وبتولوز ....
كان خالد صاحي بدري هالمره ع اساس بيروح لها بالأول
بعدها يرجع ياخذهم ، طلع من غرفته وكان بيطلع برا الفندق بس قطع عليه مشيه وقوف رغد قدامه متخصره
رغد: لا والله وين رايح؟
خالد: اصبحنا واصبح الملك لله وش تبين انتي من هالوقت
رغد: لا والله كنت بتروح وتسحب علينا ترانا جاهزين
خالد: لا إله الا الله وش يوديكم من الحين صاحيين انتو
رغد: ايه صاحين وبعدين شيكنا على موعد الزيارات لقينا الزيارات مسموح فيها الحين
خالد: اهجدي وانثبري بجيكم العصر وبنروح لها
رغد: وين بتروح انت طيب
خالد: كأن أسألتك كاثره؟
رغد: عادي بس سؤال
خالد: فارقيني بروح بجيكم العصر كونو جاهزين
رغد بضحكه: الله يستر عليك جاهزين من الفجر
خالد: لأنهم خبلات ومامعكم عقول
ومشى وركب سيارته واتجه لكوفي واخذ له قهوه
ومشى بطريقه للمستشفى....
عند البنات....
دخلت عليهم رغد
رغد: بنات تخيلو خالد سحب علينا
ريهام: كيف سحب علينا
رغد: وشو كيف اقول لكم سحب علينا باقي يبي لها شرح؟
رنا: راح؟
رغد: ايه قال بيمرنا العصر
ربا: الله لاوفقكم قلت لكم خلونا ننام
رزان: اخوكم ذا يبي له ذبح
رنا: حن متحمسين زياده عن اللزوم انثبرو نامو ع قولته
بيجي العصر
وراحت كل وحده لغرفتها
بالمستشفى وصل خالد ودخل غرفتها ولقى سريرها فاضي
طاح قلبه وصارت عيونه تدور بالغرفه بسرعه وطلع
وراح سأل وحده عنها وقالت له انو الدكتور اخذها
خالد: وين اخذها؟
الممرضه: تحاليل وكذا شيء
خالد: طيب وين؟
قالت له وراح للمكان وجلس ينتظر هناك
بالسعوديه وخصوصا بالشرقيه كان اول يوم بالعزاء
وناس داخلين وناس طالعين والوضع متعب عزيز كثير
ومتعبه تفكيره بأمه واخته وبكثير امور يبي يتكلم
بس مايدري لمين يتكلم راح على جنب ودق على صاحبه
مشاري: هلا والله بالقاطع
