Pas një jave të zymtë ku edhe qielli mbante zi, dielli çau barrierën e bardhë të perdeve dhe ngrohtësia e tij e paqtë depërtoi deri në dhomën gjigande ku mbizotëronte druri. Tingulli i vetëm që dëgjohej, pa përfshirë lojën e erës me degët e zhveshura nga gjethet, ishte papagalli i cili ripërsëriste fjalët e dëgjuara disa ditë më parë nga e zonja:
"Mori fund, mori fund! Si gjithmonë!"
Por ja që ky dialogim u ndërpre në mes nga hyrja e zhurmshme e Anxhelinës e cila si gjithmonë kishte detyrën të zgjonte të motrën gjumashe nga dremitja dy orëshe, ashtu siç qe kthyer tashmë gjumi i natës për sipërmarrësen më të re në treg.
Sapo u afrua të rrëmbente një jastëk dhe t'ia gjuante kokës, telefoni i saj bëri një tingull të padëgjuar më parë dhe një shirit i bardhë u shfaq në mes të ekranit:
FABRICIO SERRA: Të dua!
Puliti dy-tre herë sytë dhe vështroi edhe njëherë me kujdes ekranin tek i cili më pas rrëshqiti gishtin për të shkruar kodin, duke u futur kështu në labirintin e mijëra mesazheve të shkëmbyera mes së motrës dhe yllit spanjoll të futbollit...
Pas 1 ore...
-Zogëz mëngjesi, zgjohu se të ka sjellë Anxhi parajsën në duart e tua!,-shkelmoi derën me këmbë pasi duart i kishte të zëna nga tabakaja ku gjendej mëngjesi për të motrën.
Kjo e fundit fërkoi sytë dhe shtriu krahët, e lumtur që ia kishte dalë të bënte 5 orë gjumë pas një kohe shumë të gjatë.
-Ti je parajsa ime,-u shpreh falenderuese 28-vjecarja teksa pinte një gllënjkë nga lëngu i luleshtrydhes.
-Mos uro kaq shpejt sepse do të më mallkosh pasi te dëgjosh axhendën e sotme,-Anxhelina u vendos në të djathtë dhe filloi të lexonte me një zë monoton,-Mbledhje me ata të firmës së ndërtimit në oren 10, kontroll stafit, kontroll nga inspektoriati në 11:30 si dhe..,-afroi letrën afër syve gjoja për të lexuar më mirë,-Ah, mesazh "Të dua" nga Fabricio Serra.
Gota i ngriu në dorë kurse lëvizjet e fytyrës nuk i kontrollonte dot. Herë shokohej nga fakti se e motra e kishte zbuluar, herë harkonte buzët nga mesazhi i ëmbël i atij njeriu edhe më të ëmbël e menjëherë ngrysej sërish kur rikujtonte ngjarjet e kohëve të fundit. U gëlltit për të fituar kohë pastaj ngriti sytë për tu përballur me vështrimin e rreptë të Anxhelinës i cili ia bëri të qartë se miu ishte zënë në qark kësaj radhe.
-Do të të tregoj gjithçka...
YOU ARE READING
Vetëm një mesazh
RomanceVetëm një mesazh i mjafton Brunës që t'i kthejë pas kujtimet e aventurës dashurore më te papritur në jetën e saj. Shumë ujëra do të tronditen, por a do ta marrin përsëri formën e enës fillestare?