"جزاء حبي لك"
البارت التاسع....
للكاتبه:سجى المالكي
__
رنس-يوم جديد واليوم عندي امتحان احياء، حضرت جنطتي وكتبي وكعدت بالمطبخ اشرب قهوه واراجع لماده، منتظره الخط يجي دخلت لمى
-هلا صباح لخير
رفعت راسي-صباح النور ،شعجب كاعده؟
-مادري شبعانه نوم وكلت انزل اتريك، الجو حلو اليوم
-اي صح جو شاعري ....وضحكت
كعدت مقابيلهاا-احمم رنس
-خير؟!
-صايره اتصالاتج باسر هوايه
-اي عادي نسولف ونقضي وقت سوى
-بس ترى بالاخير اسر غريب
-لمى لاتفتحين هذا لموضوع حاجين بي قبل
-اي اعرف بس غير انصحج
-لتخافين اني رنس مو حي الله
سمعت صوت هورن سياره الخط ،خليت كوب لقهوه عل طاوله و كمت لبست جنطتي
-حروح باي
-الله وياج
طلعت من البيت واني افكر بكلام لمى وشبيهاا هي مشدده ويايه صعدت بالسياره
نازك-هلا شو الوجه مكلوب يستار
زفرت بضيق-لمى
-شبيهاا
-نفس سيره مال اسر
-اي حقهاا تخاف عليج غير تريد مصلحتج
خزرتهاا-شايفيني نايمه بحضن اسر
شهكت-عزااا لعزاج ولج تردين تسويهاا
ابتسمت-كبوررر شبيج صدكتي
-بنات هلوكت كلشي يطلع منهن
-حبي انتي هم من بنات هلوكت
-لا عيني يما اني شريفه عفيفه
-واحنه شنو بنات ليل
وسعت عيونهاا-عزاا رنس لسانج شبي اليوم
-ندري مزاجي خرب وكمت احجي اشكال
-دسكتي يول وعوفي اسر ولمى عل صفحه ونطيني حل اسئله الفصل، سؤال الرابع
-اوف حتى نسيت الماده
-صايره حساسه ترا مكلتلج شي لمى شكو كلبتي خلقتج شسوتلج البنيه لو تتعززين علينه
-نازك سكتي خل اقرا
-اوويي عيني اقري
ابتسمت بهدوء وراجعت الماده، وصلنه للمدرسه نزلنه اني ونازك ودخلنه للقاعه مر الدرس الاول طبيعي والدرس ثاني بلش الامتحان كدرت اجاوب عدا كم سؤال نسيتهن خلص الامتحان كمت طلعت للساحه افتر واكل جبس وافكر شلون اعترف لاسر بمشاعري وشنو رده فعله اذا عرف، تنهدت بحسره
أنت تقرأ
جزاء حبي لك
Short Storyاذكر تلك الايام والليالي التي قضيناها معاً ما اجمل تلك الضحكه وذلك الصوت الجذاب الذي اوقعني في حبك ما هو ذنبي؟" روايه بقلمي انا سجى المالكي °°الروايه حقيقيه °° لا اسمح باخذ فكره الروايه غير مبري الذمه
