"နာမည်က Lee Minho၊ မွေးသက္ကရာဇ်က ၂၅ ရက် ၁၀ လ ၁၉၉၈၊ ကျောင်းဝင်အမှတ်က 03B-149၊ မေဂျာက စီးပွားရေးစီမံခန့်ခွဲမှု၊ နေရပ်လိပ်စာက အမှတ် 325၊ H လမ်း၊ Daegu မြို့။ ဒါပဲ။ ဒါကျောင်းသားကတ်မှာပါသမျှ၊ ငါတို့စုံစမ်းလို့ရသမျှ အချက်အလက်အကုန်ပဲ။"
သူအတင်းအကြပ်စုံစမ်းစေ၍ စုံစမ်းထားသော အချက်အလက်များကို Jeongin ရွတ်ပြပြီးနောက် Jisung သက်ပြင်းတစ်ချက်သာ စိတ်လွတ်လက်လွတ်ချလိုက်မိသည်။ ထိုအချက်အလက်များမှာ သူကိုယ်တိုင်စုံစမ်းသိရှိထားသော အရာများထက် တစ်ချက်တစ်လေတောင်မပို။
"ဟိုရက်ပိုင်းကဖေဖေ့ဆီကကြားလိုက်တာပဲ။ ဒုစရိုက်မှုတွေလျှော့ချဖို့ စစ်ဆေးရေးအဖွဲ့အစည်းတစ်ခုဖွဲ့လိုက်တယ်တဲ့။ မင်းရဲ့လူက အဲ့အဖွဲ့ထဲကများလား။ အသွင်ပြောင်းပြီး လာစုံစမ်းတဲ့စုံထောက်တွေဘာတွေလေ။ မြေကြီးထဲကဘွားခနဲထွက်လာတယ်လို့ထင်ရလောက်အောင်ကို ဘာမှစုံစမ်းမရဘူးကွ"
ထင်ရာမြင်ရာလျှောက်ပြောနေသည့် Seungmin ကိုမျက်စောင်းတစ်ချက်ထိုးကာ ခေါင်းသာတခါခါပြုနေမိသည်။ စစ်ဆေးရေးအဖွဲ့ ဘာညာသရကာအဖွဲ့ စသောအစိုးရအဖွဲ့များဆိုသည်မှာ ဟန်ပြသက်သက်မှန်း ခွေးလေခွေးလွင့်များပင်သိလိမ့်မည်။ လျှို့ဝှက်စုံထောက်စေလွှတ်ရန်အထိ အားစိုက်တတ်သည်ရှိသော် Choi မိသားစုပျက်စီး၍ အဖေဖြစ်သူစီးပွားရေးပျက်သုဥ်းသွားသည်မှာကြာလှရန်ကောဟုလည်း Jisung စိတ်ထဲမှရေရွတ်လိုက်မိ၏။
"ဟေ့ကောင် ဘယ်သွားမလို့လဲ"
ငူငူငိုင်ငိုင်ထိုင်နေရာမှ လွယ်အိတ်ကိုကောက်ကိုင်ကာ ထထွက်လာရန်ပြင်တော့ Seungmin ကလှမ်းမေးသည်။
"ထိုင်စုံစမ်းနေတော့ရော ဘာထပ်ထူးမှာမို့လို့လဲ။ ကိုယ်တိုင်လှုပ်ရှားမှဖြစ်တော့မှာပေါ့။"
"အဲ့ဒီ့စီနီယာဆီသွားမလို့လား.."
"အတန်းဆင်းရင် ငါ့ကိုစောင့်မနေနဲ့။ ကန်တင်းသွားနှင့်ကြ"
သူငယ်ချင်းများမှ တားမြစ်သည့်စကားတစ်စုံတစ်ရာမဆိုနိုင်ခင်မှာပင် ခပ်သွက်သွက်ထွက်ခွာသွားသော Jisung ကြောင့် Seungmin နှင့် Jeongin မှာလည်း "ဒီကောင်တော့ ဆေးမမှီတော့ဘူး" ဆိုသည်အပြင် ထပ်မပြောနိုင်တော့ချေ။
आप पढ़ रहे हैं
NON-BETA || MinSung FF ||
फैनफिक्शनAn OMEGA who hates ALPHAs fell for a BETA at first sight. But the BETA he fell for, is he really a BETA? Nah, I don't think so. Let's find out together.