[ မနေ့ကထက်ပိုချစ်တယ် ] Completed [ 2 ]

Vol.2 [ 2 ]

[မနေ့ကထက်ပိုချစ်တယ်]

အချိန်တွေတောင်ကုန်လွန်ခဲ့ပြီ ဝေးကွာခဲ့တဲ့ခုနှစ်နှစ်ဆိုတဲ့အချိန်အတွင်း ယခုလိုမကိုဆေးရုံတစ်ခုတည်းမှာလုပ်ဖော်ကိုင်ဘက်အဖြစ်ပြန်တွေ့လိုက်ရတော့ တိမ်စိုင်ရင်ထဲမှာလွန်ခဲ့တဲ့အတိတ်ကမနဲ့သူ့ရဲ့အကြောင်းတွေကိုပြန်မြင်ယောင်လာမိသည်။

<<<>>>

လွန်ခဲ့တဲ့ခုနှစ်နှစ် သောကြာနေ့ညနေပိုင်း။

တိမ်စိုင်ကျောင်းဆင်းချိန်တွင်ထုံးစံအတိုင်းအိမ်ပြန်ရန်ကျောင်းထဲကထွက်လာစဉ်။

" ဟေ့ တိမ်စိုင်လေး "

အနောက်ကခေါ်လိုက်သံကြောင့် တိမ်စိုင်လှည့်ကြည့်လိုက်တော့ မ ကသူဆီပြုံးပြရင်းလျှောက်လာသည်။

" မ "

" မနက်ဖြန်စနေ့ကျောင်းပိတ်ရက် တိမ်စိုင်မနက်ပိုင်းလောက်အားရင်မနဲ့ဘုရားကိုအဖော်လိုက်ခဲ့ပေးပါလား "

" ဗျာ "

မကနေစ၍ သူနဲ့ဘုရားအတူသွားဖို့ပြောလာကြောင့် တိမ်စိုင်အံ့ဩသွားမိသည်။

တိမ်စိုင်ရဲ့ဆွံ့အနေတဲ့ပုံလေးကိုကြည့်၍ အရိပ်ရယ်လိုက်ပြီးနောက်။

" မနက်ဖြန်စနေနေ့ကို မဘုရားသွားချင်လို့ပါ အဲဒါတိမ်စိုင်မအားလဲရပါတယ် "

" ကျွန်တော်အားတယ် မ "

တိမ်စိုင် မအပြောကိုလက်ခံလိုက်သည်။

နောက်တစ်နေ့မနက် ဦးမာန်ကိုသူငယ်ချင်းတွေနဲ့ဘုရားသွားကြမလိုပြောကာလိမ်ထားခဲ့လိုက်သည်။

ထို့နေ့ကမနဲ့တိမ်စိုင် နောက်ဆုံးတွေ့ဆုံရက်ဖြစ်လာခဲ့သည်။

တိမ်စိုင်နဲ့မရွှေတိဂုံဘုရားမှာပန်းများကပ်လှူပူဇော်ပြီးနောက် မဘက်ကစကားစလာသည်။

" တိမ်စိုင် မ မင်းနဲ့စကားအေးဆေးပြောစရာရှိလို့ မတို့ပြည်သူရင်ပြင်ထဲလမ်းသွား‌လျှောက်ကြမလား "

"ဟုတ်ကဲ့ မသဘော "

တိမ်စိုင် မနဲ့အတူဘုရားပေါ်ကနေတဖက်ခြမ်းက ပြည်သူရင်ပြင်ထဲလမ်းလျှောက်လာခဲ့လိုက်သည်။