جزاء حبي لك

الاول

روايه قصيره لكن حقيقيه ...

"جزاء حبي لك"

البارت الاول....

غير مبري الذمه الينسبها لاسمه"

......
تصويت +متابعه للحساب +تعليق بين الفقرات ❤️
_______

طلعت من القاعه ورحت كعدت بمكاني المعتاد
انتظر جلال يخلص الامتحان

فتحت فوني اتصفح بي بالاخبار والمنشورات فززني صوت جلال

-هاا يالسجاج طلعت اول واحد من عمنك حافظ الماده ومضبط امورك مو مثلي ابو ابويه نسمط

ضحكت-اقرا اني مو مثلك مكضيها لعب ودياحه عجل واحد اذا مايقرا شنو مستقبله؟ "

كعد يمي وزفر بضيق
جلال-شخلاني ادخل قانون يااخي ماينبلع هي كوه وفوكاها معقد المواد جافه

اردفت-عل اساس اني طايقه هي المواد جافه

-امشي خل نكوم ناكل لگمه لان الدكتور منذر لعب بينه جوله بهاي اسئلته المدري منين جايبهن اني حي عل الصلاه ماراح انجح

كمت واخذت سجلاتي
اردفت -امشي نتغدا اني جعت

جلال-يلا لعد

طلعنا من الكليه ورحنه لـ مطعم قريب عل الكليه اكله طيب واحبه واتردد اله بين فتره واخرى

تغديت ويا جلال وكلمن رجع لبيته
كبل ذبيت نفسي عل جربايه لان تعبت مانايم من امس بسبب الامتحان

ماحسيت عل نفسي الا لمن سمعت صوت اذان المغرب

-اهووو شلون نسيت ماصليت الظهر شلون بيه

كمت واني استغفر الله غسلت وجهي وتوضيت وصليت

"أسر
طالب كليه قانون عمره 21 سنه
طوله 178 وبشرته حنطاوي ملامح وجهه حلوه وهادئه "

ام اسر-هاا يمه شوكت كعدت

لميت سجاده الصلاه-توني كعدت وصليت

-شلونك بالامتحان اليوم

-الحمدلله سويت العليه وقريت وحليت الاعرفه والباقي عل الله

-الله يفتحها بوجهك وليدي

- فدوه لگلبج، يمه اني رايح اقرا ولمن يجهز العشا صيحيلي لان جوعان

-تدلل حبيبي

رحت لغرفتي وبلشت اقرا رغم الماده ما احبها بس اجبر نفسي اقراها

كملت الماده وتعشيت ورحت اتصفح بالفون وراسلت جلال

جلال-يول دنزل هاي اللعبه حلوه وتونس بيها عاد تقضي وقت

-بربك بنص الامتحانات والضيم وتكلي لعبه انت خبل لو براسك شي

-هاي شبيك نغير مود احسن من القهر بالدراسه

-من نخلص الغضب عود انزلها

جلال-دنزلها هسه نلعبها نص ساعه وامسحهاا قابل شخسران

أسر- لا ماريد انزلها خليني هيج شكو منزلها اني شكول الالعاب

جلال-شكد سخيف لعد تبقى بالتعقيد مالتك

نترت- ياتعقيد ليش الامتحانات تعقيد؟شبيك يول

زفر- أسر هسا شراح تخسر لو تنزلها وكتلك نص ساعه وامسحها ماراح تاثر عل الامتحانات

قنعني انزل لعبه لودو
ولعبتها اني ويا

وصراحه حبيتها وظليت اللعب ويا للوحده بالليل
وبعدين رحت نمت ،

كعدت رحت للكليه امتحنت ومشى اليوم بالروتين المعتاد
...

جلال-هاا اسر شو انت كمت تكلي خل نلعب لودو

ضحكت-خب انت شيطان خليتني اتعلق بهاي اللعبه شنو بيهاا سحر

-هي حلوه وتخلي الواحد يتعلق بيها بدون ميحس يلا انزل من الاتصال وتعال نلعبهاا

سديت الاتصال منه ورحت اللعب ويا وتالي بقيت اللعبهاا ويا شباب

شفت بنيه داتشاهد وماتحجي ولا تلعب دزيتلهاا طلب صداقه وانتظرتهاا توافق ورا دقايق وافقت

اسر-مرحباا

-مراحب

اسر-نورتي شنو اسمج ؟"

-اسمي لمى

-عاشت الاسامي اني أسر

-حلو اسمك

-تسلمين

سكتت وماجاوبت عرفتها تستحي ومبين عليها اول مره تحجي ويا ولد

اردفت-لمى شكد عمرج؟

لمى-20

-اها العمر كله اني 21

-اكبر مني بسنه

-اي

بقيت اسئلها وهي تجاوب عل كد السؤال ارتاحيت الها
وهاي اول مره احجي ويا بنيه
بقينا للفجر نلعب والسوالف اخذتنا

لمى شهكت-عزاا صار الاذان شبسرعه

ضحكت-اخذتنا السوالف بس الصراحه السوالف وياج حلوه

-انت هم سوالفك حلوه بس هسه اترخص منك اكوم اصلي وراي كعده الصبح

-اي اخذي راحتج

رادت تروح وكفتها-لمى نصير اصدقاء مو؟

ظلت ساكته وبس انفاسها اسمعهن عرفتها داتفكر

أسر- احمم اذا اكو احراجات او ....

قاطعتني-لا عادي ماكو مشكله اصدقاء اصدقاء

ابتسمت -تمام تصبحين عل خير

-اجمعين

غلقت الموبايل وظليت اذكر سوالفنا وابتسم
كمت توضيت وصليت ونمت .....

يتبع"

اعرف البارت قصير بس كتلكم قبل الروايه قصيره لكن حقيقيه

اذا عجبتكم كلولي حتى اكمل

احبكم "

تصويت لطفاً ومتابعه للحساب