أمي جنة (رواية ليبية )

أمي جنة 6

#أمي_جنة
الحلقة 6

امي رسمتك ب اجمل صور امي يااجمل كلمه انطقها امي علمتني ان اتمني الخير الجميع دون استثناء فسعادة الآخرين لن تأخذ من سعادتي شي رب ابعد عن أمي متاعب الدنيا؛ ولا تذقها طعم الألم؛ ولا دموع الحزن يارب بحجم سمائك السابعة أرح قلبها وأسعدها وأحفظها لي يارب 🤲🏻❤

استفاقت راضية: على يوم جميل وحياة جديدة ومتوجهة للمستقبل لحياة غير حياتها لعند أهلها مسؤولية جديدة ومسؤولية بتزيد توا بين حوشها وأمها
عمر: خش عليها في الدار صباح الخير
راضية: ابتسمت صباح النور
عمر: وين الرقاد هذا كله حتى من الفطور جاهز
راضية: ناضت وخشت للحمام ولبست وطلعت وهي مبتسمة
اللهم الرضا على ماعطيتنا واللهم الكمال في كل شي ولا تحرمنا من عطائك
عمر: تفضلي يأميرة
راضية: شكرا ياسمو الأمير
عمر :ههههههه تفضلي جلالتك هذا الشاي
راضية: ههههههه شوي وصدقت
عمر: شن ناقصنا حتى مانكونوا أمير وأميرة
راضية التاج
عمر: أمس لابسة واحد
راضية: أنا نفكر في أمي شن الدير زعمك ضربت إبرة فطرت 🥺
عمر: شن رايك في العشية نمشولها
راضية: بجد قول والله
عمر: لا مش بجد ماعاد صار
راضية هذا وأنا فرحت لبنشوفها
عمر: أنتي دلوعة الماما خلاص تو انسيها أمك عندك عيلة تهتمي بيها
راضية :والله ماتوقعتها منك وناضت من بحداها وسكرت على روحها الدار وقعدت تبكي
عمر: قعد يضحك وطلع من الحوش ومشي لحوش خالته دق الباب طلعتله جارتهم سالمة: أنت من
عمر :أنا عمر نبي خالتي عائشة
سالمة: اها أنت راجل راضية مبروك عليك ياوليدي
عمر: الله يبارك فيك ياخالتي
سالمة: بعدتله عن الباب خش خش أنا كنت طالعة بنشوف حوشي ونوليلها
عمر :خالتي أنا جاي بنرفعها معاي
سالمة: باهي لربي بعتلها نسيب يفكر فيها هالمسيكينة والله لتوا كان مش معاها راهو مافي واحد نزل وشافها وروحت
عمر: خش للحوش خالتي خالتي
عائشة: تعال ياسعد جيت
عمر: خش عليها لا هذا أنا ياخالتي
عائشة: عمر وقعدت تشوف يمينه ويساره جبتلي راضية عارفتها ماتقدرش تقعد تو تجيني
عمر: ضحك عليهن الزوز لا جيت بنرفعك قالتلي أمي جيب خالتك
عائشة؛ حقا باهي تو نلبس ونمشي معاك
عمر: تو نساعدك شن نطلعلك ياخالتي
عائشة: والله لتشوفه قدامك نبي رداء وقفطان وشاربة
عمر: مش هلبا عليك رداء وأنتي ماعندك جهد عليه
عائشة: تعودت عليه كل مانطلع نلبسه
عمر؛ ايه باهي هيا خالتي نراجي فيك برا

لبست عائشة وتحزمت بالرداء ولبست فوقها العباية وطلعت لعمر رفعها لحوش أمه وخش والقوا كلهم ملتمين عند مبروكة
عائشة: خشت وراه وناضوا سلموا عليها انخنقت لما شافت الناس الدنيا ملتمة مش حسد بس قهر هي أربعة وعشرين ساعة هي وبنتها في الحوش لا طلعة لا خشة

حنان: مشت لعمر قول لراضية تجي
عمر: شن تبوا فيها اهي جتكم أمها سادكم
حنان: والنساوين لقاعدين شن يبوا في خليقتي مش عشان بيشوفوا حضرة جناب مرتك
عمر: باهي حتى أنا ماشي من غير ماتقولي 😒