ကြက်သားကာလသားဟင်းအပြင် ငါးရံ့ဆီပြန်ဟင်းနှင့် ငရုပ်သီးခြောက်ကြော်အပါ တို့စရာများပါသည့် ထမင်းဝိုင်းက ခံတွင်းမြိန်စရာ။ ယနေ့တွင်လည်း သင်္ခါတစ်ယောက် သုံးဇလုံအောက်မလျော့ခဲ့ပေ။လူကြီးများအချိုတည်းနေကြချိန် အခွင့်ကောင်းယူ၍ ငှက်ပျောပင်များအောက် မြက်ဖျာခင်းကာ အနာယူနေသည့် ဝဿန်က သင်္ခါ့ဗိုက်ဆီလှမ်းကာ အင်္ကျီကိုလှန်လိုက်သည်။ ကောင်လေးက သူ့အား အူကြောင်ကြောင်ဖြင့် ပြန်ကြည့်လာခဲ့လေ၏။
"မင်းဒီတိုင်းသာစားနေရင် ဝလာလိမ့်မယ်"
"မဝပါဘူး"
"အိမ်မှာဆို အလွန်ဆုံးမှနှစ်ဇလုံထဲမဟုတ်လား"
သင်္ခါ နှုတ်ခမ်းကိုသာစေ့ထားပြီး ဘာမှပြန်မပြော။ ဝဿန်ကဆက်၍ ဗိုက်သားပြင်ကိုပွတ်သပ်ရင်း...
"အစားပုပ်တဲ့ဗိုက်လေးပဲ..."
"ခါ..."
"ဟမ်"
သင်္ခါ ဝဿန့်လက်ကိုဖမ်းဆုပ်၍ တားလိုက်လေသဖြင့်...
"လူလာလို့လား"
"ဟင့်အင်း"
ပတ်ဝန်းကျင်ကို လှည့်ကြည့်နေသည့်သူ့ခေါင်းအား ကောင်လေးက ပြန်ဆွဲတည့်လေသည်။
"ဒါဆို..."
"အိပ်ချင်တယ်"
ခါးအား ဖွဖွသိုင်းဖက်လာ၍ လည်ပင်းကြားကပ်ကာ အသက်ရှူသံဖြင့် လည်တိုင်ကို တိုးတိုက်စေသည်။ ဝဿန့်လက်က အလိုအလျောက်ပင် ထူထဲထဲဆံသားကြားရောက်ရှိသွားပြီး အသာပွတ်သပ်၍...
"အိပ်လေ...ကိုယ်လည်း ခဏမှေးမှာ"
ထမင်းဆိပ်တက်နေသူသင်္ခါက ခွင့်ပြုချက်ရသည်နှင့် ဝဿန့်ပေါင်ပေါ် ခေါင်းလှဲချသည်။ ခါးအား ခပ်ဖွဖွဖက်ထားသော လက်ကိုမူ မလွှတ်လိုက်ချေ။
-
ခူးသိမ်းပြီးသော ငှက်ပျောသီးများတစ်ဝက်ကို အကြော်လုပ်ကာ ထုပ်ရောင်းမည်ဖြစ်ပြီး ကျန်တစ်ဝက်အား ဒိုင်သွင်းလိုက်ကြသည်။ ရက်အနည်းငယ်နေပြီးသည့်နောက်တွင် စီမံခန့်ခွဲမှုတို့လုပ်ကာ အလုပ်တို့ကိုအပြီးသတ်လိုက်သည်။ အကြော်အတွက် ကုန်ကြမ်းများကိုလည်း တစ်ခါတည်းစီစဥ်ပေးထားခဲ့လိုက်သည်။
JE LEEST
အဆွေခင်ပွန်းလောင်းနဲ့အတူ စီးပွားရှာဖွေ(completed)
RomantiekPub - Oct29, 2022 Start - Oct27, 2022 End -Jan 6 2023
part 16
Start bij het begin
