قسوة عاشق

البارت العاشر

- لا ما جان عدنه شي ... وجيرانه ام احمد هم ماقصرت باتت يمنة

- اي والله. يمة الله ينطيه العافية

…………… عمر…………
كمت سبحت وصليت ونزلت اتغده يم الحجيه
لكيت الحجيه ام جابر يمنه اصير مرت جدي

- ها الله يساعدهم ... هاي منو يمنه ليوم
- الحجيه : هلا يمة هلا بعمير  شلونك حبوبه
- الحمدلله حبوبه شلونج
- تعال احبك يمة
- ههههه اني جاي احبج ... رحت الها بوسته من راسها
شلونج حجيه صحتج شلونه… .
- الحمدلله حبوبه انته شلونك
- والله حبوبه مخلصها من البيت لدوام
- الله يساعدك يمة

: حاجيت امي يمة ابنج ميت من الجوع
ام خالد : اي يمة هسة اصيح زهراء  تحميلك غداك
- عجل البنات وين
- راحن هنه ونازك يشترن ملابس اخذهن فارس

الحجة ; عجل وليدي ماتخليني اشوفلك مريه
- حبوبه جا اني ضايعة عليه النسوان بس اني ماريد
- يا ليش حبوبة
- والله بعدني مالكيت الي عله مرامي
- ياحبوبه هم تريدلك مريه لهدمتك لخبزتك
اضل دوم هجي 
- البركه بام خالد حبوبه
- ياحبوبه امك هم تعبت

- ها يعني شتكولين نشوف مره لبوية
ام خالد : ها ولك تريد تعرس رجلي عليه

- اني ماعليه يمة الحجية تكول امك تعبت…  ونتي تعرفين الشيخ رويحته خضره…  يريدله المره التدفي فراشه

الحجيه : يايا فلك اني شوكت كلت هجي
كتلك عرس لا تعب امك
- ههههههههههه هاحجيه ختلفنه
- لا يمة لا صدكين هذا وليدج من وحده يحجي
ام خالد : هههههه ادري بي حبيبه ماعليج منه

عفتهن وكمت للمطبخ تغديت
للعصر بدلت وطلعت ويه جماعتي ... بس ماتاخرت
رجعت من وكت ... واتصلت عله لمار وبقيته نحجي

لمار : مرت الايام واني وعمر دائما عله تواصل
بحيث هلشي صار عدنه عاده ... ماعرف الي يجمعنه شنو ولا فكرت مرة شنو هذا الي بينه ابد
كل الي اعرفه تعودت ماكو يوم يمر بدون عمر وبدون اهتمامة
وشغلي بلشت الناس تنعجب بخياطي ... وحسابي صارت  تجي هواية متابعات ... ومن ضمنهم ولد
وهذا الشي كلش جان زاعج عمر .

عمر بي صفه حب التملك يريد كلشي اله و يغار من كلشي غيرته مرات احسه تخوف ...  ورغم اني ماعندي شي ...  بس اخاف حيل من غيرته

بعد فتره جاي نحجي اني وعمر وجاب سيره دوامة
وكال هلمره راح التحق ع الحدود
- ليش
- هاي بعد اوامر اجتنه هيج لازم انقل و هناك ماكو تغطيه ولا نت

- متكدر متروح
- لا هذا دوامي ماكدر اتركه
- مو تركة بس يروح احد مكانك
- لا مايصير ... لا ليضل بالج ماكو شي.… 
وكل مايصيرلي مجال واحصل نت او تغطيه راح اطمنج عني
اني خبرتج خاف تجي ايام ما اكدر احاجيج حته تعرفين السبب
- اوووف ... يعني اله تروح
- يولو ليضل بالج ماكو شي 
- ان شالله.…  وشوكت تلتحق
- باجر
- ونزولك شوكت بعد اسبوع
- لا عمر عفيه شنو سبوع
- يحيلي عجل شسوي هذا دوامي ... واني اتواصل وياج ماراح اخليج
- ان شالله.

نمنه بهذا اليوم بس جنت حيل خايفه وبالي يم عمر
دوامة ع الحدود وماكو تغطيه ... ولا اكدر اتواصل ويا

واني تعودت علي مايمر يوم بدونه وبدون ما اسمع صوته ...

عمر : جنت محتار شلون راح اتواصل ويه لمار ... وتغطيه ماكو و ماعرف دوامي شكد راح يطول

ثاني يوم  كعدت احضر روحي لدوام حته التحق
اتصلت عله لمار حته اخبره اني رايحة وبقينه نسولف وراها ودعته ورحت

لمار : كعدت عله اتصال عمر ودعته وراح ... احس روحي راحت ويا بالي يمة ولا اخذت راحة بهذا اليوم

مرات الايام عاديه واحسة باهتة بدونه
وره ٥ ايام اتصل عليه شفت الاسم عمر ماصدكت عيوني ... احس بفرحة مو طبيعية 

عمر داومت اربع ايام و يوم الخامس يلا كدرت انزل نزلت واول شخص خابرته من صارت عندي تغطيه لمار

حاجيته واحس بفرحه مو طبيعيه جنت كلش مشتاق الها وهيه هم مشتاقتلي بحيث اول ما سمعت صوتي بجت .
.
.
.
.
.
.
.
. يتبع