المتمردة وزعيم المافيا (باللهجة الجزائرية)

البارت8

ادم : وش راهي تدير لهنا كي ** نص الليل

بقى يراقب فيها وتصرفاتها تحت عينين هاذيك الطفلة اللي كانت ترجف من الخوف والوجع وهي خايفة لا تكون هاذي هي ليلتها الاخرة فيا لدنيا 

واقفة لميس خارج الطاكسي حاطة يديها على حافة الباب تاع السائق ويدها لوخرا فوق سطح الطومبيل وتهاوش فيه لابسة بيجامة تاع دار بيستي وشورت وفاست فوقها بيسك كانت مزروبة وشعرها الاشقر طايح على وجهها بتمرد كيما مولاتو مانعها تشوف السائق مليح ساقيها كانو بويض بيوضة الحليب كان حجمها صغير كلشي فيها صغير واقفة في وسط شارع خالي واحد مايسعى فيه فاتت الساعة 12 تاع الليل وهي معلاابلها بحد كانت مندمجة مع المهاوشة (شجار) كلي ماعندها حتى حاجة تتلها بيها ميش فايقة بالموقف المرعب اللي راها فيه

حل ادم باب الطومبيل وخرج غلق على الطفلة اللي الداخل وتكا ع الطومبيل ضام يديه لصدرو يسمع لكلام لميس بكل برود وهدوء بانتلو طفلة صغيرة متهورة ماتعرفش تدافع على روحها غار بلسانها

زفرت بنترفيز وهي تسب في الشوفور بكل الانواع واللغات اللي تعرفها

لميس بالعياط : اسمع ياوحد الشايب الموسخ مول السنين الصوفر اغسل فمك المنتن قبل ماتهدر معايا ولا تحاول تخطفني ياوحد الكلب حيواان عديم الانسانية تفووو .......... انا نقلك خويا ضك يقتلني اذا ماعيطتلوش ونتا تحوس تخطفني في هاذا الوقت ماتحشمممش يا المفرطس يا وجه النحس وجه المقزدر ؟؟ ماعندكش بنتك  تخاف علييها ؟؟ يخي حيوان يخي كبيير وجايح  اني قد حفيدتك يا شيبة النار بقاتلك عطسة وتموت قاعد تستصغر مع بنات قد احفادك

لاحظت صمتو ماحكى حتى كلمة كان يشوف فيها بطريقة غريبة كلها شهوة وهو يشوف فيها وفي جسمها وجمالها الفاتن

لميس : طير منا ياوحد الكلب يا......... ولا نقلك ؟؟ اصبر اصبر ماتروح لحتى بلاصة لازم نعيط لابوليس العباد اللي كيفك لازم يتعفنو في الحبس ع الشي اللي ديرو فيه

سكتت بعد ما استوعبت هدرتها جات تكحلها عماتها تفكرت بلي تيليفونها ماشي معاها بلعت ريقها رجعت تحاول تنسيه في هدرتها وتلهيه حتان تهرب

حل الباب وخرج وهو يطرطق في صباعو يشوف فيها بشهوة ونظرة مليانة خبث توجه ليها بدات تخاف منو

لميس بهمس : افف ضك مايجي حتى واحد يساعدني؟؟

كان يتفرج فيها ببرود يسمع في كل كلمة تخرج من فمها كانت تدافع بلسانها وخلاص حاب يشوف ردة فعلها وشجاعتها اللي جذباتو ليه الصباح

لميس : هه حاسب بلي رايحة نبكي ونحللك باش ماتخطفنيش وتبيع اعضائي للمافيا ؟؟ نن عزيزي انا مانبكي مانحلل ديراكت ندير هكذا

قبل ما يستوعب كانت ضرباتو بكل قوتها بكوتبي بين رجليه خلاتو يركع ويتلوا من الوجع ضحكت بفخر ورفعت شعرها بغرور

