تأففت من طريقته في السخرية لكن حقا ليس وقتها يا غبي...
" بابا راه مقلق كي طولتو عيطلو وتفاهمو ما تدخلونيش بيناتكم "
سمعت قهقهته الغريبة ...من أين له هذا المزاج في الضحك والسخرية ألا يفترض أن يتوتر ويرتبك ...أم أن الرجال لا يواجهون هذه المشاكل ؟؟
سألته متعجبة
" علاش راك تضحك ؟؟..راك تدير فالروطار "
رد
" الروطار على واش ؟؟"
" على الكورتاج "
" تاعمن ؟؟"
زممت شفتاي بضيق من كلامه الآن لما يتظاهر بالغباء هذا ليس وقت مزاح ..
قلت بجدية ..
" حبس التمسخير وعيط لبابا وخف ارواح شوف شحال راهي الساعة راح علينا الحال "
" جامي كنت سيريو في حياتي كيما اليوم "
" ما فهمتش !..راك من الصباح تتمسخر "
" إسمعي يا بنت الناس ...كاين صوالح لازم يكملو قبل ما يبداو "
" هه ...راك شارب شي حاجة!؟"
"شربت وي...مي المرار برك !"
" إهدر وش كاين راك تلعبلي على المورال "
" نعرفك من 3 سنين جامي حسيت روحي صادق معاك كيما اليوم على هذا راح نقولك كلش "
" إزرب قطعتلي قلبي "
"أنا ما زدمتش فيك غلطة في الطريق النهار لول ...وما عاودتش تلاقيتك في الجامعة صدفة ...وما سلكتكش من هذوك اللي حبو يضربوك بصكو كنت جايز برك "
" ما فهمتش !"
"كلش كان مخطط له ، يعني مكاش صدفة كلش عن قصد "
" شفتني من قبل وتبعتني ؟؟"
" لا "
" درتهم بلعاني باش تقدر تهدر معايا ؟"
" إيه ولا !"
" كيفاش ؟"
" درتهم باش ندير فيك واش راني ندير اليوم ؟"
" نتزوجو ياك "
" لالا ... !!'
YOU ARE READING
لم تكن صدفة! ( قيد الكتابة )
Short Storyآخر ما أتذكره من ذلك اليوم كيف تصنمت ناظرة للجدار بعد أن أغلق الخط في وجهي دون تفسير .. يليه دخول أمي وأبي وتساؤلهما عن سبب صمتي ... وبعدها شجار ضخم بينهما بعد تأخر الموكب وفوضى عارمة لضيوفنا الذين فهموا أن الزفاف تم إلغاؤه وان الفتاة الحسناء لأول م...
1 | أول يوم ..
Start from the beginning