ده اطلقنا .
_ وبعدين بقي .. إيه الفال الوحش ده ؟
_ يا ابني بأقولك الحقيقة والله .. آخرتها محكمة الأسرة .
_ خلاص يا حاج .. مش عاوز أتجوز خلاص صرفت نظر .
_ أستأذن أنا بقي .
_ يا حاااج .
_ لو عليت صوتك تاني همسح بكرامتك الأرض .
_ حاضر .
_ عاوز إيه بقي ؟
_ يا حاج من بدري بأقولك بحب .
_ مين البنوتة اللي خدت عقلك ؟
_ اسمها طيبة .. في تانية حقوق .
_ وطبعًا مش هاينفع تتجوزوا وهي بتتعلم لسة .. مرفوض يا أستاذ .
_ ينفع تسمعني ؟
_ اتفضل .
_ بابا .. أنا خلاص هأتخرج السنة دي.. وهأبدأ بقي أخبط في الدنيا والدنيا تخبط فيا .. أنا حبيت البنت دي غصب عني والله .. حاولت ما أركزش وحاولت أبعد .. بس كنت كل ما أبعد ألاقيني بأقرب أكتر منها.
_ وإيه اللي حبيته فيها يا عم الرومانسي ؟
_ وجودها .. طيبيتها .. روحها الحلوة ..
_ وجمالها طبعًا .. وضحكتها .
_ أيوة بالظبط كدا .
_ ده أنت واقع خالص .
_ أوي أوي يا بابا .
_ أوي إيه يا ابن الكلب أنت .. ما قولتش ليه من أول الموضوع؟
_ خلاص ما يبقاش قلبك أسود بقي .
تنهد والدي قليلًا ثم قال :
وأنت عاوز إيه دلوقتي؟
_ أتقدملها .
_ كملت .
_ إيه بس يا بابا ؟
_ أنت عبيط ؟ أنت حيلتك إيه يا ابني؟ عاوز تحرجني مع الناس ؟
_ ليه بس يا بابا .. ما الشقة القديمة بتاعت جدو موجودة عاوزة بس تدهن .. وفلوس البوسطة عاملين ٥٠ ألف جنيه.. والخطوبة قول سنتين وهأشتغل في شركة وأحط مرتب الشركة علي مرتب الصيدلية يبقي عندي ١٠ آلاف جنيه غير طبعا الألف بتاعت التكليف.. هأخد منهم ٢٠٠٠ مصروف والباقي نجيب بيه اللوازم لحد ما تكمل .
_ ده أنت حاسبهم بقي .
_ أيوة يا بابا تقديري حلو يعني إن شاء الله هلاقي شركة مناسبة .. ها قولت إيه ؟
_ علي ...
_ وافق بقي .
_ أنت عارف يعني إيه جواز ؟ مش معناه إنك تقعد مع حبيبتك في الحلال ورومانسية وبس شكرًا كدا .. ده معناه مسؤولية واستقرار وبيت لازم يتأسس ويتبني صح .. تفاهم ما بينك وبين زوجتك .. حب يقوي الرابط اللي هو الجواز .
YOU ARE READING
طيبة يا علي
Romanceأسوأ الأمور هو أن تفقد الثقة فيمن تحب .. تفقد الشغف والحب والاعجاب به .. فتبحث في مساوئه .. والاتهام بالخيانة هو الحجر الذي يهدم الاستقرار .. فبعدها لا ينفع الندم .. علي وطيبة وذكريات الحب التي تلوح في الأفق .. ستصبح مجرد ذكريات حين يغادرا عشهما بع...
الفصل الحادي عشر : مشوار الألف ميل يبدأ بخطوة!
Start from the beginning