لميس : هاهو وجهي وابزقلي عليه يلا كان سمعت كلمة بابا في حياتك هاذا هو جزاء اللي يلعب مع لميس كانغ

تبسم ادم شطر تبسيمة عليها صح قوية بصح غبية في نفس الوقت في عوض ماتهرب قاعدة تبلبل فوق راسو ...... تمحات تبسيمتها كي شافاتو ناض وهو مزالو يتوجع

الشيفور : ضك نوريلك ونبرهنلك بلي نولي اب ... متخافيش راح تستمتعي بزااف المافيا تاعنا ماتقساش ع الجنس اللطيف

رجعت بخطوات مترددين للخلف خايفة لعنت الدقيقة اللي ماهربتش فيها

لميس : ينعل المافيا تاعكم ونتا معاها ياوحد ال.................

قاطعها كي حكمها من ذراعها زادت ضرباتو بقوة برجلها لكرشو خلاتو يرجع خطوات لاور ضحك بسخرية عليها وعلى غبائها اللي لضك مهربتش مسح الدم اللي على فمو وشاف فيها

الشيفور : راني نشوف بلي تعرفي تستعملي رجليك مليح ماتخافيش ضك نعتلك كيفاش تستعمليهم في المكان الصحيح

شافت فيه بصدمة من هدرتو ولات ترجف خايفة تحاول تتحكم في روحها الوضع ماشي كيما الصباح خاطر ماتخافش من لابوليس علابالها بلي ميش رايحين يأذيوها بصح العصابات والمافيات تتوقع منهم كللش .. كلشي مباح في عالمهم

حكمت يدها اللي كانت ترجف تحاول تتحكم في صوتها قدما تقدر

لميس : هه حيوان انا مانيش عاهرة ياوحد الكلب المجراب والله وماتخطينيش غير نعيط لابوليس تكمل حياتك كاملة في الحبس

الشيفور بسخرية : هه وباش رايحة تعيطي ؟؟ وقيلا تديري اتصال بصري !!!ماشي قلتي نسيت التيليفون في المركز ؟؟ وانو هاذا هو سبب خروجك من الدار ؟؟ ....... مالا اتعلمي يا الشقرا ماتخبريش الناس بواش ناوية تديري خاطر ماشي كامل نيتهم صالحة 

تبسمتلو بتبهليل أما داخلها كانت مرعوبة شافت حولها كشما تلقا بلاصة تهرب ليها شافت فيه وعيطت على طولها فزعاتو دارت وطلقت الريح لرجليها بصح حنا رانا نهدرو على لميس زهرها ديما عاكسها اعترضو طريقها مجموعة رجال كانو طول وعرض ماقدرتش حتى تحسبهم منظرهم كان يرعب كانو واشمين وهيئتهم تخوف وطولهم الفارع وبنيتهم الضخمة مقارنة بجسمها وحجمها هي كانت كي النملة متوالهم ولات ترجف من الخوف شافت حولها كانو دايرين بيها كل واحد كيفاش يخزر فيها وسيرتو الشيفور اللي كان يشوف فيها بسخرية وشهوة في نفس الوقت

كان ادم يتفرج بعينيه يشوف فيها وردات فعلها عقد حواجبو وهو يدقق النظر في الوشوم المرسومة في يدين الرجال تبسم بشيطانية خاطر كانو رجالو كأنو حياتهم رخصت عليهم وراهم يشريو في الموت وجه نظرو لهاذيك الصغيرة اللي كانت يادوب تبان وسطهم راحت شجاعتها كامل في ذيك الدقيقة ولا ترجف من الخوف

.....يتبع♥♥♥

اراائكم  ؟ 

وش تتوقعو يصرا ؟؟

التفاعل راه ناقص بزاااف يخي ماتخسروا والو والله غار اذا كملتو هكذا نحبسها خاطر مانيش مقصرة معاكم نحطلكم كل يوم 2 بارت وضك رجعو 3