شافت فيه بحقد وحزن في نفس الوقت صح ماكانتش تتوقع انو يدير حاجة بصح ع الاقل يعتقلو خاطر مفتش شافت فيه بنظرة خيبة وانكسار طيحت منو النص خرجت من المكتب والدموع لقاو طريقهم
لميس : كللللب رخييسس كنت حاطاتو راح يكون مختلف عليهم بصح كااامل يتشابهو كيفكيف
______________________________
داخل قصر كبيير طرازو روسي كلاسيكي رااقي فخم وبالضبط في وسط غرفة الضياف كانت مجتمعة عائلة لوينو وكانغراس يشايخو وضحكاتهم البريستيجية مالية القصر غار ذوك الزوج اللي قاعدين متوال بعض يارا وميرا اللي ما يأيدوش فكرة الزواج اطلاااقا
شبكت فيروز يديها ببعض متحمسة
فيروز : راح يكون زواجهم على لسان الجميييع.. الصحف.. المجلات... خبر حصري والله يتوالمو مع بعض
سيلفا بعد ماحطت كاس الجو
سيلفا : وي مدام كانغراس فكرة الزواج هاذي تووب وبما انو رانا متفاهمين ميش راح تكون اي مشاكل بيناتنا
سامر : مالا نسميو هاذا اتفاق سيد لوينو!!! ؟؟ لازم نخبر بنتي بالموضوع
الياس : نظن انا وابني نحتاجو وقت باش نهدرو في هاذ الموضوع علابالك ادم صعيب ورفض الزواج شحال من مرة طبعو واعر لازم نسقسيه ونقنعو قبل
سيلفا : ايه صح لازم نتأكدوا من قبولو وقبول بنتكم مسيو سامر
!! يارا : وشنهي مالا على رايي انا
!! سيلفا : واقيلا نتي اللي راح تتزوجي يارا
يارا : بصح خويا وانا مانقبلش باش يزوج بلميس هاذيك سمعت عليها بزاف حوايج ماشي ملاح هي عصبية وهمجية ومتهورة وهربت من دارهم شحال من مرة ميش مناسبة باش تكون من عائلة لوينو
مسحت سيلفا على شعرها باحراج عيط عليها باباها
..... الياس : وشنهي هاذي الوقاااحة يارا وين راح احترامك!! نتي
يارا : وشنهي ؟؟؟ يخي قلت الشي اللي لازم يتقال مانيش حابة نكون منافقة كيما نتووم... يلا كنتو مصرين على هاذ الزواج من هاذي العايلة لاه ماتختاروش ميرا هي مرا عاقلة وناجحة ماشي كيما اختها
ميرا بين شفافها : ههه ع الاقل كاين ف هاذ الدار اللي علابالو بلي لازم انا نكون مرت ادم
فيروز : يارا بنتي لميس ماشي كيما تحسبيها هي ماهربتش حبت تكمل حلمها وحنا مامنعناهاش ِ... وماقعدتش طايشة كيما كانت ولات راشدة وحاذقة ورزينة ضك
الياس : هاذا اللي عجبني فيكم كونكم عايلة متفهمة ومثقفة ماذا بيا نتناسبو
كملو هدرتهم بالضحك والشياخة ويارا تخمم كيفاش تجيب معلومات على لميس خاطر تعرف غا ر اسمها ووش سمعت عليها.... بينما ميرا تفكر كيفاه تنتقم من اختها
____________________________________
في مصنع مهجور في هوليوود
نحا لافاست تاعو اللي كانت مليانة بدم اللي قتلو هاذا وين بقا صدرو عريان بقا يشوف في جثة المدير المطايشة في الارض عذبو اشد تعذيب شوهلو جسمو كاامل وملامح وجهو مبقا حد يقدر يتعرف عليها طيش المسدس اللي في يدو على الارض وهو يستنا في الطبيبة تجي باش تعالجلو يدو
وصلت الطبيبة وهي تحاول ماتشوفش هذايك الجثة حطت صاكها على الارض وخرجت منو وش تحتاج باش تنحي الزجاج اللي مزالو لاصق في يدو باش تعقمها
كانت تحوس تديرلو المخدر حبسها
ادم : ماتحطيهش مانحتاجوش نحي الزجاج برك وعقميه
الطبيبة : بصح الجرح عمييق يحتاج يتخيط ضك يوجعك بزااف بلا مخدر
ادم : ماتحوسيش ديري وش قتلك وخلاص
دار هااذا الشي بيسك يحوس يخفف من الام قلبو اللي وجعو كي. شافها تبكي من ذوك العينين اللي اعتاد عليهم متبسمين ووجه منفوخ بالنوم ماشي بالبكا وزادت عليه نظرة خيبة الامل اللي شافتو بيها قبل ماتخرج لعل وعسى الام يدو تسرق شوي من الام قلبو
دخل عليه صاحبو سراج متبسم ابتسامة عريضة متحمس
سراج : الشبببح الشششبببححح هاهاهاها يا سيد الشببح وقعت في الغرام يا حبيبي ولا شو!!! هههه
ماجاوبوش ادم علابالو بلي يتمسخر ويستهزا وضك يبدا يتمڨعر في الهدرة حكمو سراج من كتفو
سراج : اووو هااذا عشق ماشي غار حب ونخاف يولي هوس وتتغبن هاذيك المغبونة هه مع العلم ماشكيتش بلاك هي اللي تغبنك جمرة حمرة ياجدك
ادم : ماشي كون تبلع فمك تبقى محافظ على سنيك قبل مايريبو خيرلك!!!
نحا يدو وشاف في الطبيبة
ادم ببرود : اخرجي خلاصت خدمتك
خرجت بلاما تزيد دقيقة اصلا قلبها يفيبري في الالف
سراج : ايين الحنان والعطف يالقطب الشمالي المتجمد اي طفلة ماتعرفش تهدر نورمال بكلام معسول!!
ادم : خليتولك ليك... وش الموعد اللي عندي ضك
سراج : بعد نص ساعة عندك موعد شراكة مع ايفان سالفادور المدعو بالثعلب الغرض منها تصدير الاسلحة لالمانيا بصح ادم علابالك بلي اسم على مسمى ثعلب ماكر تاع الصح خوذ حذرك منو
ادم : صحيت كي قتلي مكانش علابالي...نحتاج معلومات ماضيه!! نسيتو خاطر عندي وقت ما اجتمعتش معاه شفيت غار انو كان مغتصِب صح!!
....... يتبع ❤️❤️❤️
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت 17
Start from the beginning
