"جزاء حبي لك"
البارت لْـ11
للكاتبه:سجى المالكي
___________
اسر-رجعت من مهيمن للبيت كعدت ويا العائله وراهاا صعدت لغرفتي تصفحت بالموبايل لان رنس ممتصله بالنت ضليت منتضرهاا واحاول اهدئ نفسي حتى اعرف اعترفلهاا ومنا هي زعلانه مدري شلون حراضيهاا
.
زفرت بضيق-شنو هاي ياامي كلت ماريد ازوج شنو اجباري
امهاا-لا يوم مو اجباري بس الزواج ستر
-يمه شايفتني مفضوحه اسم الله وتكولين ستر
ضربتهاا بخفه-ولج خبله العمر يمشي ورجال الاجاج ابن عمج يعني نعرفه تربيه ابوج احسن من الغريب مانعرف اصله من فصله
-ومنو كلج احب ازوج كرايب
-ليش منو كلج ننطيج للغربه وانتي تعرفين انتي محجوزه لمرتضى
-اي مو اني سلعه بالسوك وانحجز
-زين كليلي انتي رافضه الزواج لو رافضه ابن عمج
-رافضه الزواج
-ليش ياامي قابل وين مودينج وكل البنات البعمرج ازوجن
رنس باوعت لمى-مو هاي لوله ممزوجه
امهاا-اي غير فاهيه ومراضيه تزوج
رنس-اني هم ماريد شنو تجبروني
-ولج يمه اسمعي كلامي وقبلي
كامت-يوم فدوا لاتضغطين عليه البيه مكفيني باجر امتحاني وكافي عليه التوتر تجيني تكولين قبلي بالزواج من ابن عمج والله ابوي ربى وهو خوش تربيه لان ابن عمي
بحده-وشبي ابن عمج
-مابي شي اصلا خوش ولد بس اني سادس مو مال سالفه زواج ياخي قدروا طالبه وعليهاا ضغوطات
-خل تفيدج لدراسه من تعنسين يالفاهيه
-عاد اصير دكتوره واللي شهادتي مو اخذ واحد راسه مربع اسمه زوجي ويتحكم بيه
شمرت لكوشه بوجهاا-خب امداج
ضحكت-لتضوجين مامي ترا لاحكه عل الزواج ولتخافين مااعنس
-اووفف ياربي بليتني بثنين بنات فاهيات وميردن زواج يردن يعنسن والناس تتشمت بيهن
رنس-يوومم كافي لخاطر ربج شعلينه بالناس
-بعدج زعطوط ماتفتهمين كلامي
-هل كلتيهاا زعطوط ف شلون زوجيني
امهاا بسرعه نزعت الشبشب وشمرته عل رنس ورنس ركضت وضحكت وراحت لغرفتهاا تلهث من الركض كعدت عل جربايه وتمددت وتفكر بكلام امهاا سحبت نفس وجرت الفون من يمهاا وشافت اسر متصل عليهاا ومراسلهاا شافت الرساله ومجاوبت لان بعدهاا ماخذه موقف من ذاك اليوم
YOU ARE READING
جزاء حبي لك
Short Storyاذكر تلك الايام والليالي التي قضيناها معاً ما اجمل تلك الضحكه وذلك الصوت الجذاب الذي اوقعني في حبك ما هو ذنبي؟" روايه بقلمي انا سجى المالكي °°الروايه حقيقيه °° لا اسمح باخذ فكره الروايه غير مبري الذمه
