قسوة عاشق

البارت ٢٤

بقو واحد يرفع والثاني يكبس بالحجي كعدون يتناقشون وساعه صافين وساعه يرجعون عله اصياحهم…

طلع الشيخ وصاح : ام خالد تعاي حضريلي ملابسي بسرعه… وطلع ورا خالد وعمر كلمن الغرفته و مخبوصين .

شويه ونزل عمر لابس دشداشه سوده وغتره لون كحلي… والشيخ يلبس بعكاله وخالد لبس دشداشه بيضه وغتره بيضه وبقو يتفقون شنو راح يحجون ويه العالم

طلعو وراحو للمستشفئ همة وعمامهم للولد الي ضاربه فارس

كعدت ام خالد تدعي وبيبي اصبر عليها… و زهراء اسكت بجهاله… امي تقره قران

بحدود الساعتين دخلو الشيخ وعمر و عمي جابر
ام علي : هايمة شسويتو
الشيخ : والله يمه اتفقنة وياهم ان سبوع و يلمون اعمامهم و نتفاهم ونفض الشغله .

ام علي : والولد شلون صار
الشيخ : صحة وهذه الحجي اتفقون علي من كعد ابنهم

ام خالد : شيخ وابني شلون بي
الشيخ : راحو هسا خالد و وسام يطلعو بكفاله
وجاين ورانه .

- الحمدلله

شويه وفات وسام و خالد و فارس للستقبال احنه طلعنه ورحنه للمطبخ

فات وسام وكال : الجاي يولو
لمار : اي هسة احضره .
كعد يحجي ويه زهراء ويلاعب احمد .
كملت الجايات ونطيته اله… بقينه اني وخوله نحضر عشة لان محد تعشه .

هم رجع وسام ويسولف و يشاقه وبسرعه شمر ميانه
دخلت امنه : وبقت اسلم علي وتسال وتضحك بقيت متعجبه عليها .

جاي يحجون وفات عمر ضرب عله ضهر وسام وكاله : هاي شسوي هنا…  ماكو بس جنت احجي ويه زهراء

انداري عمر : صبيلي كلاص ماي… رحت صبيتله وجبته اله ورجعت لطبخ

رجع كالي دخلي جوه
لمار : والعشه منو يكمله
عمر : دخلي ولا تناقشين خوله و امنة يكملنه

غسلت ايدي ورحت كعدت بصاله .اصفح بالموبايل
ماحس غير عمر دخل و وكف عله راسي

عمر : لمار من يجي وسام ما ادحكج كدامة مفهوم
لمار : ماجنت يمة اني اسوي عشة و هوه راد جاي

بعدني احجي قاطعني : فهمتيني شكلت لماار
- اي اي فهمتك

بقينه نحجي شويه وصاح خالد : عمرررررر

- هااااا خويه هااااا مشئ ويصيح خرب والله تعباااان وراسي يوجعني… شنو بتليت اجيت لهاي الدنيا…