Game Over [Completed]

Extra [2nd life]

Kyu သူနဲ့တွဲတာ ၄နှစ်။ Kyu ဘက်ကပဲစဖွင့်ပြောခဲ့တာဖြစ်ပြီး သူက ဒီအတိုင်းလက်ခံခဲ့တာ။ Kyu ဘက်ကချစ်ပေးပြီးနောက်ပိုင်း အဆင်ပြေမယ်လို့တွေးခဲ့ပေမယ့်....

"သူ့အတွက်အစားထိုးဖို့သက်သက်ပဲ''

Kyu ပါးပြင်ပေါ်ကျရောက်နေတဲ့မျက်ရည်တွေကိုဆွဲသုတ်ပြစ်လိုက်သည်။

ဒါနောက်ဆုံးမင်းအတွက်မျက်ရည်ဖြစ်ရင်သိပ်ကောင်းမှာ။

"ကျွီ''

Kyu ပွင့်လာသော တံခါးကိုကြည့်လိုက်ပေမယ့် ဝင်လာတဲ့သူကတော့ဂရုမစိုက်။ အဲ့အစား
ရေချိုးခန်းထဲဝင်ဖို့ပြင်၏။

"Yoshi! "

Kyu ခေါ်လိုက်မှ Yoshi ခြေလှမ်းတွေရပ်တန့်သွားသည်။

"မင်းငိုထားတာလား ''

နီစပ်စပ်ဖြစ်နေတဲ့ဖြစ်လုံးတွေကိုကြည့်ပြီး Yoshi ပြောလိုက်တာဖြစ်သည်။ ထိုအခါ Kyu အောက်နှုတ်ခမ်းကိုအတင်းဖိကိုက်ရင်း အကြည့်လွှဲထားလိုက်ရသည်။ ငိုချင်နေတဲ့အချိန် အဲ့လိုမေးခံရရင် ပိုငိုချင်တယ်ဆိုတာ သဘာဝလို့ထင်ပါတယ်

Kyu ဘက်ကဘာမှပြောမလာမှ Yoshi ဆက်မမေးတော့ဘဲ Bathroomထဲသို့ဝင်ခဲ့သည်။

********

Yoshi ရေချိုးရင်း တွေးမိတာက

Junkyu အပေါ်မတရားရာများကျသလား။ Yoshi အတွက်တော့ Junkyu ကနားလည်ပေးနိုင်ဆုံးလက်တွဲဖော်တစ်ယောက်။ ဒါပေမယ့် နားလည်ပေးလို့မရတဲ့ထိ မတရားနေတာလား။

Yoshi ဆက်မစဥ်းစားတော့ဘဲ အပြင်ထွက်လာလိုက်တော့ Hoodi ထဲ မြုပ်နေတဲ့ ကုတင်ပေါ်ကကောင်လေးက ပေါင်ပေါ် Laptop တင်ပြီး Drama ကြည့်ပြီး ငိုနေပြန်ပြီ။

Yoshi စိတ်ထဲအနည်းငယ်တော့ရှင်းသွားရသည်။ ဒီတိုင်းငိုတာမဟုတ်ဘဲ Drama ကြည့်ပြီးငိုတာလို့ပဲ ကောက်ချက်ချလိုက်၏။

Kyu Drama ကြည့်နေပေမယ့်လုံးဝစိတ်မပါနေ။ အမှန်အတိုင်းပြောရရင် ငိုရမယ့်အကြောင်း ပြချက်ရှာရုံပဲ။

ထိုစဥ် Yoshi က ဘေးတစ်ဖက်လာလှဲတာကြောင့် Kyu မျက်ရည်တွေသုတ်ပြီး

"အိပ်တော့မလို့လား''

"အင်း ဒီနေ့တော်တော်ပင်ပန်းတယ် ''