The Mayor's Paragon

07

Napanguso ako bigla dahil sa sinabi niya. "G-Grabe ka naman sa akin..."

She made a face at me. "Hoy, sa tono pa lang ng pananalita mo, alam ko na ang tumatakbo sa utak mo. Huwag mo ng isipin 'yan, masisira lang ang buhay mo."

"Hindi ko naman gagawin 'yan..." sambit ko. "Saka na kapag desperado na ako magkaanak."

Napangiwi ako noong masama siyang tumingin sa akin. Mas lalo akong napangiwi noong naiinis niyang ginalo ang buhok niya dahil sa sobrang stress.

"Haist naku naman kasi Yña e. Hindi ba pwedeng ibang lalaki na lang? Ako na ang naawa sa'yo. Pulang-pula ang lalaking mahal mo. Allergic ka ba sa berde ha?"

"My Mama said it was okay. My Mama said it was quite alright," pagkanta ko.

Mabilis siyang naglakad papalapit sa akin at napadaing ako noong binatukan niya ako nang pagkalakas-lakas dahil sa sinabi ko. Agad akong napahawak sa ulo kong tinuktukan niya bago siya tinignan nang masama.

"Aray ko ha! Mapanakit ka! Kaya ka walang jowa e!" I yelled at her.

"Mas okay ng wala akong jowa kaysa maging bulag katulad mo! At saka wala ka rin namang jowa ah! Kung makaasta 'to kala mo may jowa, e 'di ka nga mahal 'di ba?" sumbat niya sa akin.

"At least umuuwi siya sa akin."

"Gaga, anong umuuwi sa'yo? Ni hindi nga kayo nakatira sa iisang bahay e," pagsasabi niya ng totoo na siyang ikinainis ko.

"Oo na, 'wag mo ng ipamukha sa'kin! Masakit na!" sigaw ko sa kaniya.

"Ipapamukha ko sa'yo araw-araw para magtanda ka na! Kailan ka ba magigising sa katotohanang hindi ka naman niya mamahalin?" sigaw niya pabalik sa akin.

"Bakit? Ikaw ba siya? Paano mo alam?" parang batang tanong ko sa kaniya at tinaasan siya ng kilay.

Napapikit siya nang mariin sa sinabi ko bago muling napasabunot sa kaniyang buhok. Maya-maya ay napapikit siya bago napahilot sa kaniyang sentido.

"Alam mo, tumahimik ka na lang. Baka mamaya mai-flush kita sa toilet."

"Hindi naman ako kasiya riyan."

Napabuntong hininga na lang siya sa akin bago napailing.

"Alam mo, Yña. Bagay kayo ni Mayor," sambit niya.

Napangiti ako nang malapad dahil sa sinabi niya. I excitedly pressed my elbow on the table before moving leaning my body on top of the table.

"Talaga?" masayang tanong ko.

"Oo. Kasi pareho kayong tanga," masungit niyang saad.

Agad na nawala ang ngiti sa aking labi at napaayos ako ng upo.

"Hoy! Verbal abuse na 'yan, Eli!" nagtatampong sabi ko sa kaniya.

Inirapan niya lang ako bago tuluyang tinalikuran at muling itinuon ang kaniyang pansin sa paghihiwala ng karne. Napanguso na lang ako at humalumbaba sa mesa.

Day off ko ngayon kaya naman ginagambala ko ang kaibigan kong ito. Day off niya rin kaya nasa bahay lang siya at pumayag lang siyang gambalain ko siya dahil may kapalit. I'm going to be her taster today. She told me to taste test her recipes and I immediately agree. Makakalibre rin ako ng pagkain.

"Eli! Dali na! Tell me what to do." Pagmamakaawa ko sa kaniya.

"Ayaw ko nga. Bahala ka riyan. Buhay mo 'yan. Kaya mo na 'yan."

I whined like a child. "Ano nga kasing gagawin ko?"

"Malay ko. Bumukaka ka na lang sa harap niya. Pakita mo 'yong kochie mo para 'di siya magalit sa'yo," aniya.