هبطت لميس هزتلها صاكها ورجعاتولها
لميس : ديزولي قستك
الطفلة : ههه ديزولي !!! تجي وحدة كيفك ماتسواش تقيسني ؟ نعااف الطبقة اللي كيفكم حتى يمسولي قشي نظن فقرك ماسمحلكش باش تديري نظارات وتشوفي الطريق ملييح
ضحكت صحبتها اللي كانت معاها وشافت في لميس باستصغار : ههههه عندك الحق سيرا ماتقدرش حتى تشري طالون يزيد من طولها تقولها بينازة
حكمتها سيرا من طرف السالوبات تشوف فيها بسخرية
سيرا : ههههههه تشفاي على هاذ السالوبات كي كنا نلبسوهم كي كان في عمرنا 5 سنين ؟؟ مزالو عندي يلا نجيبهملك خيرمن يترماو في الزبالة
بداو ناس المطعم يتهامسو يخزلولهم
"ماشي هاذي بنت وزير الخارجية روبيرتو؟؟ "
" ايه هي "
"كانت المرة اللي فاتت هنا مع ادم لوينو "
"وش متكبرة يخي طلبت منهاا لسماح "
"يخي قاستها برك ماكلاتهاش "
كان هاذا الشي تحت انضار اللي كانو في الاجتماع ادم وسراج وايفان واحد ماعرفها منهم بيسك عاطيتهم بظهر ماميزها غار ادم من لبستها واطايها حافظها عن ظهر قلب كان يشوف في سيرا ببرود وقناعها الجديد هاذي اللي كانت تمثل عليه دور البراءة واللطافة
لميس : سمعتو شي يوم على معنى الضرب!!! نقصد ضرب الشوارع .... وراس ما كون ماتتحركوش من توالي نكسرلكم عظامكم خاطر معنديش وقت نجادل بفمي ..... ااااا وبالنسبة لطولي 1.50 مانيش قصييرة نتوما اللي تقولكم نخلات وزدتو الطالون وليتو كيما الزرفات معلاباليش اسكو حابين تسلمو على البوطو ولا تحوسو تمسو السقف نوغمالمون يصنفوكم من فصيلة الحيوانات بلاصتكم في حديقة الحيوانات ماشي هنا
حلو عينيهم في زوج بصدمة من هدرتها نص ناس المطعم ضحكو
سيرا : وقحححة لسانك طوييل بزاااف يحتاج قص علابالك بنفوذي نقدر ندمرك في هاذي الدقيقة بعد مانقول لبابا وتولي بنت الشارع تاع الصح متشردة برا
لميس :وقحححة لاه لسانك قذر هكذا علابالك بلي بقبضتي نقدر ندمرك في ثانية من الضرب وتولي في الاستعجالات وعمليات التجميل في دقيقة يا بنت PAPAha
على صوت الضحك من رد وقصف لميس وهذا اللي زاد من غضب سيرا حكمت صحبتها لميس من شعرها عيطت بصدمة تناسات وجيعة كرشها وهجمت عليها عضتها لميس من يدها خلاتها تعيط وسوطات عليها ا تجبد من الشعر ولصقت فيها
لميس :غار شعري ياوحد الحيوانة هو اصلا قصير مايحتاجش نتف
جا المدير ومايا في هاذيك الدقيقة تحاول تفكها منها تدز فيها تحوس تبعدها ماشي خايفة عليها خايفة ع الطفلة خاطر لميس وتعرفها ماحبتش تروح مزالها تحوس تنتفها وقفت ذيك الطفلة تحوس تخلف ضربتها
لميس :ماحبيتيش تترباي تحوسي ع الشوط الثاني من الضرب يخي !!! ارواحي نعتلك مالا المتشردة وش تدير ياوحد الكلببة
تبسم ادم وايفان عليها وعلى هواشاتها ومشاكلها اللي ميخلاصوش مين يتلاقاو بيها يلقاوها تتهاوش اما سراج ماشاف مع حد غير مولات العينين الخوضر كيما يسميها هو
المدير بصرامة : لميييس تحوسي تزعكي؟؟ (تطردي ) اعتذري منها حاااالا
لميس : لا
المدير : ايه
لميس : لا
...................... المدير : لم
ادم : ااانسة نحتاجوك هنا شنهي هاذا التقصير
هز يدو يشورلها على اساس يناديها باش تدي طلباتهم يحوس ينهي هاذ الخلاف خاطر كون يزيد شوي ينوض هو ثما يحرق المطعم بلي فيه
شافاتو سيرا عدلت شعرها وهندامها ومشات ليه اما لميس بقات تلعن في زهرها وع النهار اللي تلاقات بيه
....................سيرا :كيفاه راك ادم ماشفتكش من
لميس : شنهي طلباتكم سيدي ؟؟
قاطعتها بدون اهتمام شافت فيها سيرا بنظرات يقتلو بقات لميس تشوف في الرجال اللي قاعدين متوالها تستنا في واحد منهم ينطق هدر اللي على جنبها الايمن
*** : جيبيلي بيتزا نابولي ومشروب بارد
بداو الرجال الخمسة يطلبو بالواحد حتان وصلت لادم تستنا فيه يهدر
لميس : وانت سيدي ؟
ماعجباتوش هاذي الكلمة كان يتمنى تناديه بكلمات خلاف يدورو في عقلو
ادم : باش تنصحيني نتي ؟؟
لميس:امم ننصحك بطبق يكون فيه الستاك مطعمنا يقدمها بطريقة مليحة وبنينة
ادم وهو يشوف في لون عينيها :اوكي هاذا طلبي
***: ماكتبتي والو من طلباتنا كيفاه راح تتفكري هاذو كامل
لميس : نتفكر كلش ماتحيرش روحك
**** بحماس :واااو ذاكرتك قوية نحتاجوك معانا و
سكت بعد ماشاف نظرات الشبح الثاقبة بلع كلماتو
شافت لميس نظرات ادم وكيفاه سكت لوخر زادت من استغرابها اتجاهو دارت باتجاه ايفان حلت عينيها على وسعهم متوترة رجعت زوج خطوات للخلف قريب طاحت كون ماحكمهاش ادم استغرب من حركتها المفاجئة وجه نظرو لايفان اللي كان سعيد
لميس في نفسها : نعل *** ماكنتش مستعدة نشوف عينين زروقة
ايفان : وشبيك؟؟ ياك سافا لميس
.......يتبع ♥♥♥
خليولي ارائكم وش تتوقعو يصرا ؟؟
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت 18
Start from the beginning
