ليالي الجحيم 12:00

part 44

الكاتبه: LARAN❤️

ألليله
مّـاد بالظلـمه شبگتي لطولـكـم
بَـلچـن تَـجـون
راح اغمض اعـيـون رمـدهَ
بَـلـچـي ياخـذنـي النـعـاس لطيفـكـم

عبد الكريـم القصاب..

( part 44الـ)

( ليالي الجحيم12:00)

مهم: لاتنسون التصويت والمتابعه للحساب داده🔴"

يابه هلا وميه هلاا
جماعه التلي يعرفون وضعي وجماعه الانستا
مو بحال انشر بارت بالفتره الراحت ولا هسه بس جاي اضغط ؏ نفسي حتى نخلص القصه قبل رمضان
للي مايعرف نفسيتي حيل تعبانه بسبب عدم تأهلي للوزاري والحمدلله ؏ ڪُل حال ان شالله هل سنه اقدم بعد خارجي ، باقيه فقط انشر ستوري واطلع واطمن عليڪم تلي فـ اتمنى شوي تعذرون

فـ هسه يلا جقوني بوسه قويه محتاجه حنانڪم يغطي روحي ويزود ❤️
يلا زڪطن نعولتج ودفرن الباب ودخلن

.........................
.
.
.
.
.
هوَ العمر مَره واريده وياك♥️!!..

::- احبــج نضر عيني

:- ضميت راسي بصدره وغمضت عيوني تعبانه وهوا يبوس براسي ويسحب شعري بأيده نمت
من التعب مهلوڪه ..

فتره قليله وصحيت ؏ صوت اشهــم

::- ڪعدي بابه ڪعدي جدج طالبج ينطيج امانه

:- فزيت من الفراش وجريت الغطئ عليه مفزوعه شنو شنوو ينطيني

::- ماعرف اتصلو اهلج وهيج ڪالو جدج طالبج ينطيج شي امانه جبيرر

:- هزيت راسي واني ابلع ريڪي ڪمت لميت نفسي بالغطى ورحت ابدل ڪملت وسويت شعري لفيت شعري ولبست الاسود وطلعنه قفلنه الباب وطلعنه

::- ڪون تعبانه من شغله مساع أذيتج؟؟

:- عصرت ايده من المستحى ودنڪت راسي لااا

::- احبـچ

:- مشڪوره ، بقيت اسمع صوت ضحڪته واحنه بالسياره وره فتره وصلنه لبيت جدي والعزاء بعده
منصوب اليوم ثالث

دخلت والبيت بي هوسه نسوان واطفال هل منضر يعصر ڪلبي حيل دخلت بوجهي لغرفه جدو تجاهلت ڪل شي

دخلت وسديت الباب شفته ڪاعد تعبان والڪانيولا بأيده وجهاز التنفس ؏ خشمه اشرلي بأيده ورحت يم رجله ڪعدت ابجي وهوا يمسح ؏ راسي

- امانة 40 سنه راح اسلمها الج

:- شنو هيه جدو

- السبحه سبحه العلم التعلم ڪلشي

:- اخاف جدو

- منين

:- اخاف منها جدو مو ڪدها ثڪيله عليه

- قوي ڪلبج ڪلشي راح تشوفين منها وبيد الله بقت

:- شال السبحه لزمتها حسيتها حييل ثڪيله والدنيه اسودت بعيني حسيت هوا لفح وجهي والباب انضرب