#أمي_جنة
الحلقة 1كثيرا ودائما نحبث عن الرضا في الدنيا والآخرة وننسى رضا والدينا فرضاهما من رضا الله
لمتنا في بيت كبير وديما في الخاطر هاجسنااليوم لبعده يوم الجمعة زي مامعروف عند أغلب عائلاتنا الليبية يوم فيه تلتم العيلة والفرح والسرور
نزلت عمتكم فاطمة هي وبناتها وأولادها الزوز ولا كأنه دارت شي أمس ولا ناشرة فتنة
فاطمة: كيف حالك ياعمتي
عائشة: من طيابة قلبها تنسى وماتبيش تحط اللوم على حد كل واحد نيته تخدمه ... كيف حالك يافطومة وكيف حال لبنيات ولوليدات
فاطمة: تعالوا سلموا على جديدتكم
عائشة: تاخد وتسلم وتحط صغار ولدها عاد وينكم ماعاد تجوني ولا تشوفوا جداكم
رنا وجنى: قعدوا يشوفوا لأمهم وفاطمة تفنص
رنا: جت بتنوض
فاطمة: قرصتها وقعمزتها تحت
عائشة: شافتها وماتكلمتش لأنها عزوز كبيرة وتفرح من يخش عليها ويطلع وكان تقول كلمة هني أو هني ماعاد يجوها
نعيمة: خشت تسلم على عمتها وسلفتها شن حالك يافاطمة
فاطمة: عاش من شافك
نعيمة: قرنن روسهن ببعضهن تقول هذا وين شافن بعضهن
وراضية حايسة في المطبخ تطيبلهم القهوة قبل مايمشوا للجمعة والغداء عالنار يبوا بازين ماياكلوشي كان عند أمهم متسبلين بنساوين مايعرفوش يديروه زي راضية
رفعت القهوة وقعمزت شربت معاهم وهما يضحكوا ويبصروا واللبس وتقول ماشيات للمة مش ماشيات لحوش عزوزتهن
نهى: ماما نبي اميه
نعيمة: حي ماجبتيش اميه راضية بالله شربيها
راضية: تعالي نهيوة حبيبتي
فاطمة: تزيد تغيض عليهم عاد نهيوة وحبيبتي وين رنا وجنى في الموضوع
راضية: رفعت نهى عطتها الميه
وخشوا رنا وجنى: عمتي شن الديري
راضية: نعطي في نهى اميه تبوا
رنا: لا
جنى: نبي شوكولاتة
راضية: حاضر بعد الغداء تو نعطيكم حاضر
جنى :حاضر عمتيفاطمة: جنى رنا تعالوا
نعيمة: خليهم يلعبوا
فاطمة: يجوا يلعبوا قدام عيوني وناضت تشوف فيهم تعالوا خشوا قدامي
نعيمة: تعجب خيرها هذي شن زاد عليها تشوف لعزوزتها لاهية تتفرج عالتلفزيون وفايتتهن
ناضت حتى هي بتشوف شن في القت نقاش حاد بين راضية وفاطمة
فاطمة: أنا قديش من مرة نقول بناتي مايحركوش شي في الحوش هذا مش ساد بنت نعيمة اللا حتى من الميه يجيبوهالها لعندها
نعيمة: شن قصدك ببنت نعيمة
فاطمة: عادي كنتي تقدري تجيبيها بروحك لبنتك
عائشة: جت الدبدب بالعكوز خلاص خلاص ساد عار الناس يسمعوا فينا يقولوا كناين عائشة يسمعوا فيه الناس في الشارع
فاطمة: أنا مادرت شي ياعمتي هذي بنتك راضية القيتها تحرك في البنات وتقوللهم شوفوا الطنجرة وين يعرفوا مسكينات الطيح عليهم ينفعني الغداء
عائشة: شافت لراضية طنجرتك شوفيها بروحك ماعاد تحركي الصغار شن طامعة فيهن ماداروها الكبار ولاناضوا من مكانهم وشافوا غدي صغارهم ومشت قعمزت وهي تغلي
راضية: كملت لدير فيه
فاطمة: شبحتلها كله منك ياراضية البلي تو نوريك
YOU ARE READING
أمي جنة (رواية ليبية )
Mystery / Thrillerرواية ليبية تتكلم عن أغلب المشاكل العائلية بين الكنات والحماوات وإلى شن توصل وحقوق الأولاد على أمهم 💔