مريم: تعالوا نتصل على سوساااا اشتقت لها الزفته
جواهر: اف ايوه الحين من يقعد يشوف معي مسلسلات ويتفلسف
فاطمه: هي عند اخوي الحلو الجميل
مريم: بس الصراحه فديت خَلود اجملهم ما شاء الله تبارك الله
جواهر: تصدقون اي اجملهم
فاطمه: يعني مب ان لانه اخوي امدح بس ترا هو طيب وقلبه طيب ما راح يزعل ساره اعرف انا ، صح انه عصبي بس طيب والله
مريم: انا عايشه معاه ٢٤س اعرفه كيف ، بس لو يقلل من عصبيته وضحكت
فاطمه: اي والله اتذكر يقوم ويقعد البيت اذا ما حصل الي يبيه
جواهر: ترى حتى حمد كذا والله مزعجين هالاولاد ، تتوقعون حمد متى يتزوج؟
مريم: تعالوا نختار له بنت تحسون من تناسبه؟
فاطمة: تخيلوا ريمي تتزوج حمد ياربي كذا مثل المسلسلات
مريم: صح تخيلوا كذا حركات وكذا
جواهر: اوب اوب تعمقتوا كثير انتوا مجانين جيبوا شخصيه خياليه
مريم: نبي من الواقع عشان نقارن
فاطمه : ممم عبير بنت عمي طلال
مريم: يمه اذكري الله على حمودي الكتكوت، يا ويلي لو انها ملكه جمال وملكه اخلاق مابيها
جواهر ضحكت: تخيلوا بدلعها وقعدت تقلد عبير؛ حمودي حبيبي تعال هييينا
فاطمه: يعييي اسكتييي
مريم: يلا بتصل على سوسا
واتصلت على سارة و قعدوا يتكلمون معاها فيديو كال و يضحكون ويستهبلون معاها
وصل خالد لبيته ودخل وهو للحين يكح قال في نفسه
الحين هالكحه ما جات الا لما هي جات يعني ودخل شافها قاعدة على الكرسي تسولف ، لابسه هودي و وبنطلون و فاله شعرها على الكرسي
قرر انه يحمحم مع ان هي تحل له بس عشان راحتها
خالد: احم احم ودخل
سارة: طالعت وما عطت اهميه و كملت وقالت للبنات: بنات يلا لازم اروح اشوفكم قريبا يلا باي..
خالد: كنتي تكملين مو لازم سكرين
سارة: اصلا كنت اودعهم لما كنت بتدخل
خالد: انا بنام عندي مسابقه بكرة وراح ، لحقته سارة بصدمه ان كيف بينامون في غرفه وحدة
سارة: اصبر السرير لي ترى؟!؟؟!
خالد: امم اظن هو بيتي؟؟
سارة: انت نام على الكرسي هنا
خالد: والله انا والسرير حبايب انتي الي نامي على الكرسي بكيفك او السرير اوسع من حياتي نامي ما راح اكلك
سارة: انا وانت ونفس السرير ف احلامك
خالد: اجل الكرسي ناطرك
سارة ناظرته بطرف عين وخذت المخدة وحطتها على الكرسي مع بطانيه عشان تجهز مكان نومها
خالد راح انسدح ونام اول ما حط راسه عشان ما يبي يفكر باي شي يزعجه ويخيله حزين ، لانه تعب وهو يفكر
وسارة بعد ما لبست بيجامتها و اهتمت في بشرتها في غرفه الملابس قررت تروح تنام ، حطت راسها على المخدة ظنًا بأنها تقدر تنام بدون تفكير بس وين النوم والتفكير ياكل العقل تفكر كيف تعيش معاه وكيف حياة جاسم بعد زواجها...
صباح جديد على ابطالي الحلوين
في سيارة حمد كانوا كذا قاعدين، حمد يسوق و خالد عنده
و سالم و سعود وراء ، رايحين لموقع المسابقه قبل الوقت عشان يمديهم يتدربون ، وطبعا الاخ جاسم بعد مشارك...
خالد: تكفون نبي مراكز وضحك
سعود: يارب تقول لنفسك مو انا الي بلعب انت ترى
خالد: اي والله لحظه ادراك يعني
سالم: جدي سقف توقعاته واصله فوق المريخ
حمد: اظن اذا انا فزت بيعطيني مليون وضحك
خالد: وانت الصادق انا بس بيعطيني ١٠٠٠ شكله
سعود: والله للمره المليون ليت اسمي حمد
حمد: العواذل لين حكوا
سعود: اسكت بس ما تحترم الي اكبر منك
حمد: الحمدلله والشكر الي اكبر مني عايش مراهقه اكثر مني
كلهم ضحكوا بشده ، و وصلوا لموقع المسابقه و حمد وخالد راحوا يبدلون ملابسهم و طلعوا خيولهم وكان جاسم بعد موجود هناك ويتدرب
وخالد و حمد بعد راحوا يتدربون على الخيل و الحواجز وكذا
جاسم ناظر للعامل الموجود وقال له : سويت الي قلت لك
قال: اي انا يسوي ميه ميه
جاسم ضحك بشر و عطاه المبلغ المالي
( ثروباك ؛ جاسم قبل بيوم خطط و قال للعامل يعطي شي للخيل يخليه يجن وما يركز عشان يخرب المسابقه على خالد ، وقرر العامل بانه يسوي مقابل مال ، و قبل جاسم منه الشرط)
بدأ وقت المسابقه و كان كل متسابق يطلع و يبرز مهاراته و غيره
وجا دور حمد، طلع وهو يبتسم و ضرب الخيل عشان يبدأ وراح الخيل بسرعه و انطلق يطلع مهاراته و ينط فوق الحواجز الطويله و و يدور به حوالين المكان و انبهروا الجمهور من قدره الخيل على تجاوز الحواجز العاليه و في النهايه كان التصفيق سيد المكان
وجا دور خالد، كان طالع وهو حاس بانه خيله مو طبيعي بس قرر يكمل
طلع و سم بالله ، و انطلق هو والخيل و راح نحو الحواجز ونط من اول حاجزين و لما اقترب من الحاجز الثالث جن جنون الخيل و نط بسرعه عاليه لدرجه خالد طار من فوق الحصان و طاح على طرف حاد من الحديد
وتم منسدح على الارض من الاصابه ، كانت الصدمه على الكل حمد ركض بجنون
حمد بخوف: خلوددد خلودد شصار ، رفعه و شاف دمم نازل من عند صدره
سعود و هو يضرب وجهه: جميلل قلبيي طالعني تسمعني؟
سالم من المنظر كان واقف بصدمه بعيد
صرخ سعود نادي الاسعاف بسرعهههه
خالد بتعب: تكفى لا تقولون لحد تكفى
سعود: لا تخاف ما بنقول بس اصحى طالعني
خالد اغمى عليه في لحظته من الدم الي فقده
حمد بخوف: خلوددد خلود شوفني لا تسكر عيونك شوفنيي..
