ကျီဖန်ယင်း၏လက်ထဲမှ အထုပ်များသည် ဘယ်လောက်မှမကြာသေးခင် ချန်ယွမ်ရှန်းဆီသို့ ရောက်ရှိသွားခဲ့သည်။ သူသည် ကျီဖန်ယင်းကို အထဲသို့ ခေါ်ဆောင်သွားပြီး ကားထဲရှိ ကျန်အထုပ်များကို သူ့အဖော်များသယ်သွားရန် ထားခဲ့သည်။
ကျီဖန်ယင်းသည် အိတ်နှစ်လုံးလောက် သယ်ဖို့ တွေးထားပေမဲ့ ယောက်ျားလေးများက ပစ္စည်းများကို ခွဲသယ်လိုက်ကြတာကြောင့် အိတ်များသည် သူမ မသိလိုက်ခင်မှာပဲ ယူသွားကြပြီဖြစ်သည်။ ထို့ကြောင့် သူမသည် သူမ၏လက်ဗလာများကို အိတ်ကပ်ထဲသို့သာ ထည့်လိုက်သည်။
ထို့နောက် ဟဲရှန်ကိုတွေ့ကာ နှုတ်ဆက်လိုက်သည်။ သူသည် အေးအေးဆေးဆေး ခေါင်းညိတ်ကာ တုံ့ပြန်ပြီးနောက် အစားအစာဖြင့် ထွက်သွားခဲ့သည်။ ထိုအချိန်တွင် သူမသည် ချန်ယွမ်ရှန်းဘက်လှည့်ကာ "မင်း ဒီမှာ အလုပ်သင်လုပ်နေတာလား"ဟု မေးလိုက်သည်။
တကယ်တော့ အတော်လေးသိသာပါတယ်။
စုန့်ရှီးယွီနှင့် ဘလိုင်းဒိတ်တွေ့ဖို့အတွက် ချန်ယွင်ရှင်းဟာ အတော်လေး ချမ်းသာတဲ့ နောက်ခံရှိသူ ဖြစ်ပါလိမ့်မည်။ ချန်ယွမ်ရှန်းသည် ကောင်းမွန်သော မိသားစုမှဖြစ်သည်။ သူသည် ကျန်းနင်၏အဒေါ်ဖြင့် ပို့လိုက်သော အလုပ်သင်ဖြစ်နိုင်သည်။
"ဟုတ်တယ်။ အစ်မက ရုပ်ရှင်တွေကို ကြိုက်တယ်မလား။" ချန်ယွမ်ရှန်းသည် ကျီဖန်ယင်းနှင့် စကားပြောရန် တိတ်ဆိတ်သောနေရာသို့ သွားလိုက်သည်။ "ကျွန်တော်လည်း သီချင်းရေးတာမှာ အတွေ့အကြုံနည်းနည်းပါးပါးရှိတော့ ရုပ်ရှင်ဇာတ်ဝင်တေးတွေကို ကြိုးစားထုတ်လုပ်ကြည့်ချင်လို့။"
အခြားအလုပ်သင်တစ်ဦးကလည်း စကားဝိုင်းထဲတွင်ပါဝင်ရန် ရည်ရွယ်ချက်ဖြင့် သူမတို့ထံ ချဉ်းကပ်လာခဲ့သော်လည်း ချန်ယွမ်ရှန်းက သူ့ကို မသိမသာ နှင်ထုတ်ခဲ့သည်ကို ကျီဖန်ယင်းသည် မျက်လုံးထောင့်မှ မြင်လိုက်ရသည်။
သူမရှေ့မှ အပြစ်ကင်းစင်သော ချန်ယွမ်ရှန်းဟာ တစ်ဝက်က စစ်မှန်ပြီး တစ်ဝက်ကဟန်ဆောင်မှုဆိုတာ သူမသိသော်လည်း သူ့လုပ်ရပ်ကို သူမ သဘောကျနေဆဲပင်။
![](https://img.wattpad.com/cover/326516520-288-k830664.jpg)