"اسيرة_لعبة_الماضي "باللهجة الجزائرية

الفصل5

ماهر:ليناار صوتك ميعلاش عليا وهاذ الشي لمصلحتك يماك راحت اتقبليها وابني صورتها في عقلك ومعادش تزيدي تجبدي على الموضوع هاذا

لينار ناضت من بلاصتها ودموعها رسمو طريق على خدودها اللي حمارو وعينيها اللي لونهم صار اغمق :اوك مالا ندعي ربي يهزني ليها بيسك توحشتها ومشات تجري لبيتها بلاما تزيد حتى حرف

ماهر خبط الكأس اللي كان في يدو كسرو وناض يجري طالع وراها كلامها قتلو بالعرق كلامها كامل صحيح ومن حقها وهوا الغالط كيفاش يقلها مزالت حيا وانا اللي مخليك بعيد عليها.....انا اللي كذبت عليها وعليك......انا اللي فرقت ام وبنتها.....انا هوا السبة في كلشي.....انا اللي ماحاربتش علاجالها.. بنتي تتمنا الموت قدامي ومنقدر نديرلها والو....صعيبة بزاف,بقا يخمم حتى وصل لبيتها اللي كانت مسكرة وصوت شحقاتها واصلين لبراا نفس الحالة ونفس الحاجة تصرا كل ما يتفتح هاذ الموضوع.....ماهر طبطب الباب مسمعش رد بالعكس الشحقات زادو

ماهر:ليناار افتحي الباب لازم نهدرو

لينار تحكي ببحة مخلطة ببكا :رووح عليا نكرهك.. نتا طول تعيط عليا كل مانهدر على ماما.. نتا الغالط.. نتا تتوحشها عادي.. تعرف صورتها,اسمها,وديت حنانها,ولكن انا والو... ماراني حاسة تجاه ماما بوالو.. من غير الذنب..واني انا السبة لوكان مجابتنيش راها حية... انا السبة.. مشات من الحياة بعمر صغير... مشافتش بنتها اللي حاربت عليها..وضك متخلينيش حتى نشوف صورتها وتجي تقولي بنتي سامحيني منسامحش روح خليني

ماهر قلبو كان موجوع وزاد متوحشها وزادت بنتو على مابيه :لينار:افتحي بنتي تعيشي خليني نهدر معاك

لينار:منيش حابة نسمع روح خمم في خدمتك وإنساني انا. نشوفك غير الصباح وفالليل, نحس روحي غريبة وسط داري.. خليني نبكي عليها.. لو كانت هنا اكيد تريح معايا وتقولي احكيلي على نهارك ووش درتي.. شكون هدر معاك.. شكون قلقك.. نلعبو انا وهيا ولكن والو اسمها ومنعرفوش هذا يخليني نسقسي روحي شكون انا وواش صح انا بنتكم

ماهر الزوج كلمات اللخرين قتلوه ناض يخبط فالباب :ليننار متهبلينيش افتحي الزمر تاع الباب لا نكسرو

لينار:....

ماهر:ليينااار نهدر معاك افتحي

جا رايح يكسر الباب حكمو مازن

مازن:ماهرر هبلت؟؟راك تخوف فالطفلة وتزيد عليها خليها ضك انا نهدر معاها ونجيبهالك روح لبيتك هدن روحك ووجد أعذار تقابلهم بيها كيما العادة (لاح هدرتو الأخيرة ونظرات اشمئزاز تعلو وجهو حتى هوا فالعام اللي تزوج فيه ماهر هوا كان خارج البلاد يقرى في مدرسة داخلية ومحضرش عرس خوه جاا لقا خوه ببنتو وواحد ماحب يحكيلو لحكاية الا جدو اللي كان يقولو حنا منربوش دم عدونا ومنخلوش دمنا يسيل بلاما نسلكو اللي سيحو ويسكت ..وهوا واقف معا لينار وحاب يعرف مرت خوه ووش صرا حتى هواا)

