ပုံနှိပ်စာအုပ်ရော ရေးစာအုပ်တွေရော အက္ခရာတစ်ခုပဲတပ်ထားတယ်။ ' A 'တဲ့။ အဲ့မမ နာမည်ကိုခုထိမသိသေးဘူး။ သူ့အိမ်ကလူတွေခေါ်ကြတာ ကာကာတဲ့။ ဘာနာမည်ကြီးလဲနော်။ ခဏနေတော့ အတန်းထဲက မိန်းမကြီးတစ်ယောက်ကလှမ်းမေးတယ်။
" အလင်္ကာသျှင်းရဲ့ မောင်လေးလား" တဲ့။ ဒါဆို နာမည်က အလင်္ကာသျှင်း မလို့ 'A'ဆိုတဲ့ အက္ခရာလေးတွေတပ်ထားတာပေါ့။ အဲ့မိန်းမတွေမေးတာကို မကြားသလိုလုပ်ပြီး အတန်းဆီပြန်ပြေးလာခဲ့တယ်။ မူကြိုအတန်းရှေ့ရောက်တော့ အင်္ဂလိပ်အက္ခရာ သင်နေတဲ့အသံကြားရတယ်။ ' A ' ကနေ ' Z ' အထိ။
အတန်းထဲရောက်တော့ နာမည်မတပ်ရသေးတဲ့ ကျွန်တော့ စာအုပ်လေးတွေအားလုံးရဲ့ထိပ်မှာ ' Z ' ဆိုတဲ့ စာလုံးလေးတွေ တန်းစီရေးလိုက်တယ်။ အိမ်ရောက်တော့ မေမေ့ကို သွားပြောတယ်။
" မေမေ! သားကိုနာမည် ပြောင်းပေး"
မေမေက ကျွန်တော့်ကိုအရမ်းချစ်တာ။ ကျွန်တော်က ပေါက်စီကိုဘဲဥပြောရင်တောင် ဘဲဥအနှစ်က အသားလေးတွေသွပ်ထားတာ အရမ်းမိုက်တာပဲ စားချင်စရာလေးလို့ထောက်ခံတဲ့သူ။
အဲ့နေ့ကစပြီး ကျွန်တော့်နာမည် ' မဟူရာရောင်' ကနေ ' မဟူရာဇက်' ကိုပြောင်းခဲ့တယ်။ ကျောင်းမှာတော့ ဆရာမတွေကိုမုန့်ကျွေးလိုက်ရတာပေါ့။ ဘေးအိမ်က အစ်ကိုကြီးပြောတဲ့ စကားလုံးလေးတွေ ကျွန်တော် ပြန်သတိရလာတယ်။
မင်းနဲ့ပဲ စပြီး မင်းနဲ့ပဲဆုံးမယ်...။
တစ်ခြားတစ်ယောက်ဆိုတာ မရှိဘူး...။
မင်းက ကိုယ့်ရဲ့ဘူတာစမှတ်ကတည်းက ပါခဲ့တဲ့သူမဟုတ်ပေမဲ့ ခရီးဆုံးဘူတာအထိ လိုက်ပါခွင့်ရှိတဲ့ တစ်ဦးတည်းသောသူပဲ...။
နောက်တော့ ကျွန်တော်သိခဲ့တယ်။ အဲ့အစ်ကိုကြီးကလွဲနေခဲ့တာ...။
အဲ့မမရဲ့ နာမည်ကအစဆိုရင် ကျွန်တော့်နာမည်က အဆုံးပဲ... ဟုတ်တယ်မလား။
ဘူတာရဲ့ စမှတ်ကတည်းလည်း မမပဲ...။
ခရီးဆုံးထိ အတူလိုက်ပါခွင့်ရှိတဲ့ တစ်ဦးတည်းသောသူကလည်း မမပဲ...။
ကျွန်တော့်ဘဝရထားမှာ တစ်ခြားမည်သူမှ ထပ်စီးခွင့်မရှိ...။
YOU ARE READING
Before AND After
Random"မဟူရာဇက်ဆိုတာ ခင်ဗျားယောကျာ်း...အဲ့တစ်ခုတော့မြဲမြဲမှတ်ထား!" -မဟူရာဇက် [ Mahuyar Z ] " မောင့်မိန်းမက အရင်ဘဝတုန်းက ကုသိုလ်တွေအများကြီးလုပ်ခဲ့ပုံပဲနော်၊ ကံကောင်းပြီး ဒီဘဝမှာ မောင့်ကိုပိုင်ဆိုင်ခွင့်ရတယ် " - Z ------------ "မဟူရာဇက္ဆိုတာ ခင္ဗ်ားေယာက်ာ္...
Intro & Character Description
Start from the beginning
