وصلو المستشفى وبسرعه طلعو للدور الثاني وهناك لقو الكل هناك
ابو ماجد بعصبيه: كل ذا ياعزيز كل ذا يصير ولا تقول لنا
عزيز: ياعم كنا نبي نعرف الماده ايش عشان نقول لكم
وجدي تعبان ماكنت ابيه يسمع بهالأمور
ابو ماجد: يعني وبتخبية الموضوع خلاص بتكون الامور طيبه؟
عزيز سكت
ابو ماجد يوجه كلامه للكل: شوفو اياني واياكم تسوون شيء بدون شوري او بدون معرفتي بالموضوع
فاهمين!!
الكل: ان شاء الله
جلس ابو ماجد بتعب وبشده: قولو لي اللي عرفتوه
بدأ عزيز يقول له كل شيء
ابو ماجد: وعرفتو مين اللي مسوي كل ذا؟
خالد: اي
ابو ماجد وقف: من؟
دحوم: عندها صاحبه اسمها غلا هي وواحد هنا دكتور اسمه رائد
ابو ماجد: الدكتور رائد ذا ماغيره اللي اعرفه؟
سعود: اي
ابو ماجد بقهر: يسوي كل ذا قدامنا وقريب منا ولا حسينا
عزيز: غرام جتها تشنجات ولاشيء؟
ماجد: اي جتها من نص ساعه وخدروها
عزيز بقهر: مافيني صبر انا ماراح انتظر واكون جالس واشوف اختي كذا تتدمر قدامي
خالد مسك كتفه: تأكد ان كلنا معك وماراح نرضاها لها وبنمسكهم كلهم بس انت اصبر ولا تتهور وتسوي شيء لوحدك
سعود: هذا المهم لازم كلنا نكون مع بعض وماراح نخطي خطوتنا الا بعد تفكير وموافقه منا كلنا
دحوم: نتعامل مع اصحاب مخدرات مب ناس عاديه
ابو ماجد: اقول انثبرو انت وهو انا بشوف للمشكله ذي حل
ابو خالد: بدق على معارفي والجهات اللي بنحتاجها وبأذن الله نمسكهم
وبدأ ابو ماجد وابو خالد يدقون
ومن بين الزحمه كان سعود يناظر غرام بإنكسار وحنين
كثيييير والعبره كاتمها وهو يشوفها رجعت تصحى بس
بتشنجات وكانت تبكي من الألم
ماقدر يتحمل اكثر وطلع من المستشفى وركب سيارته وصار يمشي بالشوارع
وماوقف الا ببودروم بالمدينه اللي جمعته معها بالايام اللي كانت بينهم
راح لبيته وفتح الباب ودخل غرفته وطلع الدفتر اللي كان يكتب فيه
وفتح صفحه جديده وصار يكتب
عقب مصادفته صار كل يوم يمر علي عيد