ماهر تنطر منو يهدد :مازن اعدل شوفاتك لا نطيرلك عينيك وروح عليا

مازن:مش بكيفك جيت علاجال بنتي...ماهر بقا يشوف فيه تاع وش جابها بنتك

مازن:اييه بنتي وصديقتي واللمسة اللي حلات حياتنا ونحاربك علاجالها

هدوء عم المكان والزوج اكتفاو برسم ابتسامة امتنان واخوة حتى كسر هاذاك الصمت الباب كي تحل طلت براسها وتشوكات كي لقاتهم واقفين هنا كان في بالها راحو

ماهر غير شافها طل براسها من الباب تلاح هزها حضنها يبوس في راسها ويشم في ريحتها

ماهر:سامحيني يا بابا سامحيني يا روحي اسمحيلي

لينار تمسح على شعرو:سامحني ..بابا انا السبة

ماهر :اشش يا روحي خلاص ملازمش نزيدو نفتحو الموضوع هذا اوك

لينار:....

ماهر يحرك فيها:اوووك؟؟

مازن تلاح ليها حكمها من يدها اليمين اللي كانت على كتف ماهر مليانة دم بصح منين :ماهر منين الدم هاذا تلاح للينار لقاها دايخة

ماهر:لييناار ليناار مازن عيط للطبيب الدم من معصمها

مازن :كانت رايحة تنتحر... ماااهر كانت رايحة تنتحر(يهدر ويعيط من الصدمة)

ماهر:ماااازن الطبيب عيط....ودخل حطها على سريرها وربطلها معصمها محاولا منع النزيف قلبو يرجف عليها خاف تروح وتخليه كيفها ويبقى وحدو

مازن دخل يجري ::عيطت للطبيب والعايلة سمعت

سليمة دخلت تمشي وتزارب عمرها ميسمحش تجري

سليمة :بنتي وش صرالها.. وش صرا لكبدتي ..شبيها بنت الغالية.. شبيها بنت بنتي اللي خلاتهالي امانة

ماهر بقات تضرب في راسو غير كلمة امانة :اييه صح هيا امانتها وقطعة من قلبو لحد الآن منساش وعدو ليها وهيا راقدة قدامو وهوا محملها فغطاها زوج كلمات قالهم :بنتنا امانة وخرج ومزادش شافها

وضك تنتحر وبكل سهولة هنا متسطحة قدامو ومقادر يديرلها والو نفس المشهد اللي صرا من خمس سنين راه يصرا ضك ولكن معا بنتها راقدة جهامة بلا روح

كامل ملمومين في شمبرتها الغوز المزينة ستيل بنوتي ماهر واقف معا الطبيب ويستفسر على حالتها

الطبيب (وعلى وجهو علامات قلق):سيد ماهر معلاباليش وش نقدر نقولك .. بنتك حالتها متعجبش صحيح حبست النزيف ونسبة الخطر الجسدي قلت ولكن الآثار النفسية رايحة تبقى ولازم نعرف السبب اللي خلاها تفكر في الانتحار بش نشوف اذا لازم تشوف طبيب نفسي او انو حالتها تسمح بعلاجها هنا في المنزل معاكم يعني تكونو نتوما المعالجين يعني يا سيد ماهر لازم تحكيلي اذا بنتك راهي تعيش اي ضغوطات نفسية تخليها تفكر في الانتحار

ماهر كلام الطبيب خربطلو راسو كيفاه هاذي تخمم في الانتحار... ضغوطات.... طبيب نفسي وأسئلة بزاف تدور في راسو وبسبة شكون؟؟بسبتو هوا

شد راسو بزج يدين وجاع هلكو وصورتها جات بين عينيه لحظات حلوة ومرة من حياتهم تعاودت قدامو بقا غير يعاود في كلمة وحدة :سامحيني.... سامحيني