داخل شركة الصياد
كان يجلس كل الشباب وهم ينقسمون الى مجموعتين أحدهم كان يجلس فيها عمار ومنذر وحمد معا وبينهم نالا ونورين وعيون منهم من يتحدث ومنهم من يعمل ، وفى الجهه الاخرى يجلس سادن ونجم ونيار وايلاف وناى الذين يجلسون وهم يعملون بلا اهتمام بوجودهم وباصواتهم العاليه الذى يحمل الضيق من قرار صقر..،
حتى طرق الباب ودخل أحد الموظفين وهو يقول بنبرة تحمل الهدوء :- استاذ سادن الاجتماع هيبدا بعد نص ساعه يافندم
هز سادن رأسه وهو يقول :- تمام تقدر تتفضل انت
ابتسم الموظف وهو يغادر من أمامه تحت أنظار نجم الذى استدار وهو يقول بسخرية :- ويا ترى ناويين تخلصوا الرغي ده امتى علشان ندرس المشروع
منذر بسخرية :- والله حضراتكم انتو اللى وخدين جنب .. هو حد قال ليكم اننا عندنا كرونا
ابتسمت نيار بسخريه مماثله له وهى تقول:- لا انت الفيرس نفسه
نظر لها منذر بغيظ وهو يردد بستهزاء :- شوف مين إللى بتتكلم ست خنفساء
نهضت نيار وهى تحاول الأقتراب منه بشر حتى أوقفتها ايلاف وهى تمسك يدها وتقول :- اهدى يانيار ده واحد فاشل سيبك منه
قالت نورين وهى تقف وتنظر لاختها بنظرات غيظ :- انتى يا استاذة ما تتكلميش عنه كدا وبعدين احنا مش بنتكلم مع اشباه القرود
قالت ايلاف بصدمه :- انا يانورين أشباه القرود
هز منذر رأسه بضحك حتى قالت نالا وهى تنهض بجوار نورين مرددا بتأييد:- احنا هنشتغل براحتنا وياريت مفيش حد منكم يدخل
اقترب عمار من زوجته وهو يقول :- اهدى يانالا .. واسكت انت يامنذر .. وبعدين يابنات ده مش حرب ده شغل
اقترب منهم عماد الذى أصبح يعمل فى شركات الصياد وهو يتطلع لهم بزهول من تجمعهم بهذه الطريقة المخيفه واصوتهم العاليه فمن يراهم يعتقد أنهم داخل شجار وليس عمل، قال أخيراً وهو ينظر لهم بتعجب :- هو فى ايه ..؟ وليه اصواتكم عاليه بشكل ده..!
نظر له الجميع بتعجب من دخوله حتى قال عمار بهدوء :- مفيش اى حاجة ياخالى بس مشكله صغيره
قال منذر بغيظ :- لا مش صغيره هما إللى بداو انت مش شايف هما بيتكلموا ازاى
قال نجم بضيق :- والله انت إللى بتتكلم بطريقه مستفزه ومش محترم الأكبر منك ونسيت اننا هنا علشان شغل مش رغى
قال عماد وهو يتطلع لهم بضيق :- انا مش فاهم حاجة ممكن تهدوا شويه وايه سبب الخناق ده ..؟
ايلاف وهى تنظر إلى منذر بغيظ :- ياعمى هما إللى جايين يرغوا مش هيشتغلوا
نظر لها عمار بضيق وهو يقول :- ايلاف احنا مش بنلعب انا وحمد بندرس الملف قدامك وطبيعى منذر ونورين مش عارفين يعملوا حاجة علشان دى اول مره ليهم زيك بظبط
نظرت له ايلاف بغيظ وهى تلوى فمها حتى قالت نيار بسخرية وهى تقف أمامهم :- احنا لو عايزين نشتغل مع بعض زى ماقال عمى يعنى لازم نتشارك كل حاجة ولا ايه
هز عماد رأسه بتأكيد وهو يقول :- نيار معها حق ياعمار لازم تشاركوا الشغل مع بعض مش كل واحد جنب
نجم بسخرية :- لو شايفين انكم مش هتقدروا على شغل زى ده بلاش تشاركوا وتفضلوا امشوا وانا ممكن اقول لـ عمى صقر
