خزرتها وبقيت گاعد گعدو ثنينهُم ياكلون ويخزرون بيه والله هذني الأثنين ما طبيعيات .
سَفانه :- شلونه شُجاع ؟
.. منو شُجاع ؟
سَفانه :- صديق هذا ألجدامچ .
دحگت بيها تدحگ بـ حِده وأبتسامه على شفايفها أردفت :- مازين ميت على فرگاچ.
سَفانه :- ههههههههههه خطيه .
.. بـ ألقوطيه .
- لا بالجدريه أحسن وگومن طلعني من هنا أحسن ما أبلَش بيجن والقُرأن واصله حَدها يمي ، يا گولو شتريدون يا أتركوني .
.. ليش تريد تطلع مو گلت عاجبني أبقى يمچ ؟.. شنو ألي تغيَر هسه ؟
- هسه بطلت وأريد أطلع لو شبيكُم مبقيني يمكُم أخاف عاجبكُم وجودي .
.. والله لا عاجبني وجودك ولا شي چنك ثور كُل شويه وتثير عليه .
- هسه ألمطلوب مني شنو گولولي ؟
گامت وگفت وأستكان ألچاي بيدها :- نريد ألملفات ألي مكتوب بيها كُل شي يخُص جَــلال .
فتحت عيوني عليها ورجعت دحگت بـ سَفانه متكتفه أردفت بـ عَدم فهم:- مافهمت ..!!
.. نريد ألملفات ألي تخُص جَـلال .
ضحكت قَوي رفعت راسي ورجعت نزلتو أدحگ بـ عيونها :- أكيد تتشاقين مو ؟
أرتشفت من الچاي رجعت رفعت راسها عليه :- ما أتشاقه هذا ألي نريده وبعدها نترُكك ، أساساً أنطينه خَبر لـ صاحبك وننتضر خَبر منه .
هزيت راسي :- خوش فِكره بَس لو أموت ما يدزها .
..لا گلبه يرف على صاحبه ويدزهُم .
- ههههه نحنَ لو واحد منا يموت أفضل ما ننطي معلومه أو نخلي إرهابي يتمشى بـراحتو.
.. حچي يفيدك هذا .
ردت أحچي لو ما أنفتح ألباب ودخل مازن يلهث خزرته وصاحت بي :- أنه مو گايلتلك لا تدخُل ؟
مازن :- نَّارا رجال إيهاب جايين هنا .
.. شنوووو !!!!
مازن :- أي بـسَبب بِضاعه وصايره عركه شكُبراتها ، وإيهاب جامع ألي وياه وجايين ، ومن جِهه جَلال ماكو يعني مَحد يوگفه عند حدَه .
فركت عيونها وصارت تجي وتروح ضربت أيدها بـ ألحايط قَوي :- أااااه أااااه ، ألعن أبو جَلال ألثور وينه هذا ألخ خاتلي بـ دربونه مرعوب خوف من أمداه وأمدى ألي يصير تحت أمرته .
سَفانه :- هَسه شنسوي ؟
ألتفتت عليها عيونها تجدح :- تاخذون ألولد من هنا تطلعوهم بَس لمن ما تهدء الأوضاع تروحون ع ****تبقون هناك وماتطلعون أله يجيكُم خَبر مني فاهمين ؟
YOU ARE READING
غموض الشُجاع
Mystery / Thrillerكل شخص في هذا الكون يٌخبِئ شَخصيتَـهُ الضَعيفة ، المُتألِمة.! و يظهر شخصيتَـهُ القوية.! شًخصيتَـهُ التي تُرعب الآخرين .. طَبع الشيطان .. ليس قابل للإصلاح او المُساعده .. سَـ يُكمِل مَسيرتُهُ في الظلام لا يأمل في قدوم النور ! لقد أعتاد جسدُهُ و روح...
ألغموض_18_
Start from the beginning
