"ဒါဆို ကျွန်တော်နဲ့စကားခဏပြောမလား။ အရေးကြီးကိစ္စမဟုတ်ပေမဲ့ မနက်ထိကျွန်တော်မစောင့်ချင်တော့လို့ပါ"
Minho ခေါင်းငြိမ့်လိုက်၍ အိမ်ထဲသို့ဝင်ရန်ဦးဆောင်လိုက်သည်။
မည်သို့ပင် အရေးကြီးကိစ္စမဟုတ်ဟုဆိုစေ၊ Jisung ၏မျက်နှာထားနှင့် လေထုအခြေအနေမှာ ပုံမှန်အတိုင်းပါပဲဟုဆိုရလောက်သည့် အနေအထားမဟုတ်တာကြောင့် Minho အပေါ်ထပ်အင်္ကျီကိုခပ်သွက်သွက်ချွတ်ကာ အိမ်ရှေ့ခန်းဆိုဖာတွင် Jisung နှင့်အတူဝင်ထိုင်လိုက်သည်။
ညသန်းခေါင်အချိန်ဖြစ်ရကား အိမ်အနီးအနားပတ်ဝန်းကျင်မှာလည်းတိတ်ဆိတ်နေချေပြီ။ ပုစဥ်းအချို့အော်မြည်နေသံနှင့် နာရီလက်တံရွေ့လျားသံတချပ်ချပ်မှလွဲလျှင် Jisung ၏အသက်ရှူသံတိုးလျလျကိုသာ ကြားနေရသည်။ ထိုသို့တိတ်ဆိတ်ငြိမ်သက်မှု၏ကျယ်လောင်သောအသံက Minho ကိုအကြောင်းရင်းမဲ့စွာ စိတ်လောလာစေပါ၏။
"ပြောလေ Jisung။ ကိုယ့်ကိုဘာပြောစရာရှိလို့လဲ"
စကားတစ်ခွန်းမှမဆိုဘဲ သူ၏ကိုယ်ပိုင် လက် ၂ ဖက်ကိုသာ ပထမဆုံးအကြိမ်တွေ့ဖူးသကဲ့သို့ အထူးအဆန်းသဖွယ် စိုက်ကြည့်နေသည့် Jisung ကို ဆော်ဩလိုက်တော့ ဖျော့တော့တော့ပြုံးကာ သူ့ဘက်လှည့်လာသည်။
"ကော်ဖီသောက်မလား။ ကျွန်တော်ဖျော်ပေးရမလား"
"အိပ်ခါနီးကော်ဖီသောက်လို့ဘယ်ဖြစ်မလဲ အချစ်ရဲ့"
"ဟုတ်သား။ ကျွန်တော်လည်း အူကြောင်ကြောင်နဲ့။ ဒါဆို ကျွန်တော် နွားနို့ဝယ်ထားတာရှိတယ်။ ရေခဲသေတ္တာထဲကထုတ်ပြီး နွှေးပေးမယ်လေ"
နေရာမှထသွားရန်ပြင်နေသူကို လက်ကောက်ဝတ်မှဆွဲကိုင်၍ တားလိုက်ကာ နေရာတွင်ပင်ပြန်ထိုင်စေလိုက်သည်။ ပုခုံးကိုသိုင်းဖက်လိုက်ပြန်တော့ သူ၏ရင်ခွင်ထဲအလိုက်သင့်မှီခိုရင်း သက်မဖွဖွရှိုက်၏။
"Ji.. ကိုယ်မင်းကိုချစ်တာသိတယ်မဟုတ်လား"
သိုင်းဖက်ထားသည့်လက် ၂ ဖက်ကို ခပ်သာသာအုပ်ကိုင်လာရင်း သူ့အမေးကို ခေါင်းငြိမ့်အဖြေပေးသည်။
YOU ARE READING
NON-BETA || MinSung FF ||
ספרות חובביםAn OMEGA who hates ALPHAs fell for a BETA at first sight. But the BETA he fell for, is he really a BETA? Nah, I don't think so. Let's find out together.
