"ဘက်တီ"
ဝီလီယမ်က မျက်မှောင်ကြုတ်ပြီး သူ့လေသံက ထက်ရှ ပြတ်သားနေသည်။
"မင်းရဲ့အမူအရာက ဘယ်လိုတွေ ဖြစ်နေတာလဲ? မင်း ကျင့်ဝတ်တွေ ပိုသင်ယူဖို့ အိမ်ပြန်ဖို့လိုတယ်လို့ ငါခံစား နေရတယ်။ မင်းရဲ့အမူအကျင့်တွေက ဒီလိုတရားဝင် ဧည့်ခံပွဲ တွေအတွက် အဆင်မပြေဘူး။”
ဒါကိုကြားတော့ ဘက်တီ ထိတ်လန့်သွားပြီး
"မဟုတ်ဘူး မဟုတ်ဘူး ဝမ်းကွဲအကို ! ညီမက သူမနဲ့ နောက်နေတာပါ…”
ဘက်တီသည် ဤကဲ့သို့သော ဇိမ်ခံပွဲကို တက်ရောက်ခြင်းဖြင့် ရှားရှားပါးပါး အမေရိက၏ နေရာအရပ်ရပ်မှ အထက်တန်းစား လူတော်များ နှင့် ပေါင်းသင်းခွင့် ရနိုင်သောကြောင့် ဤအခွင့်အရေးကို မဆုံးရှုံးချင်ပါ။
မုရှောင်းရှောင် က အေးစက်သော ရယ်သံ တစ်ခုကို ပေးလိုက်သည်။
“နင့်ဟာသက ငါ့အတွက်တော့ ရယ်စရာ မဟုတ်ဘူး။”
ဝီလီယမ်သည် ဘက်တီ အား "တောင်းပန်ပါ" ဟု မပြောမီ သူမ၏ မျက်လုံးကို ကြည့်လိုက်သည်။
ဘက်တီ က ထိုစူးရှပြီး အမိန့်ဆန်သော အကြည့်မျညးကြောင့် မှိန်ဖျော့သွားရသည်။
“ငါ… ရည်ရွယ်ချက်ရှိရှိ လုပ်ခဲ့တာမဟုတ်ဘူး… တောင်းလဲ မတောင်းပန်ချင်ဘူး။ ဝမ်းကွဲအကို ၊ အကို့ရဲ့ဝမ်းကွဲအစ်မက ဘယ်သူလဲ။ ဘာလို့ အပြင်လူကို ကာကွယ်ပေး နေရတာလဲ။ ရတယ် နင်တို့အားလုံး ငါ့ကိုမကြိုက်ရင် ငါထွက်သွားလိုက်မယ် ဟုတ်ပြီလား"
သူမဆက်နေပါက မုရှောင်းရှောင် ကို တကယ်တောင်းပန်ရတော့မှာမို့ အမြန်ထွက်သွားဟန်ပြင်လိုက်သည်။
ဘက်တီ ဆုတ်ခွာရာတွင် အနည်းငယ် အလျင်စလိုဖြစ်ပြီး ပန်းကန်များကိုင်ဆောင်ထားသော စားပွဲထိုးဖြင်: မတော်တဆ ဝင်တိုက်မိသွားသည်။
“အား –”
ဘက်တီ က သံကုန် ဟစ်အော်ကာ ကြွေမွပြီး ပေရေနေသော ၀တ်စုံကိုစိုက်ကြည့်ရင်း စားပွဲထိုးကို ပြစ်တင်ကြိမ်းမောင်းကျိန်ဆဲသည်။"ဒါက ဝတ်စုံအသစ်! ဒါက ဘယ်လို အမှိုက်ပန်းကန်မျိုးလဲ။ အရမ်းရွံရစရာကောင်းတယ်။ အဲဒါကြောင့် ငါ တရုတ်ဟင်းလျာတွေကို မုန်းတယ် - အရသာက ဆိုးရုံတင်မကဘူး၊ အကျည်းလဲ တန်တယ်။ တကယ်အားဖြင့်တော့ အမှိုက်သာသာပါပဲ။ ခွေးတောင်မစားဘူး!"
YOU ARE READING
ချစ်ခြင်းဘီလီယံ 3 ခေတ္တ ရပ်နား ( Billion of Pampering Only For You 3 )
RandomThis Novel is not my owned. I am just translate it to Myanmar .(Unicode +ZawGyi) All Credits give to the owner . I don't own any creations . All creations go to original author and Eng translators. ချစ်ခြင်းဘီလီယံ 3 ငယ်ပေါင်းကြီးဖော်တွေဖြစ်တဲ့ သ...
အပိုင်း - ၃၆၆
Start from the beginning