أمي جنة (رواية ليبية )

أمي جنة 7

#أمي_جنة
الحلقة 7

تركتها لك يالله ووكلت أمري إليك فبشرني بما أريد وبما احترته لي خيرا 

راضية: اليوم نبي نمشي لأمي بنودعها
عمر: ليش تقولي بنودعها قاعدين في ليبيا أمتى ماتبي نجيبك هنا
راضية :أرفعني ليها وخلاص نبي نشوفها وبنبات
عمر: حاضر
راضية: خشت تجهز في دبشها متاع السفرة وجهزت لبتمشي بيه عند أمها وشنطة عمر
عمر:: خش وتيتيلي حتى أنا
راضية: ايه تسدك الشنطة هذي
عمر: ماقصديش عالمشية قصدي على مشيتك لأمك بنمشي حتى أنا وبنديروا جو زي زمان لما نباتوا عندكم
راضية: هههههههه وسهريات في الليل ونهربوا من خالد الكلوط
عمر :ههههههه وتخيلي يجينا توا ويقوللنا شن الديروا هنا
راضية: وتت دبش عمر وركبوا السيارة وخشوا للسور ونزلت راضية وهي تشوف لكل زاوية في الحوش حاسة كأنه آخر مرة حتشوفه خدت الشنطة ومشت دقت الباب وفتحت وخشت أمي أمي
عائشة: من الدار تعالي يارضيوة أنا هنا
خشت راضية: سلمت عليها وخش وبعدها عمر كيف حالك ياخالتي
عائشة: الحمدلله بعد شفتكم بخير
راضية: شن فطرتي أمي
عائشة: اليوم خالتك سالمة ماجتش وماهانش عليه النوض تعودت تجي ديما نفطر أنا وياها
عمر: قعمز بجنب خالته ديريلنا فطور نفطروا مع خويلتي
عائشة: ايه وجيبيلي الابرة قبل نضربها
راضية: حاضر مشت جابت الابرة وخداها منها عمر وضربهلها

شوي وراضية جابتلهم الفطور
عمر: هي تعالي ياخالتي
عائشة: يوم تجيها راضية تفرح ويتغير يومها وراضية معظم أيامها عند أمها وعمر مقدر الشي هذا ومش راضي في خالته تقعد بروحها وعمتكم عائشة تحلف عليه وماتحنت حصلاته زي الولد لاولادها مالقت فيها خير

عائشة: سلم ولدي
عمر: حي عليه يسمعوك خالد وسعد يلزوني وماعاد تشبحوني
عائشة: والله مادام أنا عايشة مافي واحد لازك ولا يقدر يقول معاك حرف 
عمر: ربي يحفظك لينا ويطول في عمرك
عائشة: آمين ويخليك لينا والله هذا وين حسيت بالحياة وفرحت لما خديت راضية: بنيتي مانبيهاش تقعد بروحها من بعدي
راضية: قعدت تبكي بعد عمر: طويل يأمي ماعاد تجيبي سيرة الموت

راضية: طول الوقت تفكر كيف بتخبر أمها إنها بتمشي وبتعيش بعيد عليها وقطع تفكيرهم دق الباب ردوا بالكم تتوقعوا إنهم صغارها لا

عمر: ناض فتح الباب القاها خالتها سالمة تفضلي خالتي
سالمة: سلمك وليدي راضية هنا
عمر: ايه داخل
سالمة: باهي والله اليوم عطلت قلت تو عائشة تراجي فيا

جتهم راضية: سلمت عليها ونقدت عمر من تنفيخ وهدرزة النساوين لأنه واقف ويساير فيها وهي عالقة
خشت سالمة سلمت على عائشة
عائشة: تفضلي ياسالمة توا كيف حطيناه
سالمة: حي عليه نوضت الراجل من فطوره
راضية: لا ياخالتي فاطر في الحوش توا مقعمز يشرب في قهوة مع أمي
سالمة: اها باهي

عمر: راضية
راضية: طلعت نعم عمر
عمر: تبو شي ناقص
راضية: خشت للمطبخ تشوف شن ناقص وصت عليه عمر
وطلع وهي خشت تهدرز مع سالمة وأمها