المتمردة وزعيم المافيا (باللهجة الجزائرية)

البارت 27

سامر : ماتطلبي  والو لروحك ؟ ههههه توقعتها مالا هاذ البارتومون راهي ليك  نتلاقاو نهار عرسك ان شاء الله  مالا باي  نبعثلك المعلومات عليه  غدوة 

شاف فيها اخر مرة  وفكلها يديها ورجليها  وخرج شافت فيها ميرا بحقد كبيير  ولحقت باباها تنهدت بحزن ضمت رجليها لصدرها تخزر في الحالة بصمت وحزن كبيير وانكسار من هاذ العايلة اللي ابتلاها بيها ربي ماتخخم فيها ماتتحير عليها 

لميس : ادم  يادرا تكون مصيبتي ولاا انا مصيبتك  وش رايحة تعطينا الايام  زعما رايحة نندم  على هاذ القرار المتهور الي خذيتو ؟؟

قعدت تخمم بزااف اسئلة تخمم كيفاش تتزوج بهاذا اادم اللي ماتعرفوش حتى كيفاش مصور  قاطع تفكيرها التيليفون اللي يصوني  لقاتها صحبتها  

لميس : وي ايناس

ايناس : لمييس وحد الخبر  يهبط السكر ويطلع لاطونسيون  غار روحي كولي حلوة قبل

لميس : افففف صبي صبي لاه من وكتا سمعت انا خبر مسقم

ايناس :  لي كونترول بعد غدوة 

لميس بالعياط : احللللفي بعد غدوة ؟؟ كيفاه هاذا ؟ وكتاه ؟؟  وعلاه ؟؟ وهاذا وين باش تقوليلي ؟؟ 

ايناس : هاذا وين سمعت .... حقا نتي شكيتي بالمدير؟؟  بدلوه

لميس : لالا لاه موش ثم؟؟

ايناس : نن مكانش من هاذاك النهار مبان عليه حتى خبر

لميس : خلينا منو الله لا يردو 

ايناس : ايا باي روحي كشما تحفظي 

لميس : هههه والله مانكسر راسي علابالي بلي ميش رايحة ننجح 

كوبات عليها وتكسلت في الارض حاطة يديها تحت راسها تخزر للسقف 

لميس : افففف  ذاك الزهر كنت حابة ننجح ونتخرج ونتبع قضية مايا  ونوجد السبق الصحفي تاعي وتاعها  ياااربي كون معايا

ناضت راحت ديراكت المراية  تشوف في روحها كي العادة  تقوي في روحها 

لميس : ننجح بربي ان شاء الله ننجح  لازم نولي صحفية مافيهاش  رغم هاذ الزواج نحقق كلشي كنت حااباتو من قبل 

حلت ساكها جبدت كراسها  كشما تراجع وصلها ميساج  كان من عند باباها على شوية معلومات على راجلها المستقبلي  ما اهتمتش بيها اصلا  وكملت تقرا حتان داها  النوم وهي راقدة على الكراريس في الارض

__________________________

ناضت الصباح  هزت تيلفونها تشوف الساعة حلت عينيها على وسعهم كانت روطار تأففت ورمات تيليفونها فوق لاتابل دونوي وولات لرقادها مامبا 5 دقايق عاود صونا  تجاهلاتو المرة اللولة ماحبتش تهز كانت من المطعم صونا المرة الدوزيام هزت 

لميس : امممممم

المدير : لميس كانغراس من اليوم اكي مطرودة  ماتناسبنيش وحدة مهملة كيفك  اي 9.30  كاين اللي يستاهلو البلاصة خيرمنك

لميس : اممم دز معاهم ربي معاك  

كوبات عليه وتأففت ناضت غسلت وجهها ودارت روتينها بالزربة شافت في الساعة كانت 10 روطار بزاااف بزااف الحصة عندها نص ساعة ملي بدات حلت عينيها على وسعهم زربت جبدت قشها  وخرجت تجري لبست سبادريها في ا لطريق

دخلت للونفي بلا احم ولا دستور شافو كامل ناحيتها حتى من الاستاذ  شاف فيها زماان مبعد قاللها ادخلي قعد تشوف فيه وترمش ميش مصدقة  كانت تدير روطار دقيقة مايخليهاش تدخل

الاستاذ: حابة تقعدي ثم؟؟

فاقت على روحها دخلت جاتها صدمة اخرى بعد ماشافاتو قاعد ثم بلعت ريقها 

لميس تمتم : نمي وهاذا وش جاب عزرين جدو هنا هاذا وش خصني  

حكمت بلاصتها في الجهة الاخيرة خلاص  وبقات مركزة مع الاستاذ  مليح مبرونشية  علاجال الامتحان  اللي  مصيرها محصور فيه  مافيهاش خيار يا اما تنجح يا اما تنجح  تكمل مسيرتها وتحوس ع اللي حاول يقتل  مايا تشوف في تصرفات هاذاك اللي كان يخزر فيها ما نحاش عينو عليها ويدو تمسح  على اليد اللي  كانت ضمدتهالو في ذاك النهار  لا ارادي خرجت منها الضحكة كي تفكرت نهار اللي ضرباتو فيه دارو ليها كامل  والاستاذ سكت حطت يدها على فمها  تكتم الضحكة  حايرة كيفاش ماطردهاش الاستاذ 

.........يتبع ♥♥♥

فوط+ كومنت