آه ياغرامي والندم..

البارت الثالث والثلاثون

وأبتسم لاطرت على بالي زين ضحكاتها

عديتها وليفه لقلبي وأقرب لي من البعيد

وكل شيء بالدنيا شان بعيني عقب بعدها

ببتدي هالعام وانا وياها من اول وجديد

وعسئ مااكون بيوم من ضمن ذكرياتها

........

عند البنات اللي حالتهم حاله ورغد حاضنه شهد وتهديها

شهد ببكي: مستحيل مستحيل كيف تقدر تسوي كذا بغرام

رغد: ي شهد ياحبيبتي خلاص تعوذي من ابليس وهي بتاخذ جزاها

ربا: الله لايوفقها الحقيره صدق من قال احذر من عدوك مره ومن صديقك الف مره

ريهام: يالله ي بنات الدنيا م تطمن ايش بيكون شعورها

لما تعرف ان اللي تتسمى صاحبتها هي اللي مسويه فيها كذا

رنا: الله يكون بعونها بس ماعليه كلنا حولها

رزان: م كسر خاطري الا عزيز تشوفون كيف شكله

ريهام: يعمري عليه شوفو كيف وجهه

ربا: الله لا يلوم اللي يلومه اخته ي عالم اخته

خالد: عزيز

عزيز: هلا

خالد: ايش ناوي تسوي بغلا ورائد

عزيز: لو جت علي كان ذبحهم على يدي

خالد: وقليله بحقهم

ماجد: وانت ي خالد اهجد لا تقول هالكلام قدامه الواحد بوقت عصبيته وقهره م يميز بين الصح والغلط

وقف خالد ومشى لغرفة غرام وفتح الباب بدون م احد يحس فيه

وجلس قريب لها وصار يناظرها كان يحس بأحاسيس مترخبطه وبدوامات

بس وعى نفسه بسرعه خالد انت ايش فيك لاتنسى انك بس تبي تخدعها مب اي شيء ثاني

بس خلاص اللي جاها يكفيها ماعاد لها حيل لي ولألاعيبي وطلع من عندها

عند دحوم اللي كان رايح بس سمع صوت بكي وقدر يميز الصوت

قرب للغرفه اكثر وصار يسمع كلام شهد ورغد اللي تهديها

ابتسم دحوم وهو يتذكر شكلها بهذاك اليوم وكيف قدرت تلفت نظره وشدته لها

كان يدعي بخاطره لو ماكان فيه احد عندها كان دخل

قدر انه يفتح الباب حاجه بسيطه وناظر وشاف كيف

كانت تبكي بحضن رغد وتبعد تمسح دموعها وترجع تبكي

وضحكتها ربا اللي جوعانه وتبي تاكل وتضحك بوسط بكيها

كان شكلها حلو وقدرت ترسم الابتسامه ع وجه دحوم اللي ضحك من ضحكها

وسمع صوت ماجد وسوا نفسه ينادي ربا

ربا طلعت له: خير ياخي انت ماتخلي الواحد يعرف يواسي

دحوم: انكتمي بس وهاتي جوالك

ربا خبت جوالها ورا ظهرها: خير ايش تبي

دحوم: كنت كاتب بملاحظاتك رابط وابيه الحين

ربا: رابط ايش وليش تكتبه بجوالي ليه م كتبته بجوالك

دحوم: لأني لو طلعت من الموقع اللي كنت فيه بيطير الرابط

ربا: المطلوب اصدق يعني

دحوم: بلا كثرة كلام وهاتي

واخذه منها ودخل بسرعه ع جهات الإتصال وبعد معاناه قدر يلاقي رقم شهد واخذه بسرعه وعطاها

ركب سيارته وجلس ينتظر سعود ياخذ شهد ويقدر بعدين يرسل لها

وفعلا بعد نص ساعه جاء سعود واخذ شهد ومشى وراهم رايحين للفندق

وبعد م دخل غرفته واخذ دش عدل جلسته وارسل لها

دحوم: مساء الخير شخبارك؟

وجلس ينتظر الرد بس م ردت تأفف وبعد ١٠ دقايق وصل مسج وفتحه بسرعه

شهد: مساء النور مين معاي؟

انتظر شوي بعدها قال

دحوم: انتي مرام ولا غلطان؟

شهد: لا غلطان مب مرام

جلس دحوم يفكر ايش يقول عشان يقدر يلفت أنتباهها
وتسولف معاه

دحوم: اهخ يالقهر الله لايسامحها الخسيسه مدري كيف قدرت تسوي كذا

شهد جاها فضول تعرف ايش مسويه مرام بس بنفس الوقت خافت انها ترد فقررت انها تسفهه وماترد

دحوم والله اني غبي اكيد م بترد بس حرام السالفه اللي قلتها كانت تحمس

طفى جواله ولما كان بينام وصله مسج وفتحه بسرعه

شهد: ايش سوت؟

ضحك دحوم بفرحه وكتب

دحوم: الوسخه تكون صاحبة اختي واخذت صور اختي ع اساس انها لها وارسلتها لحبيبها

شهد: حسبي الله ونعم الوكيل فيها الله لايسامحها الحقيره

دحوم: اي والله

شهد: ياخي ليه الناس صايره كذا ليه صارو يخونون في اصحابهم

دحوم: مو كل الناس والله صح فيه ناس مو كويسين بس فيه بعد ناس كويسه

شهد قالت له عن سالفة غرام بس غيرت بالأسامي

دحوم استانس انها قالت له وففضفت عن اللي داخلها

دحوم: ربك فوق وبيحاسبها الله يمهل ولايهمل

شهد حست بنفسها وانحرجت

شهد: اسفه ماكنت ابي اتكلم او اقول هالموضوع بس موضوعك م قدرت اسكت عنه

دحوم: لا ابد ولايهمك والله يرجعها لكم سالمه وبخير يارب

شهد: يارب الله يسمع منك فرصه سعيده ي محمد

دحوم زعل انها تبي تنهي المناقشه بينهم

: وانا أسعد

يتبع.....

اسفه تأخرت عليكم بالبارت بس كان عندي ظروف🤍