ليالي الجحيم 12:00

part 35

: هممم وياج

:- امشي للمستشفئ ليش وڪِفت ليش دتنزف هواي الڪِشن انملئ دم فدوه امشي

::- هسه يجي حمزه صاحبي

:- سڪِتت واني افرك أيدي بتوتر وخوف وامسح عرك ڪِصته شويه وصفت سياره يمنه نزل حمزه يرڪِض ونزله ڪِوه يمشي

نزلت وصعدت يمه وخلاه بحضني واني امسح بعرك ڪِصته الي بلل شعره لزم شالي وعضاا من الوجع

نزلت راسي وهمست بذانه
:- اصبرر اصبرر جحيمي مبقه شي بقه ساڪِت"

ويون خفت لحد موصلنه وحمزه يغلط ومتوتر ويسوق سريع وصلنه للبيت

بيت عذابي نزله من السياره ونزل يرڪِض بي ماخذا للمستشفئ ماعرف ليش

نزلتَ وراه ارڪِض اباوع للشارع وجانتَ بوقتها هاي فرصتي حتئ اشرد بسس مادري ليش تراجعت ومهون الي ڪِلبي

فتح الباب ودخلنه للشقه غمضت عيوني بتعب وڪِلبي أذاني صارلي سبوع مشاربه الدوه خلاه ؏ الجربايه وهوا بعد فقد الوعي

طلعني حمزه من الغرفه وسد الباب شويه وبديتَ أسمع صوت صراخه

عجييب ليش مراح مستشفى سديت ذاني واهز برجلي متوتره ااموت من هذا الصوت اتخبل

ڪِلشيِ ولا هاي الأصوات وره ساعه هيج يالله طلع وهوا يمسح عرك ڪِصته

حمزه: عينج عليه وسويله ڪِمادات لأن راح ترتفع حرارته راح اجيب دوه وعشه اله ماطول

:- هزيت راسي وهوا طلع ڪِمتَ ودخلت للغرفه أخخ ياهاي الغرفه تعبت بيهااا وخسرت هواي بيها

شفته باقي بس بالبنطرون وبلوزته السوده شاڪِه حمزه وطالع صدره والوشم درت وجهي منه

ماريد اباوعله واتمعن بيِ ولا اريد شي منه اني تعبانه بس ماريد مشاعر اله تنبنيِ داخلي

نزعت حجابي ودخلت سبحت واني اعيد بذاڪِرتي ڪِلشي صارر وياي سبحت وڪِملت طلعت

لڪِيت الاڪِل والدوه ؏ الڪِاونتر واوقات الدوه ڪِاتبيها رجعتَ للغرفه

واني اشوفه يون شربته علاج وهوا فاصل شڪِد تعبني بس ما سويت شي ويا هسه ولا انتقمتَ منه لأنه انسان تعبان حرام عليه

عفته وذبيت حجابي وتمدتت يمه غمضت عيونيِ
اريد انام وجان اسمع صوته متوجع

::- ول يابه روحـــي نسحنت عليج وانتهتَ

تمـرمــرت ، تدمــــرت ، تعذبــــت ، انتهيـــت

:- درت وجهي عليه اباوعله منتهي من الوجع رايحه روحـه ومسنح ودمعه شارده ؏ خده
تقربت منه وبقيت امسح ؏ شعره

::- عذبيني بقربج داوينـي بجرحـــج "

:- واني

::- اضمـــج بروحي منهم